ހާލަތަށް ބަލާއިރު އަންހެން ގައުމީ ޓީމުގެ ތައްޔާރީތައް ރަނގަޅު

Dec 30, 2024, 4:24 AM
ހާލަތަށް ބަލާއިރު އަންހެން ގައުމީ ޓީމުގެ ތައްޔާރީތައް ރަނގަޅު

މި ވަގުތުގެ ހާލަތަށް ބަލާއިރު، އިންޑިއާއާ ދެކޮޅަށް ކުޅޭ މެޗަށް ރާއްޖޭގެ ގައުމީ އަންހެން ފުޓްބޯޅަ ޓީމުގެ ތައްޔާރީތައް ރަނގަޅު ކަމަށް ޓީމުގެ ކޯޗު މުހައްމަދު ނިޒާމް (ނިޒާމްބެ) ބުނެފި އެވެ.

އަންހެން ގައުމީ ފުޓްބޯޅަ ޓީމުން އިންޑިއާގެ ބެންގަލޫރުގައި އެ ޓީމާ ދެކޮޅަށް ކުޅޭ ދެ މެޗުގެ ތެރެއިން ފުރަތަމަ މެޗު މިއަދު މެންދުރު ފަހު ކުޅޭނެ އެވެ. އެ މެޗުގެ ކުރިން، "އަދަދު ސްޕޯޓްސް" އަށް ދިން އިންޓަވިއުއެއްގައި ނިޒާމްބެ ބުނީ، ގައުމީ އަންހެން ޓީމުން އިންޑިއާ މެޗަށް މިދިޔަ 10 ދުވަސް ތެރޭގައި އެކަށޭނެ މިންވަރަށް ތައްޔާރުވެފައިވާ ކަމަށެެވެ.

"މި ވަގުތުގެ ހާލަތަށް ބަލާއިރު ވަރަށް ރަނގަޅޭ ބުނެވޭނީ ތައްޔާރީތައް. ދެން، ދަނޑުމަތީގައި ކުރަން ޖެހޭ މަސައްކަތްތަކަށް ފޯކަސް ކޮށްގެން ހިތްވަރުކުރުން އޮތީ، ދެން، އިންޑިއާ ވެސް ރަނގަޅު ކުޅުންތެރިންނާ އެކު ވަރުގަދަ ސްކޮޑަކުން ޓީމެއް ނަގައިގެން ނުކުންނަ މެޗެއް މިއީ،" އިންޑިއާގައި ހުރެ، "އަދަދު ސްޕޯޓްސް" އަށް ދިން އިންޓަވިއުގައި ނިޒާމްބެ ބުންޏެވެ.

އަންހެން ފުޓްބޯޅައިގައި އިންޑިއާ އާއި ރާއްޖެ ވަނީ ހަ ފަަހަރެއްގެ މަތިން ބައްދަލުކޮށްފަ އެވެ. އޭގެ ތެރެއިން ފަސް މެޗުން އިންޑިއާ މޮޅުވިއިރު، އެއް މެޗު ވަނީ އެއްވަރުވެފަ އެވެ. އެ ގޮތުން، 0-0 އިން އެއްވަރުވި މެޗަކީ 2016 ވަނަ އަހަރު، އިންޑިއާގެ ޝިލޯންފައި ކުޅުނު ސައުތު އޭޝިއަން ގޭމްސްގެ އަންހެން ފުޓްބޯޅަ އިވެންޓްގައި، މި ދެ ޓީމު ބައްދަލުކުރި މެޗެވެ. އިންޑިއާ އިން ރާއްޖެ ބަލިކުރި މެޗުތަކަކީ، 2014 ވަނަ އަހަރު އޭޝިއަން ގޭމްސްގައި 15-0 އިން ރާއްޖެ ބަލިވި މެޗާއި އެ އަހަރުގެ ސާފް ޗެމްޕިއަންޝިޕްގައި 8-0 އިން ބަލިވި މެޗާއި 2019 ވަނަ އަހަރުގެ ސާފް ޗެމްޕިއަންޝިޕްގައި 6-0 އިން ބަލިވި މެޗާއި އެ އަހަރުގެ ސައުތު އޭޝިއަން ގޭމްސްގައި 5-0 އިން ބަލިވި މެޗުގެ އިތުރުން 2022 ވަަނަ އަަހަރުގެ ސާފް ޗެމްޕިއަންޝިޕްގައި 9-0 އިން ނިމުނު މެެޗެވެ.

ނިޒާމްބެ ބުނީ، އިންޑިއާ އިން ވެސް އެ ޓީމުގެ ކޯޗު ސްވިޑެންގެ ޖޮއަކިމް އަލެކްސަންޑަސަނާ އެކު މި ނުކުންނަނީ އެ ގައުމުގެ އަންހެން ފުޓްބޯޅައިގެ ވެސް ޓްރާންސިޝަން ޕީރިއަޑެއްގައި ކަމަށެވެ. އަދި ޒުވާން ކުޅުންތެރިން ހިމެނޭ ސްކޮޑަކާ އެކު އިންޑިއާ އިން ނުކުންނަ ކަމަށް ބުނި ކަމުގައި ވިޔަސް އިންޑިއާ އިން މި މެޗުތަކުގައި ކުޅެނީ، ކުރިއަށް އޮތް މުސްތަގުބަލުގައި ފެންނާނެ އިންޑިއާގެ އެންމެ ވަރުގަދަ ކުޅުންތެރިންނާ އެކުގައި ކަމަށް ނިޒާމްބެ ވަނީ ބުނެފަ އެވެ.

އިންޑިއާގެ ނޫސްވެރިން ކުރި ސުވާލަކަށް ޖަވާބު ދެމުން ނިޒާމްބެ ބުނީ، ރާއްޖޭގައި އަންހެން ކުޅުންތެރިންނަށް ލީގެއް ނޯންނާތީވެ، އަންހެން ކުޅުންތެރިންނަށް ޓްރެއިނިން ކުރިއަށްގެންދަން ލިބެނީ ގައުމީ ޓީމުގެ ކޭމްޕްގައި އެކަނި ކަމަށެވެ. އެކަމަކު، އުންމީދަކީ، އެފްއޭއެމްގެ ކަންކަން ރަނގަޅުވެގެން އަންނައިރު، އަންހެން ކުޅުންތެރިންނަށް ވެސް މުބާރާތްތަކެއް އޮންނާނެ ކަމަށް ކަމުގައި ނިޒާމްބެ ވަނީ ބުނެފަ އެވެ.

ގައުމީ އަންހެން ޓީމުގެ އެސިސްޓަންޓް ކޯޗު، މަރިޔަމް މިރުފަތަށް މި ފަހަރު ޓީމާ އެކު ނުދެވުނު ކަމުގައި ވިޔަސް ކޯޗިން ޓީމާ އެކު، ކުރީގެ ކެޕްޓަން، ފަދުވާ ޒާހިރު ބައިވެރިވުމަކީ ހިތްހަމަޖެހުމެއް ކަމަށް ނިޒާމްބެ ވަނީ ބުނެފަ އެވެ.

ރާއްޖެއާ ބެހޭގޮތުން، އިންޑިއާގެ ކޯޗު އަލެކްސަންޑަސަން ބުނީ، މި އަހަރުގެ ސާފް ވިމެންސް ޗެމްޕިއަންޝިޕްގައި، ރާއްޖޭން ކުޅުނު މެޗުތައް ބެލި ކަމަށާއި ފެނުނު މަންޒަރުތަކުން އެނގޭ ގޮތުގައި ރާއްޖެ އަކީ އެންމެ ވަރުގަދަ ޓީމެއް ނޫން ކަމަށެވެ. އެކަމަކު، އިންޑިއާ އިން ފަރުވާތެރި ކަމާ އެކު ކުޅެގެން މެޗު ޑޮމިނޭޓްކުރަން މަސައްކަތް ނުކޮށްފިނަމަ އުނދަގޫތަކެއް ކުރިމަތިވެދާނެ ކަމަށް އަލެކްސަންޑަސަން ގަބޫލުކުރެ އެވެ.

އިންޑިއާ އާއި ރާއްޖެ ކުޅޭ މެޗު ފަށާނީ މިއަދު ތިނެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox