ވިކްޓަރީ ކަޓުވާލައި މާޒިޔާ އިން ބުރުއާ އެކު ޕްރެޒިޑެންޓްސް ކަޕް ސެމީ އަށް

Feb 16, 2026, 5:59 PM
މާޒިޔާ އިން ލަނޑު ޖެހުމަށް ފަހު އުފާފާުޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

މާޒިޔާ އިން ލަނޑު ޖެހުމަށް ފަހު އުފާފާުޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

ވިކްޓަރީ ސްޕޯޓްސް ކްލަބް 2-0 އިން ބަލިކޮށް އެ ޓީމު ކަޓުވާލައި، މާޒިޔާ ސްޕޯޓްސް އެންޑް ރެކްރިއޭޝަނުން ބުރު ސްޕޯޓްސް ކްލަބާ އެކު ޕްރެޒިޑެންޓްސް ކަޕްގެ ސެމީ ފައިނަލަށް ދަތުރުކޮށްފި އެވެ.

މި މެޗަށް ނުކުުތްއިރު ވެސް، އެންމެ ފަހުގެ ޗެމްޕިއަން މާޒިޔާ އަށް ވަނީ ސެމީ ފައިނަލުގެ ޖާގައެއްގެ ފުރުސަތު ބޮޑުވެފަ އެވެ. އެއީ، ފުރަތަމަ މެޗުން 1-0 އިން ބުރު ބަލިކޮށްގެންނެވެ. އެކަމަކު، ބުރުން ވަނީ 2-1 އިން ވިކްޓަރީ ބަލިކޮށް މި ގްރޫޕް ފޯރިގަދަކޮށްލައިފަ އެވެ. އެހެންވެ، މިރޭގެ މެޗަށް ނުކުތްއިރު މި ގްރޫޕުން ސެމީ ފައިނަލުގައި އެއްވެސް ޖާގައެއް ޔަގީންވެފައި ނެތެވެ.

މިރޭގެ ނަތީޖާއާ އެކު، މާޒިޔާ އިން މި ގްރޫޕްގެ އެއް ވަނަ ހޯދީ ހަ ޕޮއިންޓާ އެކު އެވެ. ދެ ވަނަ ހޯދި ބުރު އަށް ވަނީ ތިން ޕޮއިންޓް ލިބިފަ އެވެ. އަދި، ފުލުގައި އޮތް ވިކްޓަރީ ކެޓީ ދެ މެޗުން ވެސް ބަލިވެގެންނެވެ.

ގަލޮޅު ދަނޑުގައި މިރޭގެ މެޗު ފަށައިގެން ވިކްޓަރީން އެޓޭކަށް ޖެހިގެން ގޯލެއް ޖެހޭތޯ ބަލަމުންދިޔަ އެވެ. ވިކްޓަރީގެ އެޓޭކުގައި ކުޅެމުން އައި، އަހުމަދު ރިޒުވާން (ރިޒޭ) އާއި އަލީ ނަސޫހު ރަޝީދު (ޕިލާ) އަދި ސްލޮވާކިއާގެ ފޯވާޑް މިލޯސް ލެޗްނީ އަށް ލިބުނު ފުރުސަތުތަކުގައި އެޓޭކްކުރި ނަމަވެސް މާޒިޔާގެ ޑިފެންޑަރުންނާއި ކީޕަރު ހުސެއިން ޝަރީޕް (ހުސެން) ވަނީ ހުއްޓުވައިފަ އެވެ.

މާޒިޔާއިން މެޗުގައި ޖެހި ދެ ލަނޑު ވެސް ޖެހީ ފުރަތަމަ ހާފުގަ އެވެ. އެ ގޮތުން، ގޯލު ހުޅުވާލައިދިނީ ސްޕެއިނުގެ ފޯވާޑް، ސާޖިއޯ މެންޑީ އެވެ. އަހުމަދު އައިހަމް (ފަތޯ) ނެގި ހުރަހެއްގައި މުހައްމަދު އިލާން އިމްރާން ފައިން ޖައްސާލި ބޯޅަ، މެންޑީ ވަނީ ގޯލަށް ވައްދާލައިފަ އެވެ. އަދި، އޭގެ އިރުކޮޅެއް ފަހުން، މާޒިޔާ އިން ދެ ވަނަ ލަނޑު ޖެހީ ހައިޝަމް ހަސަން (ބިޑި) އެވެ. މިއީ، ނާއިޒު ހަސަން (ދާދު) ނެގި ހުރަހަކުން ހައިޝަމް އޭރިއާތެރެއިން ޖެހި ގޯލެކެވެ.

ޕްރެޒިޑެންޓްސް ކަޕްގެ އެއް ސެމީ ފައިނަލުގައި މާޒިޔާ އިން ކުޅޭނީ ނިއު ރޭޑިއަންޓް ސްޕޯޓްސް ކްލަބާ އެވެ. ދެ ވަނަ ސެމީގައި ބުރުން ކުޅޭނީ އޮޑި ސްޕޯޓްސް ކްލަބާ އެވެ. ސެމީ ފައިނަލް ދެ މެޗު އޮންނާނީ އަންނަ ހުކުރާއި ހޮނިހިރު ދުވަހުގެރޭގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox