ރިއޯ ޑި ޖަނެއިރޯ، ބްރެޒިލް (ނޮވެމްބަރު 16) - ވޯލްޑް ކަޕް ކޮލިފައިންގައި އަންނަ ހަފްތާގައި އާޖެންޓީނާއާ ދެކޮޅަށް ވޯލްޑް ކަޕް ކޮލިފައިންގައި ކުޅޭ މެޗުގައި އަނިޔާގައި ހުރި ފޯވާޑް ގެބްރިއެލް ޖީސޫސް ކުޅުވަން ބްރެޒިލްގެ ގައުމީ ކޯޗު ނިންމައިފި އެވެ.
ބްރެޒިލްގެ ފޯވާޑް ޖެސުސްގެ ފަލަމަސްގަނޑަށް އަނިޔާވީ ޔުއެފާ ޗެމްޕިއަންސް ލީގުގައި ސެވިއްޔާއާ ދެކޮޅަށް އާސެނަލް ކުޅުނު މެޗުގަ އެވެ. އެ އަނިޔާގެ ސަބަބުން އާސެނަލުން އެންމެ ފަހުން ކުޅުނު ފަސް މެޗުގައި ޖެސުސް ނުކުޅެ އެވެ.
އަނިޔާގައި ހުރި ނަމަވެސް ބްރެޒިލްގެ ގައުމީ ޓީމްގައި ޖީސޫސް ހިމަނަން ކޯޗު ފެނާންޑޯ ޑިނިޒް ނިންމީ އެވެ. އޭނާ ބޭނުންވީ ބްރެޒިލްގެ ގައުމީ ޓީމްގެ ޑޮކްޓަރުންގެ ލަފާ ހޯދުމަށްފަހު ޖީސޫސްއާ މެދު ގޮތެއް ނިންމާށެވެ.
ބްރެޒިލްގައި ހެދި ސްކޭންތަކަށް ފަހު ޑިނިޒް ނިންމާފައިވަނީ ޖީސޫސް ގައުމީ ޓީމުގައި ބަހައްޓާށެވެ. ޑިނިޒް ބުނަނީ އަންނަ ހަފްތާގައި އާޖެންޓީނާއާ ދެކޮޅަށް ޖެސުސް ފިޓުވާނެ ކަމަށެވެ. އެހެން ނަމަވެސް، ޖީސޫސް ފަރިތަކުރުންތަކުގައި ބައިވެރިކުރާނީ ވަރަށް ފަރުވާތެރިކަމާ އެކު ކަމަށް ވެސް އޭނާ ބުންޏެވެ.
ޖީސޫސް ކުލަބު އާސެނަލުން ވެސް އޭނާ އަށް ލިބިފައިވާ އަނިޔާ ގާތުން ބަލަމުން އަންނައިރު، އާސެނަލްގެ ކޯޗު މިކޭލް އާޓެޓާ ވެސް ބޭނުން ވަނީ ޖީސޫސް އެއްކޮށް ފިޓުވުމަށްފަހު އޭނާ ކުޅެން ނެރޭށެވެ.
ބްރެޒިލްގެ ކޯޗު ޑިނިޒް ޖީސޫސް އަށް ވޯލްޑް ކަޕް ކޮލިފައިން މެޗުތަކުގައި ކުޅެވޭތޯ ބަލާ އެންމެ ބޮޑު ސަބަބަކީ ފޯވާޑުން މަދުވުމެވެ. އެ ގޮތުން ނޭމާ އަނިޔާގައި ހުރިއިރު، ރިޗާލިސަން ވެސް ފިޓެއް ނޫނެވެ. އެންމެ ފަހުން ނެގި ސްކޮޑުން ޑިނިޒް ފުރުސަތު ދީވާފައިވަނީ 17 އަހަރުގެ ފޯވާޑް އެންޑްރިކް އަށެވެ.
ވޯލްޑް ކަޕް ކޮލިފައިންގައި މިރޭ ބްރެޒިލް އިން ނުކުންނާނީ ކޮލަމްބިއާއާ ދެކޮޅަށެވެ. އަދި އާޖެންޓީނާއާ ދެކޮޅަށް ނުކުންނާނީ އަންނަ ހަފްތާގެ ބުދަ ދުވަހު އެވެ.
