ފަހު މެޗުގައި ޔޫއޭއީ އަށް ރާއްޖެ އަތުން ބޮޑު ކާމިޔާބެއް

Jul 5, 2025, 3:09 PM
ފަހު މެޗުގައި ޔޫއޭއީ އަށް ރާއްޖެ އަތުން ބޮޑު ކާމިޔާބެއް

އޭއެފްސީ ވިމެންސް އޭޝިއަން ކަޕްގެ ކޮލިފައިންގައި ވާދަކުރާ ރާއްޖޭގެ ގައުމީ އަންހެން ފުޓްބޯޅަ ޓީމުން ކުޅުނު ފަހު މެޗުގައި މިއަދު ޔުނައިޓެޑް އަރަބް އެމިރޭޓްސް (ޔޫއޭއީ) އަތުން 5-0 އިން ބަލިވެއްޖެ އެވެ.

މިއީ، މިދިޔަ ދެ އަހަރު ތެރޭ އަންހެން ފުޓްބޯޅައިގައި ޔޫއޭއީ އަށް ލިބުނު އެންމެ ބޮޑު މޮޅެވެ. އެހެންވެ، އެ ޓީމުން މެޗަށް ފަހު އުފާފާޅުކުރި އެވެ.

ވިއެޓްނާމްގައި ކުޅުނު މެޗުތަކުގައި، ރާއްޖޭން ފުރަތަމަ މެޗުގައި، އަންހެން ފުޓްބޯޅައިގެ މަތީ ފަންތީގެ ގައުމެއްގެ ގޮތުގައި ގުނާ ވިއެޓްނާމް އަތުން ބަލިވީ 7-0 އިންނެވެ. މިއީ، މީގެ ތިން އަހަރު ކުރިން، ރާއްޖެ 16-0 އިން ބަލިވި ޓީމެއް ކަމުގައި ވުމުން އެ މެޗުގެ ނަތީޖާ އަކީ ކުރިއެރުމެކެވެ. ދެ ވަނަ މެޗުގައި، ރާއްޖޭން ގުއާމާ ދެކޮޅަށް އަންހެން ފުޓްބޯޅައިގައި ފުރަތަމަ ފަހަރަށް ނުކުމެ، ބަލިވީ 3-0 އިންނެވެ.

މިއަދު ރާއްޖެއާ ދެކޮޅަށް ކުޅުނު މެޗުގައި، ޔޫއޭއީގެ ފާތިމަތު އަފްޒްރާ ވަނީ ހެޓްރިކެއް ހަދައިފަ އެވެ. މިއީ، މި ފަހަރުގެ މުބާރާތުގައި ރާއްޖެ ކޮޅަށް ހެދި ދެ ވަނަ ހެޓްރިކް އެވެ. ފުރަތަމަ ހެޓްރިކް ހެދީ ގުއާމްގެ ފޯވާޑް، ރެބެކާ ބާޓޯޝް އެވެ.

ރާއްޖެ އާއި ޔޫއޭއީ އިން ވާދަކުރި މެޗުގެ ތެރެއިން.---- ފޮޓޯ: އޭއެފްސީ

އަފްޒްރާ ހެޓްރިކް ހެދިއިރު، ފުރަަތަމަ ލަނޑު ޖެހީ އޭރިއާބޭރުން ލިބުނު ހިލޭ ޖެހުމަކުންނެވެ. އޭނާ ދެން ޖެހި ދެ ގޯލު ވެސް ކާމިޔާބުކުރީ ކޯނަރުން ތަނަވަސްވި ފުރުސަތުތަކުންނެވެ. ދެން ލަނޑުތައް ޖެހީ ފާތިމާ ޖަސެމް އާއި މައިތާ އަލްހަމްޒީ އެވެ.

މި މެޗުގައި ރާއްޖޭން އެންމެ ރަނގަޅު އެޓޭކެއް ކުރެވޭތޯ ބެލި، މަރިޔަމް ނޫރާ އެ ޓީމުގެ، ފާތިމަތު ފަޒްލާ އަށް ދޭން ފޮނުވާލި ބޯޅަ ރަނގަޅަށް ފޮނުވާލެވޭ ގޮތެއްނުވެ، އެ ފުރުސަތުގެ ބޭނުން ރަނގަޅަށް ނުހިފުނެވެ.

ރާއްޖެ ހިމެނޭ ގްރޫޕުން އަންނަ އަހަރު އޮސްޓްރޭލިއާގައި ކުޅޭ އޭޝިއަން ކަޕަށް ކޮލިފައިވީ ކުޅުނު ތިން މެޗުން ވެސް މޮޅުވި ވިއެޓްނާމް އެވެ. އެންމެ ފަހުން އޮތް އޭޝިއަން ކަޕްގެ ކުއާޓާ ފައިނަލުގައި ކުޅުނު ވިއެޓްނާމް އިން ގްރޫޕްގެ ފަހު މެޗުގައި ގުއާމް ބަލިކުރީ 4-0 އިންނެވެ. ރާއްޖެ އަތުން ބޮޑު މޮޅެއް ހޯދިއިރު، ޔޫއޭއީ ބަލިކުރީ 6-0 އިންނެވެ.

ޔޫއޭއީއާ ދެކޮޅަށް ރާއްޖޭން ނެރުނު ފުރަތަމަ އެގާރަ ކުޅުންތެރިން.--- ފޮޓޯ: އޭއެފްސީ

މިއީ ގައުމީ އަންހެން ފުޓްބޯޅަ ޓީމާ އަލުން ހަވާލުވި ކޯޗު، މުހައްމަދު އާތިފް (އާތީ) މި ފަހަރު ހަވާލުވި ފަހުން އެ ޓީމު ކުޅުނު ފުރަތަމަ މެޗުތަކެވެ. މީގެ ކުރިން، އޭނާ ހުރިއިރު ގައުމީ އަންހެން ޓީމުން ރަނގަޅު ކުރިއެރުންތަކެއް ހޯދި އެވެ. އެންމެ ފަހުން އާތީ ގައުމީ އަންހެން ޓީމުގައި ހުރީ 2019 ވަނަ އަހަރު އެވެ. އާތީގެ ކޯޗުކަމުގައި އޭޝިއަން ގޭމްސްގައި ގައުމީ އަންހެން ޓީމުން ނަތީޖާތަށް ރަނގަޅުކުރިއިރު، ސިންގަޕޫރުގައި ބޭއްވި ކުއަޑްރަންގިއުލާ މުބާރާތުގެ ތިން ވަނަ ހޯދި އެވެ. މި ފަހަރު ގައުމީ ޓީމާ އެކު، ދޮޅު މަސް ޕްރެކްޓިސްކުރުމަށް ފަހު އާތީ ޖުމްލަކޮށް ރަނގަޅު މަސައްކަތްތަކެއް މި ވަނީ ކޮށްފަ އެވެ.

ރާއްޖޭގައި، އެންމެ ފަހުން، އެފްއޭއެމް އިން ކްލަބްތަކަށް ހާއްސަކޮށްގެން، ބޮޑު ފުޓްބޯޅަ މުބާރާތެއް 2014 ވަނަ އަހަރު ބޭއްވިއިރު، އެ ފަހުން، އަމިއްލަ ގައުމުގައި މުބާރާތެއް ނުކުޅެ، ސީދާ އިންޓަނޭޝަނަލް މެޗުތަކަށް ގޮސް ނަތީޖާ ނެރެން ހުރި ގޮންޖެހުންތަކުގެ ވާހަކަ އަބަދުވެސް ކުޅުންތެރިން ފާހަގަކުރެ އެވެ. އެންމެ ފަހުން، އެފްއޭއެމް އިން ފާސްކުރި އަސާސީ ގަވާއިދުގައިވަނީ، އެފްއޭއެމްގެ ހިންގާ ގަވާއިދަށް އަމަލުކުރަން ފަށާތާ އެއް އަހަރު ދުވަހުގެތެރޭގައި އަލަށް ހޮވޭ ހިންގާ ކޮމިޓީން އަންހެނުންގެ ފުޓްބޯޅަ މުބާރާތެއްގެ އޮނިގަނޑެއް އެކުލަވާލައި ކޮންގްރެސް އަށް ހުށަހެޅުން ހިމަނައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox