ކުންފުންޏެއްގެ ދަށުން އިންޑިއަން ސުޕަ ލީގު ހިންގަން ކްލަބްތަކުން ހުށަހަޅައިފި

Dec 19, 2025, 1:42 PM
ކުންފުންޏެއްގެ ދަށުން އިންޑިއަން ސުޕަ ލީގު ހިންގަން ކްލަބްތަކުން ހުށަހަޅައިފި

ނިއު ދިއްލީ، އިންޑިއާ (ޑިސެމްބަރު 19) - ހުއްޓިފައިވާ އިންޑިއާގެ މައި ފުޓްބޯޅަ ލީގު، އިންޑިއަން ސުޕަ ލީގު (އައިއެސްއެލް)، ކުންފުންޏެއްގެ ދަށުން ހިންގަން، ސުޕަ ލީގުގައި ވާދަކުރާ އެއް ކްލަބް ފިޔަވައި ހުރިހާ ޓީމެއް ގުޅިގެން ހުށަހަޅައިފި އެވެ.

އިންޑިއާގެ ސްޕޯޓްސް މިނިސްޓްރީ އަށް ސިޓީއެއް މެދުވެރިކޮށް ހުށަހަޅާފައިވާ މި ޕްރޮޕޯސަލްގައި ބައިވެރިނުވާ ހަމައެކަނި ކްލަބަކީ އީސްޓް ބެންގޯލް އެވެ. މިނިސްޓްރީ އަށް މި ޕްރޮޕޯސަލް ކްލަބްތަކުން މި ހުށަހެޅީ އިންޑިއާ ފުޓްބޯޅަ ހުއްޓިފައި އޮތުމުން، ފޫނުބެއްދޭ ވަރުގެ ގެއްލުންތަކެއް ވަމުންދާތީވެ، މިނިސްޓްރީއާ އެކު ކްލަބްތަކުން ބޭއްވި ބައްދަލުވުމުގައި، މި ކަމުގެ ހައްލެއް ދޭން ކްލަބްތަކަށް މިނިސްޓްރީން 24 ގަޑިއިރުގެ މުހުލަތެއް ދިނުމުންނެވެ.

މެޖޯރިޓީ ކްލަބްތަކުން ހުށަހަޅާފައިވާ މި ޕްރޮޕޯސަލްގައި ވަނީ، އޯލް އިންޑިއާ ފުޓްބޯލް ފެޑެރޭޝަން (އޭއައިއެފްއެފް) އަށް ހާއްސަ ހިއްސާއެއް ލީގު ހިންގާ ކުންފުނިން އޮންނާނެ ކަމަށް ބުނެފަ އެވެ. އެ ގޮތުން، ލީގު ކޮމްޕެނީ ނަމަކަށް ކިޔާ މި ކުންފުނީގެ ފަރާތުން ކުރިއަށްގެންދާނީ އިންޑިއާގެ ފުޓްބޯޅަ ފެޑެރޭޝަނާ ގުޅިގެން، ލީގު ހިންގުމުގެ ކަންކަމެވެ. އަދި، މި ކުންފުނީގެ އޮނިގަނޑު އެކުލަވާލާނެ ގޮތެއް، ފީފާ އާއި އޭއެފްސީގެ ގަވާއިދުގެ ތެރެއިން ހޯދުމަކީ، އިންޑިއާ ފުޓްބޯޅަ ފެޑެރޭޝަނުގެ ޒިންމާއެއް ކަމަށް އެ ސިޓީގައި ބުނެފައިވެ އެވެ.

މި ޕްރޮޕޯސަލަށް ރުހުން ލިބިއްޖެނަމަ، އައިއެސްއެލްގެ 2025/26 ސީޒަން، 45 ދުވަސް ތެރޭ ފަށަން ވެސް ވަނީ ނިންމައިފަ އެވެ. އަދި، މި ހުށަހެޅުމުގައި ވަނީ، މިހާރު އިންޑިއާ ފުޓްބޯޅަ އޮތް ހާލަތުގެ ގޮތުން، 2025/26 ސީޒަނަށް އެއްވެސް ފައިސާއެއް ނުދެވޭނެ ކަމަށާއި، 2026/27 ގެ ސީޒަނުން ފެށިގެން ކޮންމެ ސީޒަނަކަަށް 1.1 މިލިއަން ޑޮލަރު، އޭއައިއެފްއެފް އަށް ދޭ ގޮތަށް ކަނޑައަޅައިފަ އެވެ.

ޕްރޮޕޯސަލްގައި ހިމަނާފައިވާ ބައެއް ކަންކަން:

- ކުންފުނީގެ މެޖޯރިޓީ ހިއްސާދާރުންނަކީ ކްލަބްތައް

- ކުންފުނީގެ ދުވަހުން ދުވަހަށް ކުރަން ޖެހޭ ކަންކަން ކުރުމަށް ބޭނުންވާ ފަރާތްތައް ހަމަޖެއްސުމަކީ ވެސް ކުންފުނީގެ ޒިންމާއެއް. އެ ގޮތުން، ސްޓްރެޓީޖިކް ޕާޓްނަރެއް ނެގުމާއި ކޮމާޝަލް ރައިޓްސް ކޮންޓްރޯލް ކުރުމަށް ވެސް ހާއްސަ ފަރާތްތަކެއް ހަމަޖައްސަން ޖެހޭ،

- ކުންފުނީގައި އޯލް އިންޑިއާ ފުޓްބޯލް ފެޑެރޭޝަން ތަމްސީލްކުރާނެ ޑިރެކްޓަރެއް، ހިންގާ ބޯޑުގައި ހުންނާނެ.

- ކުންފުނީގެ ފަރާތުން ހުރިހާ ފަރާތެއްގެ ހައްގު ކަށަވަރުކޮށް، މަސްލަހަތު ހިމާޔަތް ކުރެވޭނެ ގޮތަށް އޮނިގަނޑެއް/ގަވައިދެއް ހަދާނީ އޯލް އިންޑިއާ ފުޓްބޯލް ފެޑެރޭޝަންގެ އެހީއާ އެކު.

- މުބާރާތް ހިންގުމަށް ހިނގާ މައިގަނޑު ހުރިހާ ހަރަދެއްގެ ކަންކަން ބަލަހައްޓަން ޖެހޭނީ ކުންފުނީގެ ފަރާތުން، މައިގަނޑު ހަރަދުތަކުގެ ތެރޭގައި ހިމެނޭ ކަންކަމަށް ބަލާއިރު، ރެފްރީންނާއި މެޗު އޮފިޝަލުންގެ އެލަވަންސް ހަމަޖެއްސުމާއި ދަތުރު ފަތުރުގެ ކަންކަމާއި އެކޮމަޑޭޝަންގެ ކަންކަން ހަމަޖައްސައިދޭން ޖެހޭނެ.

މިނިސްޓްރީ އަށް ކްލަބްތަކުން ފޮނުވި މި ޕްރޮޕޯސަލްގައި ވަނީ، އިންޑިއާގެ ފުޓްބޯޅަ ހިންގުމުގެ އަސާސީ ގަވާއިދު އިސްލާހު ކުރުމާ ބެހޭ މައްްސަލައެއް އިންޑިއާގެ ސުޕްރީމް ކޯޓުގައި މިހާރު ހިނގަމުން އަންނައިރު، މިހާރު ގެންނަން މި މަޝްވަރާކުރާ ލީގު ކޮމްޕެނީގެ ބަދަލު ވެސް ގަވައިދަށް ލުމަށް އެދިފަ އެވެ.

އަދި، މި ކަމަށް ބޭނުންވާ ހައްލެއް ހޯދުމަށް ކްލަބްތަކާއި އޯލް އިންޑިއާ ފުޓްބޯލް ފެޑެރޭޝަން، މިނިސްޓްރީ އެކުވެގެން ވޯކިން ގްރޫޕެއް އެކުލަވާލައި، ސުޕްރީމް ކޯޓާ އެކު މި ކަމުގައި މަޝްވަރާ ކުރުމަށް ވެސް ޕްރޮޕޯސަލްގައި ބުނެފައިވެ އެވެ. އެކަމަކު، މި ކަމުގައި އޯލް އިންޑިއާ ފުޓްބޯލް ފެޑެރޭޝަން އިން ނިންމާ ގޮތެއް އެނގިގެންދާނީ، މާދަމާ ބާއްވާ އެ ފެޑެރޭޝަންގެ އަހަރީ އާންމު ޖަލްސާގަ އެވެ.

އިންޑިއަން ސުޕަ ލީގު ހިންގާ ފުޓްބޯލް ސްޕޯޓްސް ޑިވެލޮޕްމަންޓް ލިމިޓެޑް (އެފްއެސްޑީއެލް) އާއި އޯލް އިންޑިއާ ފުޓްބޯލް ފެޑެރޭޝަންގެ ދެމެދު ހަދާފައިވާ މާސްޓާ ރައިޓްސް އެއްބަސްވުން ވަނީ މި މަހު އަށް ވަނަ ދުވަހު ހަމަވެފަ އެވެ. އެފްއެސްޑީއެލް އިން 2014 އިން ފެށިގެން މި މަހާ ހަމައަށް އެއްބަސްވުމާ އެއްގޮތަށް ކަންކަން ކުރަމުން އައިސް، އާ އެއްބަސްވުމެއް ނުހެދި މިހާރު މި ވަނީ، އިންޑިއާގެ މައި ފުޓްބޯޅަ ލީގު ހުއްޓުމަކަށް އަތުވެފަ އެވެ.

އިންޑިއަން ސުޕަ ލީގު ހިންގަން އާ ކޮމާޝަލް ޕާޓްނަރެއް ބިޑްކޮށްފައިނުވާތީވެ، ލީގު ފެށޭނެ ދުވަހެއް ވެސް ނޭނގި ކްލަބްތަކުން ވަނީ ހަރަކާތްތައް ހުއްޓާލައިފަ އެވެ. މިއީ، ފާއިތުވި 30 އަހަރު ތެރޭގައި އިންޑިއާގެ މައި ފުޓްބޯޅަ ލީގަށް މި ފަދަ ހުސްކަމެއް ކުރިމަތިވި ފުރަތަމަ ފަހަރެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox