ރާއްޖޭގެ ފުޓްބޯޅަ އަށް ކުރިމަގެއް އޮތީ ޒުވާން ކުޅުންތެރިންނާއި އިންފްރާސްޓްރަކްޗާ އަށް އިންވެސްޓް ކޮށްގެން

ރާއްޖޭގެ ފުޓްބޯޅަ އަށް ކުރިމަގެއް އޮތީ ޒުވާން ކުޅުންތެރިންނާއި އިންފްރާސްޓްރަކްޗާ އަށް އިންވެސްޓް ކޮށްގެން

ރާއްޖޭގެ ފުޓްބޯޅަ އަށް އަބަދުވެސް ކާމިޔާބަށް އެދޭ ކަމަށާއި ރަނގަޅު ކުރިމަގެއް ހޯދޭނީ ޒުވާން ކުޅުންތެރިންނަށާއި އިންފްރާސްޓްރަކްޗާ އަށް މުޅި ރާއްޖެ އަށް ހުޅުވާލެވިގެން ރަނގަޅު އިންވެސްޓެއް ކުރެވިގެން ކަމަށް މާޒިޔާ ސްޕޯޓްސް އެންޑް ރެކްރިއޭޝަންގެ ކޯޗު، ލުއިސްމާ ހެނާންޑޭޒް ބުނެފި އެވެ.

މި ސީޒަނުގައި މާޒިޔާގައި ޖުމްލަކޮށް ކާމިޔާބު މަސައްކަތްތަކެއް ކުރި ހެނާންޑޭޒްގެ ކޮންޓްރެކްޓް ހަމަވުމާ އެކު، ސީޒަންގެ ފަހު މުބާރާތް އެފްއޭ ކަޕްގައި މާޒިޔާގެ ކޯޗުގެ ޒިންމާ އެސިސްޓަންޓް ކޯޗު، އަހުމަދު ސުޒެއިރު (ކޮއްކޮ)އާ ވަނީ ހަވާލުކޮށްފަ އެވެ.

އިޒްރޭލާއި އެމެރިކާ އިން އިސްވެ، އިރާނާ ދެކޮޅަށް ފަށާފައިވާ ހަނގުރާމައާ ހެދި މެދުއިރުމަތީގެ ދަތުރު ފަތުރުގެ ކަންކަމަށް އެރި ބުރޫއާ ހެދި، ހެނާންޑޭޒް އާއި އޭނާގެ އާއިލާ އަށް ރާއްޖޭން ނުފުރި ހުންނަން ޖެހުނު ނަމަވެސް، މިހާރު ވަނީ އެނބުރި ގައުމަށް ގޮސްފަ އެވެ.

Advertisement

މި ސީޒަނުގައި މާޒިޔާ ގޮވައިގެން ހެނާންޑޭޒް ވަނީ އެފްއޭއެމް ލީގު ކަޕް ޗެމްޕިއަންކަމާއި ޗެރިޓީ ޝީލްޑް ވެސް އުފުލާލައިފަ އެވެ. ތަޖުރިބާކާރު ކޯޗު ހެނާންޑޭޒް މި ވަނީ މީގެ ކުރިން ދެކުނު ކޮރެއާ، ކުވެއިތު، ލިތުއޭނިއާ އަދި އުޒްބެކިސްތާނުގައި އެކި މަސައްކަތްތަކެއް ކޯޗިންގައި ކޮށްފަ އެެވެ. މާޒިޔާ އަށް އޭނާ އެންމެ ފަހުން އިރުޝާދު ދިން މެޗަކީ، ޕްރެޒިޑެންޓްސް ކަޕް ފައިނަލުގައި އޮޑި ސްޕޯޓްސް ކްލަބް އަތުން ޕެނަލްޓީ ޖަހައިގެން ބަލިވި މެޗުގަ އެވެ. މިއީ، މި ސީޒަނުގައި ދިވެހި ޓީމެއް އަތުން މާޒިޔާ ބަލިވި ފުރަތަމަ ފަހަރެވެ.

"އަދަދު ސްޕޯޓްސް" އަށް ހެނާންޑޭޒް ބުނީ، ރާއްޖޭގައި ތަޖުރިބާކުރި ހުރިހާ ކަމަކަށް ވަރަށް ޝުކުރުވެރިވާ ކަމަށާއި އެއް ސީޒަން ތެރޭގައި ތިން ތަށި ހޯދުމަކީ ފަހަރުވެރިވާ ކަމެއް ކަމަށެވެ. އަދި، އެ ކާމިޔާބީގެ ތެރޭގައި، ދިވެހި ޕްރިމިއާ ލީގުގެ ޗެމްޕިއަންކަން މާޒިޔާ އަށް ދިފާއުކުރެވުމަކީ، އޭއެފްސީ މުބާާރާތުގައި ކުޅެން ފުރުސަތު ލިބޭނެ ކަމަކަށްވާތީވެ، އެކަން ފާހަގަކުރަން ބޭނުންވާ ކަމަށް ހެނާންޑޭޒް ވަނީ ބުނެފަ އެވެ.

"އަހަރެން ހައިލައިޓްކޮށްލަން ބޭނުން، އަހަންނަށް ލިބުނު ނަސީބެއް އެ ވަރުގެ ރަނގަޅު ކުޅުންތެރިން ހިމެނޭ ގްރޫޕަކަށް ކޯޗުކޮށްދޭން ފުރުސަތު ލިބުމަކީ. ދެން، ކޯޗިންގައި އަހަންނަށް ދަސްވެފައި ހުރި އެއްޗެއް ރަނގަޅު ދިވެހި ކުޅުންތެރިންނާއި ވަރަށް ޒިންމާދާރު ބިދޭސީ ކުޅުންތެރިންނާ އެކު ހިއްސާކޮށް ކާމިޔާބު ހޯދުމުން ވެސް އުފާވޭ،" ހެނާންޑޭޒް ބުންޏެވެ.

މާޒިޔާގެ މެޗެއްގެ ތެރެއިން ހެނާންޑޭޒް: ޖުމްލަ ގޮތެއްގައި މާޒިޔާގައި ކުރެވުނު މަސައްކަތް ރަނގަޅު ކަމަށް ވަނީ ބުނެފައި.--- ފޮޓޯ: ރާއިފް ޔޫސުފް / އަދަދު ސްޕޯޓްސް

މާޒިޔާގައި އޭނާ އަދާކުރި ވަޒީފާގެ ތެރެއިން، ޒުވާން ކުޅުންތެރިންތަކަކާ އެކު، ވަރަށް ހީވާގި މެނޭޖްމަންޓަކާ އެކު، އެ ކުރެވުނު މަސައްކަތުގެ މުހިންމުކަން ބޮޑު ކަމަށް ހެނާންޑޭޒް ފާހަގަކުރި އެވެ.

"އެންމެ ބޮޑު ކަމަކީ އިންފްރާސްޓްރަކްޗާ ރަނގަޅުކުރަން އިންވެސްޓްކުރުން (މާލެ އާއި ރަށްރަށުގައި ވެސް) ދެން، އެބަޖެހޭ ޒުވާން ކުޅުންތެރިންނަށް ވެސް އިންވެސްޓްކުރުން ކުރިއަށްގެންދަން. އެއީ، ރާއްޖޭގެ ފުޓްބޯޅަ މި ވަގުތު ވެސް އަދި މުސްތަގުބަލުގައި ވެސް ރައްކާތެރި ކުރެވޭނެ ގޮތަކީ، އެއީ ރާއްޖޭގެ ލީގާއި ގައުމީ ޓީމު ކުރިއަރައިގެންދާނެ ގޮތަކީ،" ހެނާންޑޭޒް ބުންޏެވެ.

ހެނާންޑޭޒް ވަނީ އަބަދުވެސް ރާއްޖޭގެ ފުޓްބޯޅަ އަށް ކުރިއެރުމަށް އެދޭ ކަމަށް ބުނެފަ އެވެ. އަދި، އެފްއޭއެމްގެ އާ ލީޑަޝިޕާއި ގައުމީ ޓީމުގެ ކޯޗު، ހަންގޭރީގެ އިސްތަވާން އުރްބާނީއާ އެކު، ރާއްޖޭގެ ފުޓްބޯޅަ އަށް ކާމިޔާބު ދުވަސްތަކެއް ފެންނާނެ ކަމަށް އުންމީދުކުރާ ކަމަށް ވެސް ހެނާންޑޭޒް ވަނީ ބުނެފަ އެވެ.

މިދިޔަ އަހަރުގެ ޖެނުއަރީ މަހު މާޒިޔާގެ ކޯޗަކަށް ހަމަޖެއްސި ޔުއެފާ ޕްރޯ ލައިސަންސް ކޯޗު، ހެނާންޑޭޒް ވަނީ މާޒިޔާ އަށް 30 މެޗުގައި ކޯޗުކޮށްދީފަ އެވެ. އޭގެ ތެރެއިން 24 މެޗުން މޮޅުވިއިރު، ހަތަރު މެޗުން އެއްވަރުވެ، ދެ މެޗުން ވަނީ ބަލިވެފަ އެވެ. ބަލިވި ދެ މެޗަކީ، ޕްރެޒިޑެންޓްސް ކަޕް ފައިނަލުގައި އޮޑި އަތުންނާއި އޭއެފްސީ ޗެލެންޖު ލީގުގައި ކުވެއިތުގެ އަލް އަރާބި އަތުންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox