ޔުނައިޓެޑް ވިކްޓަރީން ފަހު މެޗުގައި ވިކްޓަރީ ބަލިކޮށްފި

Feb 4, 2026, 7:46 PM
ވިކްޓަރީގެ ރިޒޭ (ކ) ކައިރިން ޔުނައިޓެޑް ވިކްޓަރީގެ ކުޅުންތެރިން ބޯޅަ ހޯދަން މަސައްކަތް ކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ވިކްޓަރީގެ ރިޒޭ (ކ) ކައިރިން ޔުނައިޓެޑް ވިކްޓަރީގެ ކުޅުންތެރިން ބޯޅަ ހޯދަން މަސައްކަތް ކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިހަ އަހަރަށް ފަހު، ފުރަތަމަ ޑިވިޝަނުން ރެލިގޭޓްވެފައިވާ، ޔުނައިޓެޑް ވިކްޓަރީ (ޔޫވީ) އިން، މި ފަހަރުގެ ދިރާގު ދިވެހި ޕްރިމިއާ ލީގުގައި ކުޅުނު ފަހު މެޗުން 2-0 އިން ވިކްޓަރީ ސްޕޯޓްސް ކްލަބް ބަލިކޮށްފި އެވެ.

ލީގުގައި އެންމެ ފަހުން، ޔުނައިޓެޑް ވިކްޓަރީން ކުޅުނު މެޗުގައި، ކްލަބް ވެލެންސިއާއާ އެއްވަރުވެ، 10 އަަހަރަށް ފަހު ފުރަތަމަ ޑިވިޝަނުން ވަނީ ރެލިގޭޓްވެފަ އެވެ. މިރޭގެ މެޗުން ވިކްޓަރީ އަތުން ބަލިވެ، ޔުނައިޓެޑް ވިކްޓަރީން ލީގު ނިންމާލީ 18 މެޗުން 11 ޕޮއިންޓް ހޯދައިގެންނެވެ.

މި ފަހަރުގެ ދިވެހި ޕްރިމިއާ ލީގުގެ ފޯމެޓް ރޭވިފައި އޮތްގޮތުން، 10 ޓީމު ވާދަކުރާ މި ފަހަރުގެ މުބާރާތުގެ ދެ ބުރުގެ ކުޅުން ނިމޭއިރު ފުލަށް ދާ ދެ ޓީމެއް އޮޓޮމެޓިކުން ރެލިގޭޓްވާނެ އެވެ. އަދި، ހަތް ވަނަ އަށް ދާ ޓީމާއި އަށް ވަނައިގައި ނިންމާ ޓީމުން ރެލިގޭޝަން ޕްލޭއޮފްގައި ކުޅެން ޖެހޭނެ އެވެ.

ގަލޮޅު ދަނޑުގައި މިރޭ ކުޅުނު މެޗުގައި ޔުނައިޓެޑް ވިކްޓަރީން ދެ ލަނޑު ޖެހީ ވެސް މެޗުގެ ފަހުކޮޅުގަ އެވެ. އެ ގޮތުން، މި ދެ ލަނޑު ވެސް ޖެހީ އެ ޓީމުގެ މިސްރު ފޯވާޑް، މުސްތަފާ މުހައްމަދު އަލް ޝާޒްލީ އެވެ. އެ ގޮތުން، 83 ވަނަ މިނިޓްގައި އޭނާ ފުރަތަމަ ލަނޑު ޖެހީ އޭރިއާތެރެއިން، މޫސާ އަޒީމް ހަަސަން ނަގައިދިން ބޯޅައަކުން އެއް ފަހަރުން ގޯލުގެ ކަނަށް އަމާޒުކޮށްލައިގެންނެވެ.

އޭގެ ހަތަރު މިނިޓް ފަހުން، ބޯޅަ ހިފައިގެން އޭރިއާތެރެއަށް ދުވެފައި ވަދެ، ގޯލުގެ ދުރު ކަނަށް އަމާޒުކޮށްލައިގެން މަހުމޫދު ވަނީ ޔުނައިޓެޑް ވިކްޓަރީގެ ދެ ވަނަ ލަނޑު ޖަހައިފަ އެވެ.

މި މެޗުގައި ވިކްޓަރީގެ ތަޖުރިބާކާރު ކުޅުންތެރިން ކަމަށްވާ އަބްދުﷲ މިދުހަތު ފަހުމީ (ބިޗަޑް)، އަހުމަދު ރިޒްވާން (ރިޒޭ) އަދި، ސްލޮވާކިއާގެ ފޯވާޑް، މިލޯސް ލެޗްނީ އަށް ޔުނައިޓެޑް ވިކްޓަރީ ކައިރިން ކުރި އެޓޭކުތަކުގައި ގޯލެއް ޖެހޭ ގޮތެއްނުވި އެވެ.

ލީގުގެ ދެ ވަނަ ބުރު ރަނގަޅު ފޯމެއްގައި ފެށި، ވިކްޓަރީން ނިންމާލާފައި މި ވަނީ ދަށްކޮށެވެ. އެ ގޮތުން، ވިކްޓަރީން ލީގުގައި އެންމެ ފަހުން ކުޅުނު ތިން މެޗުން ވެސް ބަލިވެފައިވާއިރު، އެ ޓީމުން ސީޒަން ނިންމާލީ ހަ ވަނައިގައި 18 މެޗުން 21 ޕޮއިންޓާ އެކު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox