ޖަމްޝޭދްޕޫރު ލީގުން ވަކިވުމުން ޗެތުރީގެ އިލްތިމާސެއް ޓާޓާ ގްރޫޕަށް

Aug 2, 2026, 4:12 PM
އެންމެ ފަހުން 2023 ވަނަ އަހަރު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގެ ފައިނަލަށް ފަހު ޗެތުރީ.--- ފޮޓޯ: އަދަދު

އެންމެ ފަހުން 2023 ވަނަ އަހަރު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގެ ފައިނަލަށް ފަހު ޗެތުރީ.--- ފޮޓޯ: އަދަދު

ބެންގަލޫރު، އިންޑިއާ (އޮގަސްޓް 2) - މާލީ ކަންކަމަށް ބަލާފައި، އިންޑިއަން ސުޕަ ލީގު (އައިއެސްއެލް) އިން ވަކިވާން ޖަމްޝޭދުޕޫރު އެފްސީ ހިންގާ ޓާޓާ ގްރޫޕުން ނިންމުމާ ގުޅިގެން، އިންޑިއާ ފުޓްބޯޅައިގެ ހައްގުގައި އެކަން އަލުން މުރާޖާކުރުމަށް އިންޑިއާގެ ލެޖެންޑް، ސުނިލް ޗެތުރީ އިލްތިމާސެއް ކޮށްފި އެވެ. 

އެކްސް (ކުރީގެ ޓްވިޓާ)ގައި ޗެތުރީ ކުރި ޕޯސްޓެއްގައި ޓާޓާ ގްރޫޕަށް ފޮނުވާ މެސެޖެއްގެ ގޮތުގައި ލިޔެފައިވަނީ، ޖަމްޝޭދްޕޫރާ ގުޅޭގޮތުން، ނިންމާފައި އޮތް ނިންމުމާ މެދު އަލުން ފުންކޮށް ވިސްނާއިރު، ސިކުނޑި އަށް ވުރެން ބޮޑަށް ހިތަށް ބަރޯސާވެގެން ގޮތެއް ކަނޑައެޅުމަށެވެ. އަދި، ޓާޓާ ގްރޫޕްގެ އެ ނިންމުން ވެގެންދާނީ މި ވަގުތު އިންޑިއާގެ ފުޓްބޯޅަ އަށް އެންމެ ބޭނުންތެރި ގޮތް ކަމުގައި ޗެތުރީ ފާހަގަކޮށްފައިވެ އެވެ، 

އިންޑިއާ ގައުމީ ޓީމުގެ ކުރީގެ ކެޕްޓަން، ޗެތުރީ ބުނީ، އެ ގައުމުގެ ފުޓްބޯޅައިގައި މުހިންމު ހިއްސާދާރެއްގެ ގޮތުގައި ދެމި އޮތުމަކީ ވަރަށް ހިތްވަރާއި މިންނަތުން ކުރެވޭ ކަމެއް ކަމަށާއި ވަށައިގެން އެކިއެކި މައްސަލަތައް ދިމާވާ ވަގުތުތަކުގައި އެންމެ މުހިންމު ކަަމަކީ "އާއިލާއެއްގެ" ގޮތުގައި ދެމިތިބުން ކަމަށެވެ. 

"އެންމެ ބޮޑު ކަމަކީ، އެންމެ ދޮށީ މީހުންނަށް އެހީގެ އަތެއް ވެސް މި ދިއްކުރެވެން އަންނަނީ. އެހެންވީމަ، ޓާޓާ ގްރޫޕްގައި ތިބި އެންމެން ވެސް ޖަމްޝޭދްޕޫރު މި ހިސާބަށް ގެންނަން މަސައްކަތްކުރި އެންމެން ވެސް ފުންކޮށް ވިސްނަން އެބަޖެހޭ،" ބެންގަލޫރު އެފްސީގެ ތަރި، ޗެތުރީ ބުންޏެވެ. 

"ޖަމްޝޭދްޕޫރުގެ މި ނިންމުމަކީ ހަމަ ބޮޑު ގެއްލުމެއް. ކުޅުންތެރިންނާއި ސްޓާފުންނަށް ކްލަބާ އެކު ވަޒީފާ ގެއްލުނީ. ލީގަށް އެއް ޓީމު މަދުވީ. އެކަމަކު ވެސް ސީޒަން ކުރިއަށްދާނެ. އެންމެ ބޮޑު ކަމަކީ، އިންޑިއާގެ ފުޓްބޯޅައިގެ އެންމެ މަތީ ލެވަލްގައި ޓާޓާ ގްރޫޕްގެ ބައިވެރިވުން ނެތުމަކީ ފޫނުބެއްދޭނެ ވަރުގެ ބޮޑު ދެރައެއް،" 

ޗެތުރީ ބުނީ، ފުޓްބޯޅައިގައި ބައެއް ނިންމުންތަކަކީ، އުނދަގޫ ކަންކަން ކަމަށެވެ. އެ ގޮތުން، ދަނޑުމަތީގެ ކަންކަމާއި ދެން ހުރި ޗެެލެންޖުތަކަށް ބަލާފައި ބޯޑްރޫމުން ނަގަންޖެހޭ ފިޔަވަޅުތައް ހުންނާނެ ކަން ވެސް ގަބޫލުުކުރާ ކަމަށް ޗެތުރީ ބުނެފައިވެ އެވެ. އެކަމަކު، އެންމެ ބޮޑު އުންމީދަކީ މިހާރު މި އޮތް ދަނޑިވަޅުގައި، ޓާޓާ ގްރޫޕުން ދެ ވަނަ ވިސްނުމަކަށް ގޮސް، އިންޑިއާ ފުޓްބޯޅައިގެ ހައްގުގައި ނިންމުން ބަދަލުކުރުން ކަމަށް ޗެތުރީ ފާހަގަކުރި އެވެ.

"އެއީ އިންޑިއާގެ ފުޓްބޯޅަ އަށް މި ވަގުތު އެންމެ ބޭނުންތެރި ގޮތް،" ޗެތުރީ ނިންމާލަމުން ލިޔެފައިވެ އެވެ. 

އިންޑިއާ ގައުމީ ޓީމުގެ ގިނަ ކުޅުންތެރިންނާއި ކުރިން ޖަމްޝޭދްޕޫރަށް ކުޅެފައިވާ ގިނަ ބިދޭސީ ކުޅުންތެރިންގެ އިތުރުން، އިންޑިއާގެ ފުޓްބޯޅަ ލެޖެންޑުން އަންނަނީ ޖަމްޝޭދްޕޫރު ލީގުން ވަކިވުމަކީ ލިބޭނެ ބޮޑު ގެއްލުމެއް ކަމަށް ބުނަމުންނެވެ.  

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox