ވާދަވެރި ލީގެއް ނެތި ރާއްޖޭގެ ފުޓްބޯޅަ އަށް ކުރިއެރުމެއް ނެތް

މާޒިޔާގެ ކޯޗު މިލޯ: އެންމެ ބޮޑު މައްސަލަ އަކީ ރާއްޖޭގައި ވާދަވެރި ލީގެއް ނެތުން ކަމަށް ވަނީ ބުނެފައި.---- ފޮޓޯ: މުހައްމަދު ޝާބިން/ އަދަދު

މާޒިޔާގެ ކޯޗު މިލޯ: އެންމެ ބޮޑު މައްސަލަ އަކީ ރާއްޖޭގައި ވާދަވެރި ލީގެއް ނެތުން ކަމަށް ވަނީ ބުނެފައި.---- ފޮޓޯ: މުހައްމަދު ޝާބިން/ އަދަދު

ރާއްޖޭގައި ވާދަވެރި ލީގެއް ނެތި އޭއެފްސީ ކަޕް ފަދަ ބައިނަލްއަގުވާމީ މުބާރާތެއްގައި ކުރިއެރުމެއް ނުހޯދޭނެ ކަމަށް މާޒިޔާ ސްޕޯޓްސް އެންޑް ރެކްރިއޭޝަންގެ ކޯޗު، ބޮސްނިއާގެ މިލޮމީރް ސެސްލިޖާ (މިލޯ) ބުނެފި އެވެ.

އޭއެފްސީ ކަޕްގައި މާދަމާ މެންދުރު ފަހު، ގަލޮޅު ދަނޑުގައި އިންޑިއާގެ މޯހަން ބަގާން ސުޕަ ޖަޔަންޓްސްއާ ދެކޮޅަށް ކުޅޭ މެޗަށް މާޒިޔާ ނުކުންނައިރު، މި ދެ ޓީމަށް ވެސް މުބާރާތުގައި ކުރިއަށް ދިއުމުގެ ފުރުސަތެއް ނެތެވެ.

މޯހަން ބަގާން މެޗުގެ ކުރިން މިއަދު މެންދުރު ގަލޮޅު ދަނޑުގައި ބޭއްވި ނޫސްވެރިންގެ ބައްދަލުވުމުގައި، މިލޯ ވަނީ ރާއްޖޭގެ ފުޓްބޯޅައާ ގުޅޭ ވާހަކަތަކެއް ދައްކައިފަ އެވެ. އެއީ މާޒިޔާ އަށް އަމާޒުވި ސުވާލެއްގެ ޖަވާބުގަ އެވެ.

އެ ގޮތުން، ރާއްޖޭގައި ތިބި އެންމެ ރަނގަޅު ކުޅުންތެރިންނާއި ފެންވަރު ރަނގަޅު ބިދޭސީ ކުޅުންތެރިން ގެނެސްގެން ވެސް މާޒިޔާ އަށް އޭއެފްސީ ކަޕްގައި ކުރިއަށް ނުދެވެނީ ކީއްވެތޯ ނޫސްވެރިއަކު ފުރަތަމަ ސުވާލުކުރީ މާޒިޔާ ކެޕްޓަން، ސަމޫހު އަލީ (ސަމުއްޓެ)އާ އެވެ. ސަމުއްޓެ އަށް އެ އަށް ސީދާ ޖަވާބެއް ނުދެވުނެވެ.

އެ ސުވާލަށް ޖަވާބު ދޭން ފަހުން ފުރުސަތު ދިނީ މިލޯ އަށެވެ.

"ތި އަހާ ސުވާލަކީ ހަމަ ތި މީހުންނަށް ޖަވާބު ވެސް އެނގޭ ކަންކަން. ތި މީހުން ތި އުޅެނީ އެ ޖަވާބު އަހަރެން ލައްވާ ބުނެލަން. ތިއީ ވަރަށް ސްމާޓް ގޮތެއް. އަހަރެން އެއްވެސް އިރެއްގައި މީޑިއާ އަކާ މައްސަލައެއް ނެތް،" މިލޯ ބުންޏެވެ.

"އެންމެ ބޮޑު މައްސަލަ އަކީ އަހަންނަށް ރާއްޖޭ ފުޓްބޯޅައާ ބެހޭ މާ ބޮޑު މައުލޫމާތެއް ނޭނގުން. ހޯދޭނެ ޕޯޓަލެއް ނެތް ފެންނާކަށް ވެސް. މިއީ އެންމެންނަށް ވެސް ދިމާވާނެ މައްސަަލަ،"

މިލޯ ބުނީ އޭއެފްސީ ކަޕްގައި މާޒިޔާ މި ވަގުތު އޮތް ގްރޫޕަށް ބަލާއިރު، މޯހަން ބަގާން އާއި އޮޑިޝާ އެފްސީ އަކީ އިންޑިިއާގެ އެންމެ ރަނގަޅު ފަސް ޓީމުގެ ތެރޭގައި ހިމެނޭ ދެ ޓީމު ކަމަށާއި އެއީ ވޭތުވެދިޔަ ތިން ވަރަކަށް އަހަރު އެއް ކުޅުންތެރިންތަކެއް ގިނައިން ކުޅުވާ އެއް ކޯޗެއްގެ ބެލުމުގެ ދަށުން މެނޭޖްމަންޓުން ޑިވެލޮޕްކުރި ޓީމުތަކެއް ކަމަށެވެ.

ހަމަ އެ ގޮތަށް، ބަޝުންދަރާ އަކީ ބަންގްލަދޭޝްގެ ވަރުގަދަ ބާރެއް ކަމަށާއި އެ ޓީމުގައި އޮތީ ތިނެއް ނޫނީ ހަތަރު އަހަރު ވަންދެން އެއް ކޯޗަކާ އެކު (ސްޕެއިންގެ ކޯޗު އޮސްކާ ބްރުޒޮންގެ ބެލުމުގެ ދަށުން) ޑިވެލޮޕްކުރި ޓީމެއް ކަމަށް މިލޯ ވަނީ ބުނެފަ އެވެ.

"ދެން މާޒިޔާ އަށް ބަލާއިރު، ރަނގަޅު އެއް ކުޅުންތެރިންތަކެއް ލޯކަލް، ވަރުގަދަ ލީގެއް ނެތް، ވާދަވެރި ޓީމުތަކެއް ނެތް، އަބަދު ލީގު ބަދަލުވަނީ، ސިސްޓަމެއްގެ ތެރެއިން ކުރިއަށްދެވޭނެ ހާލަތެއް ނެތް، މިއީ ތި އެންމެން ހާއްސަކޮށް މީޑިއާ ވެސް ބައިވެރިވެގެން ހައްލު ހޯދަން ޖެހޭ ކަމެއް،" މިލޯ ބުންޏެވެ.

"އަހަރެން ޓީވީން ބަލާލިއިރު، (ރަށެއްގައި) މެޗު ބަލަން ތިބި، ލީގުގައި އީގަލްސް އާއި މާޒިޔާ މެޗެއް ބަލަން ތިބޭ ސަޕޯޓަރުންނަށް ވުރެން ގިނައިން. މިއީ ކިހިނެއްވާ ކަމެއްތޯ ބަލަންޖެހޭ. އަހަރެމެން އެބަޖެހޭ ރަނގަޅު ލީގެއް ބާއްވަން، ފުޓްބޯޅައިގެ އެންމެ ފުރިހަމަ ގޮތަކީ ހޯމް އެންޑް އަވޭ، ރިސޯޓްތަކާއި ރަށްތަކާ އެންމެން ގުޅިގެން އެ ގޮތަށް ލީގެއް ބާއްވަން ޖެހޭ ނޫނީ ކުރިއެރުމެއް ނެތް،"

މިލޯ ބުނީ މިޔަންމާ އާއި ބަންގްލަދޭޝް ފަދަ ގައުމުތަކުގައި ފުޓްބޯޅަ ވަރުގަދަ ކުރަން އެ ކުރާ މަސައްކަތުގައި ކުރިއެރުން ފެންނައިރު، ރާއްޖޭގައި އެ ފަދަ ރަނގަޅު ކަންކަން ނުކުރެވޭނެ ސަބަބެއް ނެތް ކަމަށެވެ.

"ބަންގްލަދޭޝްއާ ދެކޮޅަށް ކުޅުނު މެޗުތަކުން ފެނުނު ކަމެއް، ޔަގީނުން ވެސް ރާއްޖޭގެ ކުޅުންތެރިންގެ ހުނަރު ބަންގްލަދޭޝަށް ވުރެ ރަނގަޅު، ދެން އަހަރެމެން ބަލަންވީ މި މައްސަލަތައް ހުރި ކަންކަން. ރާއްޖޭގެ ފުޓްބޯޅަ ކުރިއަރާނީ އެ މައްސަލަ ހުރި ކަންކަން ރަނގަޅުކޮށްގެން،" މީގެ ހަތަރު ވަރަކަށް މަސް ކުރިން މާޒިޔާގެ ކޯޗުކަމާ ހަވާލުވި މިލޯ ބުންޏެވެ.

މިލޯ ބުނީ އޭނާ މާޒިޔާއާ އެކު ސޮއިކުރީ ހަ މަހުގެ ކޮންޓްރެކްޓެއް ކަމަށާއި އެ އެއްބަސްވުމުގެ މުއްދަތު ހަމަވުމަށް ފަހު ކްލަބުން ނިންމާ ކޮންމެ ނިންމުމަކަށް އިހުތިރާމް ކުރާނެ ކަމަށެވެ.

މޯހަން ބަގާން އިން އޭއެފްސީ ކަޕަށް "އިހުތިރާމެއް ނުކުރޭ"

މާޒިޔާ އާއި މޯހަން ބަގާން އަށް، ގްރޫޕްގެ އެއް ވަނަ ހޯދައިގެން، އިންޓަ ޒޯން ޕްލޭއޮފް ސެމީ ފައިނަލަށް ދިއުމުގެ ދޮރު އޮތީ ބަންދުވެފަ އެވެ. އެހެންވެ، މޯހަން ބަގާން އިން މާދަމާ ކުޅޭ މެޗަށް ޓީމުގެ މުހިންމު ބައެއް ކުޅުންތެރިން ނުގެނެ އެވެ.

މިލޯ ބުނީ މޯހަން ބަގާން އިން މުހިންމު ކުޅުންތެރިން މެޗަށް ނުގެނެސް އެ ގޮތަށް ކަންތައް ކުރުމުން އެ ޓީމާ މެދު ޕްރޮފެޝަނަލް ވިސްނުމެއް ގެންގުޅެއް އުނދަގޫ ކަމަށެވެ.

"އަހަރެން ދެކޭ ގޮތުގައި އެ މީހުން (މޯހަން ބަގާން) ޕްރޮފެޝަނަލް އެއް ނޫން. ޕްރޮފެޝަނަލް ވެސް، ސެމީ ޕްރޮފެޝަނަލް ބައެއް ކުޅުންތެރިން އެބަތިބި. އެ މީހުން ވަރަށް ނަސީބު ރަނގަޅުކޮށް ކުރިން މެޗުގައި ދިޔައީ 92 ވަނަ މިނިޓްގައި ގޯލެއް ވަނީ. އެ ދުވަހު ހުރި ރެފްރީއާ ހެދި އެކަން އެ ގޮތަށް ވީ،" ކަލްކަތާގައި އޮކްޓޫބަރު ދެ ވަނަ ދުވަހު، މޯހަން ބަގާން އިން 2-1 އިން މާޒިޔާ ބަލިކުރި މެޗަށް އިޝާރާތްކޮށް މިލޯ ބުންޏެވެ.

މިލޯ ބުނީ މީގެ ކުރިން އޭނާ ދުވަހަކު ވެސް ރެފްރީންގެ ވާހަކަ ނުދައްކާ ކަމަށާއި އެކަމަކު މޯހަން ބަގާން އަށް މި ދެ ޓީމު ކުރިން ބައްދަލުކުރި މެޗުގައި ލިބުނީ "ހައްގު ނަތީޖާއެއް ނޫން" ކަމަށެވެ.

"އަހަރެމެން މާ ރަނގަޅަށް ކުޅުނިން. އަހަރެމެންނާ މެދު އިންޑިއާ އިން ކޮންމެ ގޮތަކަށް ދެކުނަސް އަހަރެމެން މި ތިބީ ޕްރޮފެޝަނަލްކޮށް. އެ މީހުން އެ އިހުތިރާމް ކުޑަކުރަނީ މާޒިޔާ އަށް ނޫން. މި މުބާރާތަށް އެ ކަން ކުރަނީ. ތި މީހުންނަށް ފެންނާނެ، މެންޗެސްޓާ ޔުނައިޓެޑުން އެ މީހުން ލީގު ޗެމްޕިއަން ވިޔަސް ނުފޮނުވާނެ ދެ ވަނަ ޓީމެއް. (މޯހަން ބަގާން އިން) ލީގަށް ފޯކަސް ކުރަން ބޭނުމޭ ބުނެފައި ދަށް ޓީމެއް ފޮނުވުމަކީ އޭއެފްސީ ކަޕަށް އިހުތިރާމް ކުޑަކުރުން،" މިލޯ ބުންޏެވެ.

މިލޯ ބުނީ މާޒިޔާ އަށް މި މަހު 15 އާއި 19 ވަނަ ދުވަހު ދިވެހި ޕްރިމިއާ ލީގުގެ މެޗުތަކެއް އެބަހުރި ކަމަށާއި މާދަމާ މޯހަން ބަގާންއާ ކުޅޭ މެޗަށް ޓީމު ނަގާނީ ހުރިހާ ކަމަކަށް ވިސްނާފައި ކަމަށެވެ.

މާޒިޔާގައި އަނިޔާގެ މައްސަލަ ވެސް އެބަހުރިކަން ފާހަގަކޮށް މިލޯ ބުނީ މާދަމާގެ މެޗަށް ޓީމު ނެރޭނީ ވަރަށް ގިނަ ކަންކަމަށް ބެލުމަށް ފަހު، މަސައްކަތް ކުރާ ކުޅުންތެރިންނަށް ކުޅުމުގެ ފުރުސަތު ލިބޭ ގޮތަށް ކަމަށެވެ.

"ބަދަލު ކުރެވޭނެ ކަންކަމަށް ބަލާފައި ކުޅުންތެރިންނަށް ފުރުސަތު ދޭނީ މެޗުން މޮޅުވާން އިސްކަން ދީގެން. އެގާރަ ކުޅުންތެރިން ބަދަލުކޮށްގެން ކުޅެވޭކަަށް ނެތް. ހުރިހާ ކަމެއް ބަރޯސާވަނީ އެންމެ ފަހުން ޓްރެއިނިން އަށް. މާލޭގައި އެބައުޅޭ ރޯގާ އެއް ވެސް އެހެންވީމަ އެއިން ސަލާމަތްވެގެން ތިބުން ވެސް މުހިންމު. މަސައްކަތަށް ބެލުމަށް ފަހު، އެންމެ ރަނގަޅަށް އެ މެޗެއްގައި ކުޅޭނެ ކަމަށް ފެންނަ ކުޅުންތެރިންނަށް ފުރުސަތު ދެނީ،"

ކޮންމެ ޓީމެއް ފަސް މެޗު ކުޅެފައިވާއިރު، އޭއެފްސީ ކަޕް ގްރޫޕް ޑީގެ އެއް ވަނައިގައި މި ވަގުތު ބަޝުންދަރާ އޮތީ 10 ޕޮއިންޓާ އެކު އެވެ. ދެ ވަނައިގައި އޮތް އޮޑީޝާ އަށް ނުވަ ޕޮއިންޓް ލިބިފައިވާއިރު، ތިން ވަނައިގައި މޯހަން ބަގާން އޮތީ ހަތް ޕޮއިންޓް ހޯދައިގެންނެވެ. ފުލުގައި އޮތް މާޒިޔާ އަށް ލިބިފައިވަނީ ތިން ޕޮއިންޓެވެ.

މާޒިޔާ އާއި މޯހަން ބަގާން ކުޅޭ މެޗު ފަށާނީ މާދަމާ 15:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox