ވިކްޓަރީގެ އެނބުރި އައުމަކީ ބުރަ މަސައްކަތުގެ ނަތީޖާއެއް

Feb 16, 2024, 4:13 AM
ވިކްޓަރީގެ ޓެކްނިކަލް ޑިރެކްޓަރު މުހައްމަދު އާދަމް: އޭނާ އަކީ ޓީމު މި ހިސާބަށް ގެނައުމުގައި އިސް މަސައްކަތެއްކުރި ފަރާތެއް.--- ފޮޓޯ: އަދަދު

ވިކްޓަރީގެ ޓެކްނިކަލް ޑިރެކްޓަރު މުހައްމަދު އާދަމް: އޭނާ އަކީ ޓީމު މި ހިސާބަށް ގެނައުމުގައި އިސް މަސައްކަތެއްކުރި ފަރާތެއް.--- ފޮޓޯ: އަދަދު

މި ފަހަރުގެ ދެ ވަނަ ޑިވިޝަން ފުޓްބޯޅަ މުބާރާތުގެ ފައިނަލުން ފުރުސަތު ހޯދައި ވިކްޓަރީ ސްޕޯޓްސް ކްލަބުން ރާއްޖޭގެ ފުރަަތަމަ ޑިވިޝަނަށް ހަަތަރު އަހަރެއްހާ ދުވަހަށް ފަހު އެނބުރި އައުން މިއީ ގިނަ ބަޔެއްގެ ބުރަ މަސައްކަތުގެ ނަތީޖާއެއް ކަމަށް އެ ޓީމުގެ ޓެކްނިކަލް ޑިރެކްޓަރު، މުހައްމަދު އާދަމް ބުނެފި އެވެ.

ގަލޮޅު ދަނޑުގައި މިއަދު ހަވީރު، 15:30 ގައި އެމްޕީއެލް އެފްއޭއެމް ދެ ވަނަ ޑިވިޝަން ފައިނަލް ކުޅޭނެ އެވެ. މި މެޗުގައި ބައްދަލުކުރާ ވިކްޓަރީ އާއި މަސް އޮޑި ސްޕޯޓްސް ކްލަބް ވަނީ ފުރަތަމަ ޑިވިޝަނުން ޖާގަ ހޯދައިފަ އެެވެ.

މާލީ އަދި އެޑްމިނިސްޓްރޭޝަންގެ މައްސަލަތަކާ ހެދި، އެފްއޭއެމް އިން ވިކްޓަރީ ސަސްޕެންޑްކުރީ 2020 ވަނަ އަހަރު އެވެ.

Advertisement

"ހަގީގަތުގައި، ވިކްޓަރީގެ ފޭނުން ވަރަށް އުފާވާނެ، ހަމަގައިމު ވެސް މީގެ ކުރިން ކުޅުނު ކުޅުންތެރިން ވަރަށް އުފާވާނެ. ދެން އޭގެ އިތުރުން ދިވެހި ފުޓްބޯޅަ އަށް ވެސް ރަނގަޅަކަށް ވެގެންދާނެ، މި ވަރުގެ ބޮޑު ކްލަބެއް އެނބުރި އައުން. ދެން އަމުދުން މި ކަހަަލަ ހާލަތެއްގައި، ސިޓުއޭޝަނަކީ ފުޓްބޯޅަ މާ ރަނގަޅު ދުވަސްކޮޅެއް ނޫން ފުޓްބޯޅައިގައި ހިނގަމުން މިދަނީ. ދެ އަހަރެއްގައި ކުރި ބުރަ މަސައްކަތުން އާ މެނޭޖްމަންޓަކުން މި ވިކްޓަރީ އަނބުރާ ގެނެސްދިނުމަކީ، ފުޓްބޯޅަ އަށް ކޮށްދިން ވަރަށް ބޮޑު މަސައްކަތެއް ކަމަށް ދެކެނީ،" ކުރިން ވިކްޓަރީ އަށް ކުޅެ ފަހުން އެ ޓީމަށް ކޯޗުކަން ވެސް ކޮށްދިން މުހައްމަދު ބުންޏެވެ.

"ހަގީގަތުގައި މިހާރު ނަމެއް ނޫން ފުޓްބޯޅަ ކުޅެނީކީއެއް. ވިކްޓަރީ އޭ ބުނީމަ އެނގޭނެ، ވިކްޓަރީ ޖޯޒީ ލައިގެން ނާރާނެ ދަނޑުމައްޗަށް އެހެން ބައެއް،"

މުހައްމަދު ބުނީ، ފައިނަލުގައި ވިކްޓަރީއާ ދެކޮޅަށް ކުޅޭ މަސް އޮޑި ޓީމުގައި ވެސް ތިބި ކުޅުންތެރިންނަށް ބަލާއިރު، މޮޅު ކުޅުންތެރިން ކަމަށެވެ.

ކުއާޓާ ފައިނަލުގައި، ކުޑަހެންވޭރު ޔުނައިޓެޑް އަތުން ވިކްޓަރީ މޮޅުވިއިރު، އެ މެޗުގެ ފަހުކޮޅުގައި ހިނގާދިޔަ ކަންތައްތައްތަކުގެ ސަބަބުން، ވިކްޓަރީގެ ކިރްގިސްތާން މިޑްފީލްޑަރު، އަނަޓޯލީ ވްލަސީޗޭފް ވަނީ ރާއްޖެ ދޫކޮށް ގޮސްފަ އެވެ، ވިކްޓަރީން ސެމީގައި އަނަޓޯލީ ނުލައި ކުޅެ ވަނީ ނިއު ރޭޑިއަންޓް ސްޕޯޓްސް ކްލަބް އަތުން 2-0 އިން މޮޅުވެފަ އެވެ.

"އަޅުގަނޑަކަށް ހިއެއްނުވޭ އެ ތަން (އަނަޓޯލީ ނެތްތަން) ދެއްކިހެނެއް އެންމެ ފަހުން ކުޅުނު މެޗުގައި، އެ ގޮތަށް ބަލާއިރު އަޅުގަނޑުމެންނަށް ވަކި ޑިސެޑްވާންޓޭޖެއް ނެތް. ކޮންމެ ބަޔަކާ ކުޅެން ޖެހުނަސް، މި ސީޒަން ވަރަށް ރަނގަޅަށް މި ދަނީ އެއްވެސް ބައެއް އަތުން ބަލިނުވެ. މި ޕޭސްގައި ނިންމާލާނެ ކަމަށް އުންމީދު ކުރަނީ،" މުހައްމަދު ބުންޏެވެ.

ވިކްޓަރީ ސަސްޕެންޝަނުން ސަލާމަތްކުރަން އެންމެ ފުރަތަމަ އިސް ނެގި އެއް ފަރާތަކީ މުހައްމަދު އެވެ. އެ ގޮތުން، 2022 ވަނަ އަހަރު އެ ޓީމު ސަސްޕެންޝަނުން ސަލާމަތްކުރުމަށް ފަހު، އެ ސީޒަނުގެ ދެ ވަނަ ޑިވިޝަނާ ދެމެދު މާ ވަގުތެއް ނެތުމުން، ދަރަނި ދައްކާފައި ރަނގަޅު ޓީމެއް ހެދުން ވީ އުނދަގޫ ކަމެއް ކަމަށް މުހައްމަދު ވަނީ ފާހަގަކޮށްފަ އެވެ.

"ފުރަތަމަ ޓީމު ނެރެންްވެގެން، ދައްކަން އޮތް ދަރަނި ދައްކާފައި ކުޅުންތެރިން ހޯދަން ނުކުތްއިރު މާކެޓްގައި ކުޅުންތެރިންނެއް ނެތް. ވަރަށް މަދު ކުޅުންތެރިއެއް ތިބީ، އޭގެ ތެރެއިން ވަރަށް މަދު ކުޅުންތެރިންނެއް ލިބުނީ. ބޭރުން ގެންނަން ކުޅުންތެރިންނަށް ބެލީއިރު ވެސް މުއްދަތެއް ނުލިބުނު، ޗޫސް ކޮށްގެން ކުޅުންތެރިން ގެންނަން ވަރަށް އަވަސް އަރުވާލާފައި ކުޅުންތެރިން ގެނެސްގެން ކުޅުނީ،" 2022 ވަނަ އަހަރުގެ ދެ ވަނަ ޑިވިޝަންގެ ގްރޫޕް ސްޓޭޖުން ކެޓިއިރު، ވިކްޓަރީ އަށް ދިމާވި މައްސަލަ އަށް އަލިއަޅުވާލައި، މުހައްމަދު ފާހަގަކުރި އެވެ.

މުހައްމަދު ބުނީ، އެ ފަހަރުގެ ދެ ވަނަ ޑިވިޝަން ނިމުމާ އެކު، މި ފަހަރުގެ މުބާރާތަށް ތައްޔާރުވުމުގެ މަސައްކަތް ފެށި ކަމަށެވެ. އެ ގޮތުން، ފުރަތަމަ ވެސް ގެނައީ، ގައުމީ ޓީމަށް ގިނަ އަހަރުތަކެއް ވަންދެން ކުޅުނު، ކުރީގެ ކެޕްޓަން، އަކުރަމް އަބްދުލް ގަނީ (އަކޫ) އާއި ވިކްޓަރީގެ ކުރީގެ ކެޕްޓަން މުހައްމަދު އުމެއިރު ކަމަށެވެ.

"އަޅުގަނޑާ އެކު ފުޓްބޯޅަ އެކެޑަމީއެއްގެ މަސައްކަތް ކުރާ މާޑޭއާ އެކީގައި އަޅުގަނޑުމެން ޓީމެއް ހަދައިގެން، އަޅުގަނޑުމެންގެ ޖެނެރަލް ސެކްރެޓަރީ ރަމީއާ އަދި އެޑްމިނިސްޓްރޭޝަން ސައިޑްގައި އުޅޭ ހަސަންއާ އަޅުގަނޑުމެން ޓީމެއް ހަދައިގެން، ސިލެކްޝަން ހަދަމުން ޑިޕާޓްމަންޓްތަކަށް ކުޅުންތެރިން ކުރިއާލާ އޭރުއްސުރެ ވާހަަކަ ދައްކަމުން މި ސީޒަނަށް އައިއިރު ތައްޔާރުވެވިއްޖެ،" މުހައްމަދު ބުންޏެވެ.

"ދެ ވަނަ ޑިވިޝަނަށް އެކަންޏެއް ނޫން، އެފްއޭ ކަޕާ ވެސް އެއްކޮށް، ކަންދިމާކުރި ގޮތުން އެފްއޭ ކަޕް ނުބޭއްވުނު. ތައްޔާރުކުރި ޓީމަކީ އެފްއޭ ކަޕަށް ވެސް އަމާޒުކޮށް ތައްޔާރުކުރި ޓީމެއް،"

ސްރީ ލަންކާގައި ވެސް ފުޓްބޯޅައިގެ މަސައްކަތްތަކެއް ކުރި މުހައްމަދު ބުނީ، ވިކްޓަރީގެ މެނޭޖްމަންޓުން ދުރާލާ ވި ތައްޔާރުވުމުގެ ރަނގަޅު ނަތީޖާ ދަނޑުމަތިން ފެންނަ ކަމަށެވެ.

"ތައްޔާރުވި ތައްޔާރުވުން ކަންނޭނގެ ދަނޑުމަތިން ކާމިޔާބު ވެގެން މިދަނީ، އެއީ ކުރިން ޕްލޭން ކުރެވިގެން، ކުރިން ރޭވިގެން، ބަޖެޓް ހެދިގެން، އަޅުގަނޑުމެންގެ ފައިނޭންސަރުންނާއި މެނޭޖްމަންޓުން ހުރިހާ ކަމެއް މިހާ ހިސާބަށް ކޮށްދީފައި ހުރީމަ އަޅުގަނޑުމެންނަށް މިހާ ހިސާބަށް މި ނަތީޖާ ގެެނެވުނީ،" މުހައްމަދު ބުންޏެވެ.

ވިކްޓަރީ ފުރަތަމަ ޑިވިޝަނަށް ވަރުގަދަ އަށް ތައްޔާރުވާނެ ކަމަށް އެ ކްލަބުން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox