ބަންގްލަދޭޝާ އެއްވަރުވެ ރާއްޖެ ފުލަށް، ކުޅިބަލަން ތިބި އަފްގާނިސްތާން ފައިނަލަށް

Jun 7, 2026, 11:03 PM
ޑައިމަންޑް ޖުބިލީ އިންޓަނޭޝަނަލް މުބާރާތުަގައި ރާއްޖެ އާއި ބަންގްލަދޭޝް ކުޅުނު މެޗުގެ ތެރެއިން.--- ފޮޓޯ: އަދަދު ސްޕޯޓްސް

ޑައިމަންޑް ޖުބިލީ އިންޓަނޭޝަނަލް މުބާރާތުަގައި ރާއްޖެ އާއި ބަންގްލަދޭޝް ކުޅުނު މެޗުގެ ތެރެއިން.--- ފޮޓޯ: އަދަދު ސްޕޯޓްސް

ރާއްޖޭގެ ފުޓްބޯޅަ އަށް 75 އަހަރު ފުރުމުގެ މުނާސަބަތުގައި ކުރިއަށްދާ ޑައިމަންޑް ޖުބިލީ އިންޓަނޭޝަނަލް މުބާރާތުގެ ލީގު ބުރުގެ ފަހު މެޗުން ބަންގްލަދޭޝްގެ ޒުވާން ޓީމާ ރާއްޖެ 1-1 އިން އެއްވަރުއިރު، ކުޅިބަލަން ތިބި އަފްގާނިސްތާނަށް މުބާރާތުގެ ފައިނަލުގެ ފަހު ޖާގަ ލިބިއްޖެ އެވެ. 

މިއަދު ހަވީރު ކުޅުނު މެޗުން އަފްގާނިސްތާން އަތުން 2-0 އިން މޮޅުވެ، ފައިނަލުގެ ފުރަތަމަ ޖާގަ ހޯދީ ޕާކިސްތާނުންނެވެ. މި މުބާރާތުގައި ފުރަތަމަ ކުޅުނު ދެ މެޗުން އަފްގާނިސްތާނާއި ޕާކިސްތާނާ ލަނޑެއް ނުޖެހި އެއްވަަރުވި، ބަންގްލަދޭޝްގެ 23 އަހަރުން ދަށުގެ ޓީމަށް ފައިނަލަށް ދެވެން އޮތީ މިރޭ ރާއްޖެ ބަލިކޮށްގެންނެވެ. އެ ނޫން ނަތީޖާއެއް ނުކުމެގެން ފައިނަލަަށް ދަނީ، އަފްގާނިސްތާން އެވެ.  އެހެންކަމުން، އެއްވަރުވުމާ އެކު ކެޓީ އެވެ.

ފުރަތަމަ ދެ މެޗުން، އަފްގާނިސްތާން އަތުން 1-0 އިން ބަލިވެ، ދެ ވަނަ މެޗުން ޕާކިސްތާން އަތުން 3-0 އިން ބަލިވި ރާއްޖެ އަށް މިރޭގެ މެޗަށް ނުކުތްއިރު ވެސް އޮތީ ފައިނަލުގެ ދޮރު ބަންދުވެފަ އެވެ. 

ޑައިމަންޑް ޖުބިލީ މުބާރާތުގެ ލީގު ބުރުގެ ކުޅުން ނިމުނުއިރު، ރާއްޖެ ދިޔައީ ފުލަށެވެ. އެއް ވަނަ ހޯދީ ހަތް ޕޮއިންޓާ އެކު ޕާކިސްތާން އެވެ. ދެ ވަނަ ހޯދީ ހަތަރު ޕޮއިންޓާ އެކު އަފްގާނިސްތާން އެވެ. ތިން ވަނަ އަށް ތިން ޕޮއިންޓާ އެކު، ބަންގްލަދޭޝް ދިޔައީރު، ފުލުގައި ނިންމި ރާއްޖެ އަށް ލިބުނީ ޕޮއިންޓެކެވެ. 

ގަލޮޅު ދަނޑުގައި މިރޭ ބަންގްލަދޭޝްގެ ސަޕޯޓަރުންގެ ގަދަ އަޑުތަކާ އެކު ފެށުނު މެޗުގައި އެ ޓީމުގެ ކުޅުންތެރިން ފުރަތަމަ ނުވަ މިނިޓް ތެރޭ ރާއްޖޭގެ އޭރިއާތެރެއިން ނުރައްކާތެރި ތިން ހަމަަލާއެއް ފޮނުވާލި އެވެ. އެކަމަކު، ރާއްޖޭގެ ގޯލުގައި ކުޅެމުންދިޔަ ހުސެއިން ޝަރީފް (ހުސެން) ރަނގަޅަށް ޓެސްޓްކޮށްލެވޭ ވަރުގެ ހަމަލާއެއް ފޮނުވާނުލެވުނެވެ. އެ ގޮތުން، ރާބީ ހުސެއިން ރާހުލް އާއި ސޯރަވް ދޭވާންގެ ހަމަލާތައް ދިޔައީ ބޭރަށެވެ. 

ރާއްޖޭން ވަނީ ކައުންޓަ އެޓޭކުގައި ތަނަވަސްކުރި ފުރަތަމަ ރަނގަޅު ފުރުސަތުގައި ލިބުނު ޕެނަލްޓީ އަކުން ލީޑުނަގައިފަ އެވެ. މިއީ، މި މެޗުގެ ފުރަތަމަ އެގާރަ އަށް ގެނައި އެއް ބަދަލަކަށް ކުޅެންއެރި އަބްދުﷲ ލޫތު އިބްރާހިމް (ސާނޭ) އަށް ކުރި ފައުލަކަށް ދިން ޕެނަލްޓީ އެކެވެ. މި ޕެނަލްޓީ ވައްދާލައި، ޑައިމަންޑް ޖުބިލީ މުބާރާތުގައި ރާއްޖޭގެ ފުރަތަމަ ލަނޑު ޖެހީ، މި މެޗުގެ ކެޕްޓަންކަން ކުރި އަލީ ފާސިރު (ސެންޓޭ) އެވެ. ފުރަތަމަ ދެ މެޗުގައި ވެސް ސެންޓޭ ކުޅެން އެރީ ދެ ވަނަ ހާފުގައި ބަދަލަކަށެވެ. 

މެޗުގެ ރެފްރީ، އިންޑިއާގެ ސެރަކަން ސެންތިލްނަތަންގެ ނިންމުންތަކާ މެދު ބަންގްލަދޭޝްގެ ކުޅުންތެރިންނާއި އޮފިޝަލުން އަދި ސަޕޯޓަރުން ވެސް ނުރުހުން ފާޅުކުރަމުންދިޔައިރު، ބަންގްލަދޭޝްގެ މެނޭޖަރު، އެމްޑީ ޝާހީން ހަސަން އަށް ވަނީ ދެ ރީނދޫ ކާޑާ އެކު ރަތެއް ދައްކަައިފަ އެެވެ. 

ރާއްޖޭގެ ކުރިއަށް ކުޅެމުންދިޔަ ޒުވާން ފޯވާޑް، މުހައްމަދު އިލާން އިމްރާން އަށް އޭރިއާތެރެއިން ލިބުނު ބޯޅައެއް ކޮންޓްރޯލް ކުރުމަށް ފަހު އެހެން ކުޅުންތެރިއަކަށް ދީގެން ފޮނުވާލެވޭތޯ ބެލި ނަމަވެސް ކާމިޔާބެއްނުވި އެވެ. ފުރަތަމަ ހާފުގައި ބަންގްލަދޭޝްގެ ފަހު ހަމަލާ ފޮނުވާލީ އެ ޓީމުގެ ކެޕްޓަން، މަނިކް ހޮސެއިން މޮއްލާ އެވެ. އޭރިއާބޭރުން އޭނާ ފޮނުވާލި ޝޮޓް ދިޔައީ ހުރަސްދަނޑިމަތިންނެވެ. 

ދެ ވަނަ ހާފުގެ ކުޅުން ފެށިގެން ހަތް މިނިޓް ތެރޭ ބަންގްލަދޭޝް އިން ވަނީ ނަތީޖާ ހަމަހަމަކޮށްފަ އެވެ. މިއީ، ޕެނަލްޓީ އަކުން ޖެހި ގޯލެކެވެ. މި ޕެނަލްޓީ އަކީ ރާއްޖޭގެ ތޯއިފް ގާސިމް (ތޯއްޕެ) އަތުގައި ބޯޅަ ޖެހުމުން ރެފްރީ ސެރަކަން ދިން ޕެނަލްޓީއެކެވެ. އެ ޕެނަލްޓީ ވައްދާލީ ބަންގްލަދޭޝްގެ ފުލްބެކް، މިރާޖުލް އިސްލާމް އެެވެ. 

އޭގެ ފަހުން، ރާއްޖޭން ވަނީ މެޗުގެ 58 ވަނަ މިނިޓްގައި، ސެންޓޭ އާއި ސާނޭގެ ބަދަލުގައި، ހުސެއިން ސިފާއު ޔޫސުފް (ކުރޯ) އާއި އިބްރާހިމް މަހުދީ ހުސެއިން (ފޭދޫ އިއްބެ) ކުޅެން އަރުވައިފަ އެވެ. ފޭދޫ އިއްބެ ކުޅެން އަރައި، އިލާން އަށް ދެ އެޓޭކެއްގައި ފުރުސަތު ތަނަވަސްކޮށްދޭން ބެލި ނަމަވެސް ރާއްޖެ އަށް ހަމަލާއެއް ފޮނުވާލެވޭގޮތެއްނުވި އެވެ. 

ތޯއްޕެ އަށް އަނިޔާވެގެން ބަދަލަކަށް ކުޅެން އެރި އަހުމަދު އައިހަމް (އައިހު) އެޓޭކަށް އަރައި، ބޯޅަ ފޮނުވާލަން އުޅުމުގެ ތެރޭގައި އެކަން ކާމިޔާބެއްނުވި އެވެ.

މެޗުގެ 85 ވަނަ މިނިޓްގައި ފޭދޫ އިއްބެ ފޮނުވާލި ބޯޅައެއް އަމާޒުވީ ބަންގްަލަދޭޝްގެ ކީޕަރު، މެހެދީ ހަސަން ސަރަބޯން ވަނީ މަތަކޮށްފަ އެވެ. އަދި، އޭގެ ފަހުން، ފޭދޫ އިއްބެ އަށް ލިބުނު ފުރުސަތެއްގައި ޖެހި ބޯޅަ ވެސް ޖެހުނީ ކީޕަރު، ސަރަބޯން ގައިގަ އެވެ. 

އިތުރުަ ވަގުތުގެ ގޮތުގައި ދެއްކި ހަތް މިނިޓް ތެރޭގައި ވެސް ލަނޑެއް ޖެހޭގޮތެއްނުވިއިރު، ބަންގްލަދޭޝްގެ ދެ ކުޅުންތެރިއަކަށް ރަތް ކާޑު ދެއްކި އެވެ. އެ ގޮތުން، ލައިންސްމަން ކައިރިއަށް ގޮސް ހިތްހަަމަނުޖެހުން ފާޅުކުރި ގޮތުން، ބަދަލަަކަށް ފައިބައި ހުރި މިރާޖުލް އަށް ރަތް ކާޑެއް ދެއްކިއިރު، އެކަމާ ބެހޭގޮތުން އެޕީލްކުރަން ދިޔަ ބަންގްލަދޭޝްގެ އަލް އަމީން އަށް ވެސް ވަނީ ރަތް ކާޑެއް ދައްކައިފަ އެވެ. 

އޭގެ ފަހުން، ރާއްޖޭގެ ނައްސާހު އިބްރާހިމް ނާސިރު އާއި ބަންގްލަދޭޝްގެ ޑިފެންޑަރަކު ބޯޅަ އަށް އެޓެމްޕްޓް ކުރި ވަގުތު އެ ތަނުގައި ބޮޑު ހަމަނުޖެހުމެއް ހިންގައި، ސަޕޯޓަރުން ވެސް ދަނޑަށް އެރި އެވެ. އަދި، ހަަމަނުޖެހުން ބޮޑުވެ އެކަން ކޮންޓްރޯލް ކުރަން ފުުލުހުން ދަނޑަށް އެރި އެވެ. އިރުކޮޅަކަށް ފަހު މެޗު ނިންމާލަން ރެފްރީ ނިންމުމާ އެކު، ބަންގްލަދޭޝް ކުޅުންެތެރިން ވަނީ ރެފްރީ ވަށާލައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox