އަދާލަތު ޕާޓީ އާއި ސަލަފް ޖަމިއްޔާއިން ރަސްމާލޭގެ ކޮންބޮޑުވުންތައް ދިރާސާ ކުރާތާ ދެ ހަފުތާވެއްޖެ

ސަލަފްގެ ރައީސް އަބްދުﷲ (ކ) އަދި އަދާލަތުގެ ރައީސް ޝިފާން (ވ): އެ ޕާޓީ އާއި ޖަމިއްޔާއިން ރަސްމާލެ މަޝްރޫއު ދިރާސާކުރާތާ ދެ ހަފްތާވިއިރުވެސް އެކަމާ ގުޅިގެން އެއްވެސް އެއްޗެއް ބުނެފައެއް ނުވޭ

ސަލަފްގެ ރައީސް އަބްދުﷲ (ކ) އަދި އަދާލަތުގެ ރައީސް ޝިފާން (ވ): އެ ޕާޓީ އާއި ޖަމިއްޔާއިން ރަސްމާލެ މަޝްރޫއު ދިރާސާކުރާތާ ދެ ހަފްތާވިއިރުވެސް އެކަމާ ގުޅިގެން އެއްވެސް އެއްޗެއް ބުނެފައެއް ނުވޭ

އިޒްރޭލު އަދި ޔަހޫދީންނާ ގާތް ގުޅުމެއް ބާއްވާ ޔޫއޭއީގެ އީގަލް ހިލްސް ކުންފުންޏަށް ރަސްމާލޭގެ ދެބައިކުޅަ އެއްބައި ތާއަބަދަށް ދޫކޮށްލާ މަޝްރޫއުގެ ކަންބޮޑުވުންތައް އަދާލަތު ޕާޓީ އާއި ސަލަފް ޖަމިއްޔާއިން ދިރާސާކުރަމުންދާތާ ދެ ހަފްތާވެއްޖެ އެވެ. 

ރަސްމާލޭގެ 1،010 ހެކްޓަރުގެ ތެރެއިން 500 ހެކްޓަރު އީގަލް ހިލްސްއަށް ދިންއިރު، އެތަނުގައި ބިދޭސީ މަހުޖަނުންނަށް ދާއިމަށް ދިރިއުޅެވޭ ގޮތަށް އެޕާޓްމަންޓްތައް ވިއްކުމުގެ މަސައްކަތް މިހާރު އެ ކުންފުނިން ވަނީ ފަށައިފަ އެވެ.

މި މަޝްރޫއު ދިރާސާކުރުމުގެ ކަންކަން ކުރިއަށްދާ ގޮތާ ގުޅޭގޮތުން ސުވާލުކުރަން އަދާލަތުގެ ރައީސް ޝެއިހް މުހައްމަދު ޝިފާން އަދި ސަލަފުގެ ރައީސް ޝެއިހް އަބްދުﷲ ބިން މުހައްމަދަށް އަދަދު ނޫހުން ގުޅުމުން ފޯނަށް ޖަވާބެއް ދެއްވާފައެއް ނުވެ އެވެ.

Advertisement

ސަރުކާރުން އީގަލް ހިލްސް މަޝްރޫއު އިއުލާނުކުރިތާ ހަފުތާއެއްފަހުން ސެޕްޓެމްބަރު 28، ގައި ސަލަފް ޖަމިއްޔާގެ ތަރުޖަމާނު، ހަސަން ފިކުރީ އެކްސްގައި ކުރެއްވި ޕޯސްޓެއްގައި ވިދާޅުވީ ރަސްމާލޭގައި ސަރުކާރުން ހިންގުމަށް އިއުލާނުކޮށްފައިވާ މަޝްރޫއާމެދު ކަންބޮޑުވުންތަކެއް ހުރިތޯ ބެލުމަށް ދިރާސާ ކުރަމުންދާ ކަމަށެވެ.

މިގޮތުން ޝިފާންގެ އިތުރުން އަދާލަތުގެ ބައެއް އިސްވެރިން ހައުސިން މިނިސްޓްރަރު ޑރ. އަބްދުﷲ މުއްތަލިބާ ބައްދަލުކުރެއްވުމުން އެބޭފުޅުންނަށް މުއްތަލިބު މަޝްރޫއާ ގުޅޭ ޕްރެޒެންޓޭޝަނެއް ދެއްވި އެވެ. ނަމަވެސް އެ ބައްދަލުވުމާ ގުޅޭ ތަފްސީލެއް އަދާލަތުން ހާމައެއް ނުކުރެ އެވެ. 

ރަސްމާލެ މަޝްރޫއު އިއުލާނުކުރިތާ ހަފުތާއެއް ފަހުން، ކަންބޮޑުވުމެއް އޮތްތޯ ބަލަން އަދާލަތު ޕާޓީ އާއި ސަލަފުން ދިރާސާކުރަނީ

ރަސްމާލެ މަޝްރޫއުގެ ދަށުން ބޭރުގެ ކުންފުންޏަކަށް ބޮޑު ބިމެއް ދިގު މުއްދަތަށް ދޭން ނިންމުމާ ގުޅިގެން، އެކަމުގައި ކަންބޮޑުވުންތަކެއް ހުރިތޯ ބަލަން އަދާލަތު ޕާޓީ އާއި ސަލަފް ޖަމިއްޔާއިން ދިރާސާކުރަން ފަށައިފިއެވެ.

އެކަމާ ގުޅިގެން އަދާލަތު ޕާޓީގެ ތަރުޖަމާނު، ހުސައިން އަންސާރު ސެޕްޓެމްބަރު 28، ގައި ކުރެއްވި ޕޯސްޓެއްގައި ވިދާޅުވީ ރަސްމާލެ މަޝްރޫއު އާއި ރެޒިޑެންސީ ވިސާ އަދި، ޓައުންޝިޕް ޕްރޮގްރާމާ ގުޅޭގޮތުން ސާފުކުރަންޖެހޭ މައުލޫމާތުތައް ސާފުކުރަމުންދާ ކަމަށެވެ.

ނަމަވެސް އޭގެ ފަހުން ރަސްމާލެ މަޝްރޫއާ ގުޅިގެން ސަލަފުން ގުޅިގެން އެއްވެސް އެއްޗެއް ބުނެފައެއް ނުވެ އެވެ. އެ ޖަމިއްޔާއިން ކަންބޮޑުވާ ކަމެއްވެސް ހާމަކޮށްފައެއް ނުވެ އެވެ. 

ގިނަ ދިވެހިންގެ މައިގަނޑު ކަންބޮޑުވުމެއް އޮތީ ދިގު މުއްދަތަށް ބޭރު މީހުންނަށް ރަސްމާލޭގައި އުޅެވޭނެ ގޮތަށް އެ ތަން ތަރައްގީކުރާތީ އެވެ. އެކަމުގައި ބަސް ބުނެފައިވަނީ މަދު އިލްމުވެރިންތަކެކެވެ.

އީގަލް ހިލްސްއަށް ރަސްމާލެ ދޭން ސިއްރު އެގްރިމެންޓެއްގައި ސޮއި ކުރީ ސެޕްޓެމްބަރު 21، ގަ އެވެ. ރަސްމާލެއިން ޕްރޮޕަޓީސް ގަންނަ މީހާއަށް ލިބޭ މީހާ އެތަން ވިއްކާލުމުން، ނުވަތަ ހިބައިން ދިނަސް އަނެއްކާ 99 އަހަރުގެ އާ ލީސް މުއްދަތެއް ފެށޭނެ އެވެ.

ބޭރުގެ ބަޔަކަށް ރަސްމާލެ ދޫކޮށްލާއިރު ގިނަ އިލްމުވެރިން ހަނު

ރަސްމާލެ މަޝްރޫއު ބޭރުގެ ކުންފުންޏަކަށް ދޫކޮށްލުމާ ގުޅިގެން، މީގެކުރިން ޤައުމީ ބޮޑެތި ކަންކަމުގައި އަޑުއުފުލި ދީނީ އިލްމުވެރިން މިހާރު ހަނުތިބޭތީ ސުވާލު އުފެދޭ. އިލްމުވެރިން މިކަމުގައި ފަސްޖެހެނީ މި ސަރުކާރުގެ މަގާމުތަކުގައި ގިނަ އިލްމުވެރިން ތިބުމާއި ސަރުކާރަށް އޮތް ތާއީދެއްގެ ބޮޑުކަމުން.

މި މަޝްރޫއާ ގުޅިގެން ސަރުކާރަށް އިންތިހާއަށް ފާޑުކިޔުން އަމާޒުވި ނަމަވެސް ސަރުކާރުން މަސައްކަތް ކުރަމުން އަންނަނީ މިއީ ރަނގަޅު މުއާމަލާތެއް ކަމުގައި ދައްކާށެވެ. އެގޮތުން މިއީ އާންމު އުސޫލުން ރިސޯޓުތައް ދޭ ގޮތަށް ދީފައިވާ ތަނެއް ކަމަށާއި މި އިންވެސްޓުމަންޓުން ރާއްޖެ ނުދެކޭ ވަރުގެ އާމްދަނީ ވަންނާނެ ކަމަށް އަންނަނީ ބުނަމުންނެވެ.

ރަސްމާލެ ހިއްކަން ފެށީ އެތަނަކީ ދިވެހިންގެ ބޯހިޔާވަހިކަމަށް ހާއްސަކޮށް ހިއްކާ ރަށެއް ކަމަށް ބުނެ އެވެ. އަދި ރަސްމާލޭ ބޭރުގެ ބަޔަކަށް ކުއްޔަށް ވެސް ނުދެއްވާނެ ކަމަށް ސީދާ ރައީސް މުހައްމަދު މުއިއްޒު ވަނީ ވައުދުވެވަޑައިގެންފަ އެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox