އޭއެފްސީ ޗެލެންްޖު ލީގުން ރާއްޖޭގެ 4 ރެފްރީ އަކަށް ފުރުސަތު ލިބިއްޖެ

Sep 24, 2026, 8:38 AM
ރާއްޖޭގެ ދެ ރެފްރީން ކަމަށްވާ، ޖާވިޒް އާއި ސިނާ: ޗެލެންޖު ލީގުގައި ރެފްރީކަން ކުރަން ލިބުނު ރެފްރީންގެ ތެރޭގައި ހިމެނޭ.---

ރާއްޖޭގެ ދެ ރެފްރީން ކަމަށްވާ، ޖާވިޒް އާއި ސިނާ: ޗެލެންޖު ލީގުގައި ރެފްރީކަން ކުރަން ލިބުނު ރެފްރީންގެ ތެރޭގައި ހިމެނޭ.---

އޭއެފްސީ ޗެލެންޖު ލީގުގުގެ ގްރޫޕް ސްޓޭޖު މެޗުތަކަކުން ރާއްޖޭގެ ހަތަރު ރެފްރީ އަކަށް ފުރުސަތު ލިބިއްޖެ އެވެ. 

މިއީ، އޭޝިއާގެ ކްލަބް ފުޓްބޯޅައިގެ މުބާރާތަކުން ރާއްޖޭގެ ރެފްރީންނަށް މެދުކެނޑުމަކަށް ފަހު ލިބިގެންދިޔަ ފުރުސަތެކެވެ. އޭއެފްސީގެ ތިން ވަނަ ފަންތީގެ ކްލަބް ފުޓްބޯޅަ މުބާރާތް، ޗެލެންޖު ލީގަކީ މީގެ ތިން އަހަރު ކުރިން މުޅިން އަލަށް ފެށި މުބާރާތެކެވެ. 

މި ފަހަރުގެ މުބާރާތުގެ ކޮލިފައިން ބުރު ނިމިފައިވާއިރު، ދެން އޮތީ ގްރޫޕް ސްޓޭޖުގެ މެޗުތަކެވެ. ރާއްޖޭގެ ހަތަރު ރެފްރީންނަށް ފުރުސަތު ލިބިފައިވަނީ، ދެ ގްރޫޕެއްގެ މެޗުތަކުންނެވެ. ފުރުސަތު ލިބިފައިވާ ރެފްރީންނަކީ ފީފާ ބެޖު ގިނަ އަހަރުތަކެއް ވަންދެން ހޯދާފައިވާ ތަޖުރިބާކާރު ރެފްރީންްނެވެ. އަދި، އެ ރެފްރީން ވަނީ، ބައިނަލްއަގުވާމީ އެކި ފަންތީގެ މުބާރާތްތަކުގައި މީގެ ކުރިން ވެސް އިންސާފުކޮށްފަ އެވެ. 

އެ ގޮތުން، އަންނަ މަހުގެ 17-23 އަށް ކުވެއިތުގައި ކުރިއަށްދާ ގްރޫޕް ސީގެ މެޗުތަކުގައި ރެފްރީކަން ކުރުމުގެ ފުރުސަތު، ރާއްޖޭގެ މުހައްމަދު ޖާވިޒް (ޖޭޑު) އަށް ލިބިފައިވާއިރު، އެސިސްޓަންޓް ރެފްރީއެއްގެ ގޮތުގައި، އަހުމަދު ހަސަން (އައްމަޑޭ) މަސައްކަތްކުރާނެ އެވެ. 

2023 ވަނަ އަހަރު އިންޑިއާގައި ބޭއްވި ސާފް ޗެމްޕިއަންޝިޕްގެ މެޗެއްގެ ތެރެއިން ރެފްރީ ސިނާން (ކ) އާއި އެސިސްޓަންޓް ރެފްރީ އަހުމަދު ހަސަން.-- ފޮޓޯ: މުހައްމަދު ޝާބިން/ އަދަދު
2023 ވަނަ އަހަރު އިންޑިއާގައި ބޭއްވި ސާފް ޗެމްޕިއަންޝިޕްގެ މެޗެއްގެ ތެރެއިން ރެފްރީ ސިނާން (ކ) އާއި އެސިސްޓަންޓް ރެފްރީ އަހުމަދު ހަސަން.-- ފޮޓޯ: މުހައްމަދު ޝާބިން/ އަދަދު

މި ގްރޫޕްގައި ހިމެނޭ ޓީމުތަކަކީ، ކުވެއިތުގެ އަލް ގަދްސިއާ، ބަންގްލަދޭޝްގެ ފޯޓިސް، އިންޑިއާގެ ގޯއާ އަދި ތަޖިކިސްތާންގެ ރެގާރު ޓަޑާޒް އެވެ. ރެގާރު އަކީ ކޮލިފައިންގައި ރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން ބަލިކޮށް ގްރޫޕް ސްޓޭޖަށް ކޮލިފައިވި ޓީމެކެވެ. 

ދެން، ދިވެހި ރެފްރީންނަށް ފުރުސަތު ލިބިފައިވަނީ، އަންނަ މަހުގެ 17-23 އަށް ބޫޓާނުގައި ކުރިއަށްދާ ގްރޫޕް އޭގެ މެޗުތަކަށް ދާ މެޗު އޮފިޝަލުންގެ ތެރެއިންނެވެ. އެ ގޮތުން، އެ މެޗުތަކުގައި އިންސާފުކުރާ ރެފްރީންގެ ތެރޭގައި، ރާއްޖޭގެ ރެފްރީ ހުސެއިން ސިނާން ހިމެނޭއިރު، އެސިސްޓަންޓް ރެފްރީންގެ ތެރޭގައި، ނިއުޝާދު މުހައްމަދު ހިމެނެ އެވެ. 

މި ގްރޫޕްގައި ވާދަކުރާ ޓީމުތަކަކީ، ބޫޓާނުގެ ޕަރޯ އެފްސީ، ސީރިއާގެ އަލް އިއްތިހާދު އަހްލީ، ލެބަނަންގެ އަންސަރު އަދި ތުރުކުމެނިސްތާންގެ އަހަލް އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox