މޯހަން ބަގާން ނުކުންނަނީ ހެޑް ކޯޗާއި ސީނިއާ ކުޅުންތެރިން ނުލައި!

Dec 11, 2023, 3:33 AM
މޯހަން ބަގާން ސުޕަ ޖަޔަންޓްސްގެ ކޯޗު ޖުއާން ފެރާންޑޯ: މިއަދުގެ މެޗަށް އެ ޓީމުން މާޒިޔާއާ ދެކޮޅަށް ނުކުންނައިރު ޖުއާން ޓީމާ އެކު އައިސްފައެއް ނުވޭ.

މޯހަން ބަގާން ސުޕަ ޖަޔަންޓްސްގެ ކޯޗު ޖުއާން ފެރާންޑޯ: މިއަދުގެ މެޗަށް އެ ޓީމުން މާޒިޔާއާ ދެކޮޅަށް ނުކުންނައިރު ޖުއާން ޓީމާ އެކު އައިސްފައެއް ނުވޭ.

އޭއެފްސީ ކަޕްގައި މިއަދު ހަވީރު މާޒިޔާ ސްޕޯޓްސް އެންޑް ރެކްރިއޭޝަނާ ދެކޮޅަށް ނުކުންނަ މެޗަށް އިންޑިއާގެ މޯހަން ބަގާން ސުޕަ ޖަޔަންޓްސް ޓީމުން ހެޑް ކޯޗާއި ސީނިއާ ކުޅުންތެރިން ބައިވެރިނުކުރަން ނިންމައިފި އެވެ.

މިއަހަރުގެ އޭއެފްސީ ކަޕްގެ ގްރޫޕް ސްޓޭޖުގެ ފަހު މެޗުތައް މި ހަފްތާގައި ކުޅޭއިރު، ރާއްޖޭގެ މާޒިޔާ އާއި މޯހަން ބަގާން އަށް ދެ ވަނަ ބުރުގެ ފުރުސަތެއް ނެތެވެ. ނޮކްއައުޓް ބުރުގެ ފުރުސަތު އޮތީ އެއް ވަނައިގައި އޮތް ބަޝުންދަރަ ކިންގްސް އާއި އޮޑީޝާ އެފްސީ އަށެވެ.

ފަހު މެޗަށް ނުކުންނައިރު މުބާރާތުން ކަޓާފައި އޮތުމުން މޯހަން ބަގާން އިން ނިންމީ މުހިންމު ކުޅުންތެރިން މި މެޗުގައި ނުކުޅުވާށެވެ. މި ގޮތުން ޓީމުގެ ސީނިއާ ޓީމްގައި ހިމެނޭ ގިނަ ކުޅުންތެރިންނާއި ކޯޗު ޖުއާން ފެރާންޑޯ ވެސް ޓީމާ އެކު ދަތުރެއް ނުކުރެ އެވެ. ޓީމާ ހަވާލުވެގެން އައީ އެސިސްޓަންޓް ކޯޗު ކްލިފޯޑް މިރާންޑާ އެވެ.

Advertisement

މާޒިޔާ މެޗަށް މާލެ އައި ޓީމުގައި ހިމެނެނީ މޯހަން ބަގާންގެ ސީނިއާ ޓީމްގެ ވެސް މަދު ކުޅުންތެރިންތަކެކެވެ. ދެން ޓީމްގައި ހިމަނާފައިވަނީ ކަލްކަތާ ލީގުގައި ކުޅެމުން އަންނަ އެ ކުލަބުގެ ރިޒާވް ޓީމުގެ ކުޅުންތެރިންނެވެ.

މާދަމާގެ މެޗު ސީރިއަސްކޮށް ނަގަން ބޭނުންނުވެ، މާޒިޔާ އަށް އިހުތިރާމް ނުކުރަނީތޯ އެހުމުން މޯހަން ބަގާންގެ އެސިސްޓަންޓް ކޯޗު ކްލިފޯޑް ބުނީ ގާތް ގާތުގައި ގިނަ މެޗުތަކެއް ކުޅެން ޖެހުމުން އެ ޓީމަށް އަނިޔާގެ މައްސަލަތައް ދިމާވީި ކަމަށެވެ. މީގެ އިތުރުން ބައެއް ކުޅުންތެރިން ހުންއައިސް އުޅޭތީ އެކަމުގެ ސަބަބުން ވެސް ޓީމާއިއެކު ދަތުރު ނުކުރާ ކަމަށެވެ.

މޯހަން ބަގާންގެ އެސިސްޓަންޓް ކޯޗު ކްލިފޯޑް މިރަންޑާ ނޫސްވެރިންގެ ބައްދަލުވުމެއްގެ ތެރެއިން.

މިރާންޑާ ބުނީ މާލެ އައީ އެ ޓީމްގެ 13 ކުޅުންތެރިން ކަމަށާއި، މިއީ ޒުވާން ކުޅުންތެރިންނަށް މި ލެވެލްގައި ކުޅެލަން ލިބޭނެ ރަނގަޅު ފުރުސަތެއް ކަމަށެވެ.

"13 ކުޅުންތެރިން މިތިބީ. ބައިވަރު އިންޖަރީތައް އެބަހުރި ޓީމްގައި. 12 ކުޅުންތެރިއަކު އުޅެނީ އަނިޔާގައި. ދެން އެބައުޅޭ އެހެންކަންކަން ވެސް. މާދަމާ (މިއަދު)ގެ މެޗުގައި ކުޅުންތެރިއަކަށް އަނިޔާވެއްޖެއްޔާ އުނދަގޫ ހާލަތަކަށްދާނެ މެޗުގައި" އިންޑިއާގެ ގައުމީ ޓީމަށް ވެސް ކުރިން ކުޅެފައިވާ މިރާންޑާ ބުންޏެވެ.

އޭނާ ބުނީ މޯހަން ބަގާން އިން މާޒިޔާ އަށް ފުރިހަމައަށް އިހުތިރާމް ކުރާ ކަމަށާއި، މި މެޗު ސީރިއަސްކޮށް ނަގާ ކަމަށެވެ. ޓީމުގައި ތިބި ކުޅުންތެރިންނަށް އިތުބާރު ކުރާކަމަށާއި، މި ވަގުތު އެކުލަބަށް މުހިންމީ އުނދަގޫ ދަނޑިވަޅުގައި ޒުވާން ކުޅުންތެރިން ބޭނުންކުރުން ކަމަށެވެ.

މިރާންޑާ ވަނީ މި ސަރަހައްދުގެ ޓީމްތައް ހިމެނޭ އޭއެފްސީ ކަޕްގެ ގްރޫޕް ވަރުގަދަކަން ފާހަގަކޮށްފަ އެވެ. ފުރަތަމަ ތިން މެޗުން ހަތް ޕޮއިންޓް ހޯދައިގެން އޭރު އެއް ވަނައިގައި އޮތް މޯގަން ބަގާން އަށް މައްސަލަ ކުރިމަތިވީ ޖެހިގެން އައި ދެ މެޗުގައި ބަލިވުމުންނެވެ.

މިރާންޑާ ބުނީ ރަނގަޅު ހިސާބެއްގައި އޮތުމަށްފަހު ފަހު ތިން މެޗުގެ ނަތީޖާ ގޯސްވެގެން ކަޓައިގެންދިޔުމަކީ ގަބޫލުކުރަންވެސް އުނދަގޫކަމެއް ކަމަށެވެ.

މޯހަން ބަގާން އާއި މާޒިޔާ ކުޅޭ މެޗު ފަށާނީ މިއަދު ތިނެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox