ކުދިކުދި ޖާގަތަކުގައި އެންމެ ދަތި ކަމަކަށް ދިމާވާ އެއް ކަމަކީ، އެ ޖާގައަށް ފިޓުވާ ރީތި ފަރުނީޗަރު ލިބުމެވެ. އެކަމަށް ސިންގަރ ފިހާރައިން މި ވަނީ ހައްލެއް ދީފަ އެވެ. ކަސްޓަމަރުން ބޭނުންވާ ގޮތަކަށް ސިންގަރ އިން ފެންވަރު ރަނގަޅު ސޯފާ ސެޓު ޖަހައިދެ އެވެ.
ރާއްޖޭގައި ސިންގަރ މަރުކާގެ އުފެއްދުންތައް ވިއްކަމުން އަންނަ ސިންގަރ މޯލްޑިވްސްގެ ސީއޯއޯ އަހުމަދު އިލްޔާސް ވިދާޅުވީ އެ ކުންފުނިން ކަސްޓަމަރުން ބޭނުންވާ ގޮތަކަށް ސޯފާ ތައްޔާރުކޮށް ދެތިން ހަފުތާ ތެރޭގައި ކަސްޓަމަރުންނަށް ސޯފާ ރައްދު ކޮށްދޭނެ ކަމަށެވެ.
މާލޭގެ ބައެއް ގެތަކަކީ ޖާގައިގެ ދަތިކަން ދިމާވެފައިވާ ގެތަކެއްކަން ފާހަގަކޮށް އިލްޔާސް ވިދާޅުވީ، ކަސްޓަމަރުން ބޭނުންވާ ސައިޒަކަށް ސޯފާ އުފައްދައިގެން ގެނައުމުގެ ފުރުސަތު އޮންނާނެ ކަމަށާއި، ސޯފާގެ ކުލަ ބަދަލުކޮށްލަން އެއްވެސް އިތުރު ފީއެއް ނުނަގާނެ ކަމަށެވެ.
"ސޯފާތައް ކަސްޓަމަރުން ބޭނުންވާ ގޮތަށް ފަރުމާ ކޮށްގެން ދެތިން ހަފްތާ ތެރޭގައި އަޅުގަނޑުމެން ބޭރުން އެބަ ގެންނަން. މިއީ ރާއްޖެއިން ލިބެން ހުންނާނެ އެންމެ ކޮލިޓީ ސޯފާ" އިލްޔާސް ވިދާޅުވި އެވެ.
ސިންގަރ އިން ކުރިޔަށްގެންދާ "މާސިންގާ ރޯދަ ސޭލް" ގެ ދަށުން 40 ޕަސެންޓާ ހަމައަށް ސޯފާތަކުން ޑިސްކައުންޓް ލިބޭއިރު، ސޯފާތައް ގެއާ ހިސާބަށް ގެންދިޔުމަށް އެއްވެސް އިތުރު ފީއެއް ނުނަގަ އެވެ.
މީގެއިތުރުން ސިންގަރ އިން ދަނީ ރޯދަ ސޭލްގެ ދަށުން 1،500 ރުފިޔާއަށްވުރެ މަތިން ކުރާ ކޮންމެ ވިޔަފާރިއަކަށް ކޫޕަނެއް ދޫކުރަމުންދާއިރު، ރޯދަ މަސް ނިމެންދެން ކުރިޔަށްގެންދާ މި ސޭލްގެ ދަށުން ކޮންމެ ހަފްތާއަކު ނަސީބުވެރިޔަކަށް އަންނަނީ ސިންގަރ ސޯފާއެއް ދެމުންނެވެ.
ސިންގާ ރޯދަ ސޭލްގެ ދަށުން އެތަނުން ލިބެން ހުންނަ ހައުސްހޯލްޑް އަދި އިލެކްޓްރޯނިކްސްގެ ހުރިހާ ޕްރޮޑަކްޓްސްތަކަކުން 40 އިންސައްތައާ ހަމައަށް އަންނަނީ ޑިސްކައުންޓް ދެމުންނެވެ.
ސިންގަރގެ ދެ ފިހާރައެއް މާލޭގައި މިވަގުތު ހުރިއިރު، އެއް ފިހާރަ ހުންނަނީ ހަނދުވަރީ ހިނގުމުގައި ހުންނަ އެލިއާ ރެޒިޑެންސްގައެވެ. އަދި އަނެއް ފިހާރަ ހުންނަނީ ޗާނދަނީ މަގުގައި ހުންނަ ނެޝަނަލް މިއުޒިއަމް ކުރިމަތީގަ އެވެ.
