މާޒިޔާ ކޮޅަށް އަނެއްކާވެސް ހަ ގޯލު ޖެހޭނެކަމަށް ގަބޫލުނުކުރަން: އޮޑިސާ ކޯޗު

Nov 6, 2023, 9:19 AM
މާޒިޔާ ކޮޅަށް އަނެއްކާވެސް ހަ ގޯލު ޖެހޭނެކަމަށް ގަބޫލުނުކުރަން: އޮޑިސާ ކޯޗު

އިންޑިއާގައި ކުޅުނު މެޗުން މާޒިޔާ ކޮޅަށް ހަ ގޯލު ޖެހުނު ނަމަވެސް މާދަމާ މާލޭގައި ކުޅޭ މެޗުގައި ގިނަ ގޯލު ޖެހޭނެކަމަށް އުއްމީދު ނުކުރާކަމަށް އޮޑިސާ ފުޓްބޯޅަ ކުލަބުގެ ކޯޗު ސާޖިއޯ ލޯބޭރާ ބުނެފި އެވެ.

އޭއެފްސީ ކަޕް 2023 ގެ ގްރޫޕް ޑީގައި މި ދެ ޓީމު މި ގްރޫޕްގައި ކުރިން ކުޅުނު މެޗު 6-1 ގެ ބޮޑު ތަފާތަކުން ކާމިޔާބުކުރީ އޮޑިޝާ އެވެ.

މި މެެޗަށް ނުކުންނައިރު މާޒިޔާ އޮތީ ގްރޫޕްގެ ފުލުގަ އެވެ. ނޮކްއައުޓް ބުރުން މާޒިޔާއަށް ފުރުސަތު ލިބެން އޮތީ ބާކީ ހުރި މެޗުތައް ކާމިޔާބުކޮށްގެންނެވެ.

Advertisement

އޮޑިޝާގެ ކޯޗު ސާޖިއޯ ލޮބޭރާ ގަބޫލުކުރާ ގޮތުގައި ހުރިހާ ޓީމަކަށްވެސް ނޮކްއައުޓް ބުރުގެ ފުރުސަތު އޮތުމަކީ ކުރިއަށް ހުރި މެޗުތަކުގެ ފޯރިގަދަވާނެ ސަބަބެކެވެ. އަނެއްކޮޅުން މާޒިޔާ މިދިޔަ މެޗުގައި ބޮޑު ތަފާތަކުން ބަލިވެފައި އޮތުމަކީ އެޓީމުން އިތުރު ހިތްވަރެއް ލައިގްނެ ކުޅޭނެކަމަށް މި މެޗަށް ނުކުންނާނެ ސަބަބެއްކަމަށް އޭނާ ދެކެ އެވެ.

"ރާއްޖޭގައި ހަ ގޯލު ޖެހޭނެކަމަށް ގަބޫލެއް ނުކުރަން. އެ ނަތީޖާއަކީ މި ދެ ޓީމުގެ ފަރަގުކަމަށް ނުދެކެން. މާޒިޔާގެ ފެންވަރެއް ނޫން އެއީ. އެމީހުންގެ ފެންވަރު ފެންނާނެ އަނެއް ދެ މެޗަށް ބެލީމަ. އަހަރެން ގަބޫލުކުރާ ގޮތުގައި މާޒިޔާއަކީ ވަރުގަދަ ޓީމެއް. އަހަރުމެންގެ އަމާޒަކީ މެޗުން މޮޅުވުން. ތިން ޕޮއިންޓް. ގިނަ ގޯލު ޖެހުމެއް ނޫން،"

ލޮބޭރާ ބުނީ މާޒިޔާގެ އަކީ ވަރުގަދަ ޓީމެއް ކަމަށާއި، އެކަން ފުރަތަމަ ދެ މެޗުގައި ފެނުނުކަމަށެވެ. ވަރުގަދަ މޯހަން ބަގާން އަށް މާޒިޔާ އަތުން މޮޅުވެވުނީ ފަހު ވަގުތު ކަމަށާއި، ބަޝުންދުރަ މެޗުގައިވެސް ރަނގަޅަށް ކުޅެ ގިނަ ހަމަލާތަކެއް މާޒިޔާއިން އުފެއްދި ކަމަށެވެ. އެހެންކަމުން މާދަމާގެ މެޗުގައި ވަރުގަދަ މާޒިޔާއެއް ފެންނާނެކަމާމެދު ޝައްކު ނުކުރާކަމަށްވެސް އޭނާ ބުންޏެވެ.

އިންޑިއާގެ ބޮޑެތި ޓީމުތަކަށް އިރުޝާދުދީފައިވާ ކޯޗު ބުނީ މާލޭގައި މީގެ ކުރިން ކުޅެފައިވާ ކުޅުންތެރިން އޮޑިޝާ ޓިމްގައި ތިބުމަކީ ލިބޭ ހިތްހަމަޖެހުމެއްކަމަށެވެ. އެޓީމްގެ ގޯލްކީޕަރު އަމްރިންދަރު ސިންގް އާއި ރޮއީ ކްރިޝްނާ ވަނީ މީގެ ކުރިން ރާއްޖޭގެ ކުލަބުތަކާ ދެކޮޅަށް މާލޭގައި ކުޅެފަ އެވެ.

"ޓީމުގައި މި ދަނޑުގައި ކުޅެފައިތިބި ދެ ކުޅުންތެރިއަކު އެބަތިބި. އެއީ އަހަރުމެންނަށް އޮތް ހިތްހަމަޖެހުމެއް. އެ ކުޅުންތެރިންގެ ތަޖުރިބާގެ ބޭނުން އަހަރުމެންނަށް ހިފޭނެ. އެ ކު ކުޅުންތެރިންނަށް އިނގޭނެ މާޒިޔާގެ ފެންވަރު، މިދަނޑުގައި ދިވެހި ކުޅުންތެރިން ކުޅޭނެ ފެންވަރު،" އިންޑިއާގެ މުމްބާއީ ސިޓީއަށް ކޯޗުކަންކޮށްދިން ލޮބޭރާ ބުންޏެވެ.

އޮޑިޝާގެ ކޯޗު ބުނީ އެޓީމަށް މި ސީޒަންގައި ދިމާވާ އެންމެ ބޮޑު ޗެލެންޖަކީ ގާތް ގާތުގައި މެޗުތައް ކުޅެން ޖެހުމެވެ. މިގޮތުން ކުޅުންތެރިންގެ ރިކަވަރީއަށް އެކަށީގެންވާ ވަގުތު ނުލިބި ގިނަ މެޗުތަކެއް ކުޅުމަކީ ވަރަށް ގިނަ ގޮތްގޮތުން ވިސްނަން ޖެހޭ ކަމެއްކަމަށް ވެސް އޭނާ ބުންޏެވެ.

"އަހަރުމެންނަށް މިއީ އުނދަގޫ ދުވަސްތަކެއް. 15 ދުވަހުން ފަސް މެޗުވެސް އަހަރުމެން ކުޅެފިން. އެއީ ރިކަވަރީއާ ކަންކަމަށް ބަލާއިރު އަހަރުމެން ވިސްނަން ޖެހޭ ކަމެއް. ޓީމުގެ ބެލެންސް ވަރަށް މުހިންމު. ހުރިހާ އެންމެން ބޭނުން ކުރެވޭ ހާލަތުގައި ތިބުންވެސް މުހިންމު. އެކަމަކު މި ޗެލެންޖުތަކާ އެކުވެސް އަހަރުމެން މި ތިބީ ތައްޔާރަށް،" ކޯޗު ބުންޏެވެ.

ކޯޗު ލޮބޭރާ ބުނީ މާޒިޔާ އަތުން ކުރިން ލިބުނު ބޮޑު މޮޅުގެ ސަބަބުން އޭނާގެ ޓީމް އޯވާކޮންފިޑެންސް ވިޔަ ނުދޭން މަސައްކަތް ކުރާނެ ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox