ދިވެހި ޕްރިމިއާ ލީގުގެ ވަރުގަދަ ޓީމުތަކުގެ "ލިސްޓު" ކިޔަން އަދި އަވަސް

ދިވެހި ޕްރިމިއާ ލީގުގެ ވަރުގަދަ ޓީމުތަކުގެ "ލިސްޓު" ކިޔަން އަދި އަވަސް

ދިވެހި ޕްރިމިއާ ލީގުގެ މި ސީޒަން ފެންނަނީ ވަރަށް ވާދަވެރިކޮށް ކަމަށާއި އެންމެ ވަރުގަދަ ޓީމުތަކުގެ "ލިސްޓެއް" ކިޔަން އަދި އަވަސް ކަމަށް ބުރު ސްޕޯޓްސް ކްލަބްގެ ކޯޗު މުހައްމަދު ނިޒާމް (ނިޒާމްބެ) ބުނެފި އެވެ.

ދިވެހި ޕްރިމިއާ ލީގުގެ ކުޅުން ދެ ހަފްތާ އަށް މެދުކަނޑާލީ އޭއެފްސީ އޭޝިއަން ކަޕްގައި ގައުމީ ފުޓްބޯޅަ ޓީމުން ތަޖިކިސްތާނާ ދެކޮަޅަށް ކުޅެން އޮތް ދެ މެޗަށެވެ. އެއީ، 10 ޓީމު ވާދަކުރާ މި ފަަހަރުގެ ޕްރިމިއާ ލީގުގައި ކޮންމެ ޓީމެއް ތިން މެޗު ކުޅެފަ އެވެ.

މި ވަގުތު ލީގުގެ ތާވަލަށް ބަލާއިރު، އެއް ވަނައިގައި އޮތް އޮޑި ސްޕޯޓްސް ކްލަބާއި ދެ ވަނައިގައި އޮތް މާޒިޔާ ސްޕޯޓްސް އެންޑް ރެކްރިއޭޝަން އާއި ތިން ވަނައިގައި އޮތް ނިއު ރޭޑިއަންޓް ސްޕޯޓްސް ކްލަބަށް ނުވަ ޕޮއިންޓް ހޯދާފައިވާއިރު، ހަތަރެއްގައި އޮތް ބުރުގެ އޮތީ ހަތަރު ޕޮއިންޓެވެ. ފަސް ވަނައިގައި އޮތް ކްލަބް ގްރީން ސްޓްރީޓްސް، ހަ ވަނައިގައި އޮތް ޔުނައިޓެޑް ވިކްޓަރީ (ޔޫވީ)، ހަތް ވަނައިގައި އޮތް ވިކްޓަރީ ސްޕޯޓްސް ކްލަބް އަދި އަށް ވަނައިގައި އޮތް ކްލަބް ވެލެންސިއާ އަށް ތިން ޕޮއިންޓް ލިބިފައިވާއިރު، ނުވަ ވަނައިގައި އޮތް ކްލަބް އީގަލްސް އަށް ޕޮއިންޓެއް އަދި ފުލުގައި އޮތް ޓީސީ ސްޕޯޓްސް ކްލަބަށް އަދި ޕޮއިންޓެއް ނުލިބެ އެވެ.

Advertisement

ލީގުގެ މަތީ މަގާމުތަކަށް ބުރު ވެސް ވާދަކުރާނެ ކަމަށް ކޯޗުން ބުނަމުން އަންނައިރު، އެކަމާ ބެހޭގޮތުން، ބުރުގެ ކޯޗު ނިޒާމްބެއާ ސުވާލުކުރުމުން ބުނެފައިވަނީ، އަދި އެ ފަދަ ވަރުގަދަ ޓީމުތަކުގެ "ލިސްޓެއް" ހަދަން އަވަސް ކަމަށެވެ.

"އަދި ތަންކޮޅެއް އަވަސް ކަނނޭނގެ އެ ލިސްޓަށް ނަން ކިޔަން ފަައްޓަން. އެއީ، އަދި މެޗުތައް މި ކުޅެވުނު ގޮތުން ވެއްޖިއްޔާމު ބައެއް ޓީމުތައް މި ހުރީ ބޮޓޮމް ޓީމުތަކާ އެއްކޮށް ކުޅެފައި، އަނެއްކާ ގިނަ ޓީމުތައް ރަނގަޅަށް ޕްރެޕެއާ ނުވެ، ފޮރިން ޕްލޭޔަރުން ވެސް ނުލައި، ނޫނިއްޔާ ކޯޗުން ވެސް ނުލައި ކުޅުނު މެޗުތަކުގެ ނަތީޖާތައް މި ހުރީ ބައެއް ޓީމުތަކުން މި ހުރީ ނެރެފައި، އަދި އަވަސް ކަންނޭނގެ، މި ބުރު ނިމޭއިރު ކަންނޭނގެ އަސްލު ކިޔަން އެނގޭނީ މި ޓޮޕަކީ ކޮބައިކަން ނޫނީ ބޮޓަމް އަކީ ކޮބައިކަން، އޭގެ ކުރިން އުނދަގޫވާނެ މި ސީޒަނުގައި ކިޔަން،" ނިޒާމްބެ ބުންޏެވެ.

"މި ސީޒަނަކީ ވަރަށް ވާދަވެރި ސީޒަނެއްގެ ގޮތުގައި މި ފެނިގެންދަނީ، ހުރިހާ ޓީމުތަކުން ވެސް ޕޮއިންޓް ނަގާނެ. މި ސީޒަން ފަސޭހަނުވާނެ އެއްވެސް ކްލަބަކަށް،"

ނިޒާމްބެ ބުނީ މި ފަހަރު ލީގަށް އައިއިރު ގާތްގަނޑަކަށް ދެ އަހަރު ބޯޅަ ނުކުޅެ ތިބެފައި އެންމެ ފުރަތަމަ ކުޅެން ޖެހުނީ ވަރުގަދަ ޓީމުތަކާ ދެކޮޅަށް ކަމަށް ވުމުން ދަތިތަކެއް ހުރި ކަމަށެވެ. އަދި، އެ ހުރިހާ ކަމެއް ދެ ހަފްތާ ތެރޭ ރަނގަޅު ކުރުމަކީ ނުކުރެވޭނެ ކަމެއް ކަމަށާއި މަޑުމަޑުން ހާލަތު ބަދަލުވަމުން އަންނަ ކަމަށް ނިޒާމްބެ ވަނީ ފާހަގަކޮށްފަ އެވެ.

"ފުރަތަމަ ފެށިއިރު، ތަންކޮޅެއް އުނދަގޫކޮށް ތިބީ ފުރަތަމަ މެޗަށް ފަހު މެންޓަލީ ހަމަ މޯޓިވޭޓްވެ، ވަރަށް ރަނގަޅަށް ތައްޔާރުވަމުން އައިތަން. ދެން، އެންމެ ބޮޑު މަސައްކަތެއް ކުރަން ޖެހޭ އެއް ކަމަކީ، މިހާ ދިގު ބްރޭކަކަށް ފަހު އައިއިރު މި ކުޅުންތެރިންގެ ކުޅިވަރު ޑިސިޕްލިން ތެރެއަށް އަނބުރާ ގެންނަން އެ ވިސްނުން ގެންނަން ވިނިން ވިސްނުން ކުޅުންތެރިންގެ ސިކުނޑި އަށް ގެންނަން މެޗުން މެޗަށް ތައްޔާރުވުން ޕްރެކްޓިސްތަކަށް ތައްޔާރުވުން މި ބައި އެންމެ ބޮޑު ޗެެލެންޖަކަށް ވެގެންދަނީ،" ނިޒާމްބެ ބުންޏެވެ.

އޭނާ ބުނީ، ބުރުގެ ކުޅުންތެރިންގެ ވިސްނުން މިހާރު ވަރަށް ރަަނގަޅުވަމުން އަންނަ ކަމަށާއި އޭގެ އެއް ހެއްކަކީ މިދިޔަ ބްރޭކުގައި ވެސް 99 ޕަސެންޓް ކުޅުންތެރިން ޕްރެކްޓިސްތަކަށް ހާޒިރުވެ ބަރާބަރަށް ހުރިހާ ކަމެއް ކުރުން ކަމަށެވެ. އަދި، ބްރޭކަށް ފަހު ޓީމުގެ ކަންކަމަށް ރަނގަޅު ބަދަލުތަކެއް އައިސް ދެ މަހެއްހާ ދުވަސްތެރޭ މެޗުތައް ކުޅޭއިރު، ބުރުގެ ޓީމު ފެންނާނީ މިހާރަށް ވުރެން ރަނގަޅުކޮށް ކަމަށް ނިޒާމްބެ ބުންޏެވެ.

ގްރީން ސްޓްރީޓްސްއާ ކުޅޭ މެޗަކީ ފަސޭހަ މެޗަކަށްނުވާނެ ކަމަށާއި އާންމު ގޮތެއްގައި ބްރޭކަކަށް ފަހު އަންނައިރު އުނދަގޫތަކެއް ހުންނާނެ ކަމަށް ނިޒާމްބެ ވަނީ ބުނެފަ އެވެ.

"ބޮޑު އެއް ކަމަކީ، ބްރޭކަކަށް ފަހު، އަންނައިރު ގިނަ ފަހަރު ވަރަށް އުނދަގޫ ހާލަތަކަށް ވެގެންދޭ. އެހެން ނަަމަވެސް މިދިޔަ ބްރޭކުގައި ވަރަށް ރަނގަޅަށް ޓީމުގެ ޕްރެކްޓިސްތަކާއި ޓީމުގެ މަސައްކަތް ދިޔައީ ވަރަށް ރަނގަޅަށް، ހަމަ ރަނގަޅު ޕާފޯމަންސެއް ފެނިގެންދާނެ، އަނެއްހެން ވަރަށް އުންމީދު އެބައޮތް. އެ މެޗާ ދޭތެރޭގައި،" ނިޒާމްބެ ބުންޏެވެ.

ދިވެހި ޕްރިމިއާ ލީގުގެ ޗެމްޕިއަންކަން ޓީސީއާ އެކު ހޯދި ނިޒާމްބެ ވަނީ އެ ޓީމުގައި ރަނގަޅު ކުޅުންތެރިންތަކެއް އުފައްދައިފަ އެވެ. އޭނާ ބުނީ ބުރުގައި ވެސް އެ މަސައްކަތް ކުރަމުން އަންނަ ކަމަށާއި މި ސީޒަން ނިމޭއިރު ރަނގަޅު ތިނެއް ނޫނީ ހަތަރު ކުޅުންތެރިން ފެނިގެންދާނެ ކަމަށެވެ.

ބުރު އާއި ގްރީން ސްޓްރީޓްސް ކުޅޭ މެޗު ފަށާނީ މާދަމާ ހަވީރު 16:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox