މޯހަން ބަގާން ވަރުގަދަ ވިޔަސް މާޒިޔާ އަށް ވެސް ފުރުސަތު އެބައޮތް: މިލޯ

Oct 1, 2023, 11:41 AM
މާޒިޔާގެ ކޯޗު މިލޯ: މޯހަން ބަގާން އަތުން ޓީމެއްގެ ގޮތުގައި މަސައްކަތްކޮށްގެން މާޒިޔާ އަށް މޮޅުވެވިދާނެ ކަމަށް ގަބޫލުކުރެވޭ.--- ފޮޓޯ: އަބްދުﷲ އިޔާން/ އަދަދު

މާޒިޔާގެ ކޯޗު މިލޯ: މޯހަން ބަގާން އަތުން ޓީމެއްގެ ގޮތުގައި މަސައްކަތްކޮށްގެން މާޒިޔާ އަށް މޮޅުވެވިދާނެ ކަމަށް ގަބޫލުކުރެވޭ.--- ފޮޓޯ: އަބްދުﷲ އިޔާން/ އަދަދު

އޭއެފްސީ ކަޕް ގްރޫޕް ޑީގައި މާދަމާރޭގެ މެޗަށް ނުކުންނައިރު، މޯހަން ބަގާން ސުޕަ ޖަޔަންޓަކީ ވަރުގަދަ ޓީމެއްކަން އެނގޭ ކަމަށާއި އެހެން ނަމަވެސް މެޗުގައި މާޒިޔާ ސްޕޯޓްސް އެންޑް ރެކްރިއޭޝަނަށް ވެސް މޮޅުވާން ފުރުސަތު އޮންނާނެ ކަމަށް އެ ޓީމުގެ ކޯޗު ކޯޗު ބޮސްނިއާގެ މިލޮމީރް ސެސްލިޖާ (މިލޯ) ބުނެފި އެވެ.

މި ފަހަރުގެ އޭއެފްސީ ކަޕްގައި މާޒިޔާ ކުޅުނު މެޗުން މާލޭގައި ބަންގްލަދޭޝްގެ ބަޝުންދަރާ ކިންގްސް އަތުން 3-1 އިން މޮޅުވިއިރު، މޯހަން ބަގާން އިން ވަނީ 4-0 އިން އޮޑިޝާ އެފްސީ ބަލިކޮށްފަ އެވެ.

މާޒިޔާ އިން މާދަމާރޭ ކަލްކަތާގައި މޯހަން ބަގާންއާ ދެކޮޅަށް ކުޅޭ މެޗުގެ ކުރިން މިއަދު އޮތް ނޫސްވެރިންގެ ބައްދަލުވުމުގައި މިލޯ ބުނީ މިއީ މާޒިޔާ އިން ވަރަށް ވަރުގަދަ ޓީމަކާ ދެކޮޅަށް ކުޅެން ޖެހޭ އުނދަގޫ މެޗެއް ކަމަށެވެ.

"(މޯހަން ބަގާން އަކީ) މޮޅު ޓީމެއް، އިންޑިވިޖުއަލީ ވެސް އެޓޭކިން އަށް ބަލާއިރު ވެސް އެ މީހުން ތަފާތުކަން އެބަ އެނގޭ. ގިނަ ފަހަރު އެ މީހުން ބޭނުންވާ ގޮތަށް މެޗު ދަނީ ވެސް،" އިންޑޮނީޝިއާ ލީގުގައި މަސައްކަތްކުރި މިލޯ ބުންޏެވެ.

"ހޯމް އެންޑް އަވޭ ކުޅޭއިރު މެޗުތަކުގައި ހުންނާނީ ތަފާތު ސްޓައިލްތަކެއް. ރާއްޖޭގައި ކުޅޭއިރު ނޫނީ ބަންގްލަދޭޝްގައި ކުޅޭއިރު ނޫނީ ކަލްކަތާގައި ކުޅޭއިރު، މި މޫސުމަށް ހޭނިގެން ކުޅެން ޖެހޭ ތަފާތުތަކެއް ވެސް ހުންނާނެ. ފުޓްބޯޅައިގައި އަހަރެންގެ ވިސްނުމަކީ ކޮންމެ ހާލަތެއްގައި ވެސް ކުޅެން ތައްޔާރަށް ތިބެންޖެހޭނީ. ފުޓްބޯޅައިގައި ކޮންމެ ޓީމަކަށް ވެސް މޮޅުވުމުގެ ފުރުސަތެއް އޮންނާނެ."

މާޒިޔާ އިން މިިދިޔަ އަހަރު އޭއެފްސީ ކަޕްގެ ގްރޫޕް ސްޓޭޖު މެޗުތައް ސެންޓްރަލައިޒްކޮށް ކުޅުނީ ކަލްކަތާގެ ސޯލްޓް ލޭކް ސްޓޭޑިއަމްގަ އެވެ. މިދިޔަ އަހަރުގެ މުބާރާތުގެ މެޗުން 5-2 އިން މޯހަން ބަގާން ވަނީ މާޒިޔާ ބަލިކޮށްފަ އެވެ. އެކަމަކު، އެ މެޗު ކުޅުނު މޯހަން ބަގާން ޓީމު މިހާރު އޮތީ ކޮންމެ ވެސް ވަރަކަށް ބަދަލުވެފަ އެވެ.

މިލޯ ބުނީ މޯހަން ބަގާން ޓީމުގައި މި ވަގުތު ތިބި ކުޅުންތެރިންނަކީ އިންޓަނޭޝަނަލް ލެވަލް ކުޅުންތެރިން ކަމަށާއި މާޒިޔާގައި ވެސް ރާއްޖޭގެ ގައުމީ ޓީމުގެ ގިނަ ކުޅުންތެރިން އެބަތިބި ކަމަށެެެވެ.

"އަހަންނަށް އެނގޭ އެ މީހުން (މޯހަން ބަގާން) މި ދަނޑުގައި ވަރަށް މޮޅަށް ކުޅޭކަން. ދެން އަހަރެން މި ޓީމާ (މާޒިޔާއާ) ހަވާލުވެފައި ދޮޅު މަހެއްހާ ދުވަހު މި ކުރި މަސައްކަތަށް ބަލާއިރު، މިއީ ގެއްލޭނެ އެއްޗަކަށް ވުރެ އެއްޗެއް ހޯދަން މަސައްކަތްކުރާނެ މެޗެއް. މޯހަން ބަގާން އަށް އިހުތިރާމް ކުރަން، އެކަމަކު ބިރެއް ނުގަނެ ކުޅޭނީ. ނަތީޖާ ކޮންމެ ގޮތަކަށް ނުކުތަސް އަހަރެމެން ކުޅެން ބޭނުމީ،" މިލޯ ބުންޏެވެ.

"ވުލްވްސް އަށް މެންޗެސްޓާ ސިޓީ ބަލިކުރެވެންޏާ މާޒިޔާ އަށް މޯހަން ބަގާން ވެސް ބަލިކުރެވިދާނެ. އަހަރެމެން ކުޅޭނީ އެންމެ ރަނގަޅަށް މަސައްކަތް ކޮށްގެން. މޯހަން ބަގާން ޓީމަށް ބަލާއިރު ބަލިފައިގެ ގޮތުގައި ފާހަގަކުރެވޭ ކަންކަމަށް ވުރެ އެ ޓީމުގެ ވަރުގަދަކަން ފެންނަން ހުރި ކަންކަން ގިނަ،"

މި ގްރޫޕްގައި ހިމެނޭ ޓީމުތަކުގެ ނަތީޖާތަކާ އެހެނިހެން ކަންކަމަށް ބަލާއިރު ގްރޫޕްގައި އެންމެ ވަރުގަދަ ޓީމަކީ މޯހަން ބަގާންއޭ ބުނެވިދާނެ ކަމަށް މިލޯ ވެސް އެއްބަސްވެ އެވެ. އެކަމަކު، މިލޯގެ މެސެޖަކީ، "އެކަންކަން އެ ހުރީ ކަރުދާހުގައި، އެކަމަކު، އަހަރެން ބުނާނީ ޕްރެޒެންޓޭޝަން އޮތީ ދަނޑުމަތީގައޭ. އަހަރެމެންނަށް ލެވަލް ސާބިތުކޮށްދެވޭނެ" ކަމަށެވެ.

މޯހަން ބަގާން ކަހަލަ ޓީމަކާ ދެކޮޅަށް ހަަމައެކަނި ޑިފެންސްކޮށްގެން ނަތީޖާއެއް ނުނެރެވޭނެ ކަމަށް ބުނެ، މިލޯ ބުނީ ޓެކްޓިކްސް ރޭވުމުގެ ވާހަކަ މެޗުގެ ކުރިން ނޫސްވެރިންގެ ބައްދަލުވުމުގައި ނުދެއްކޭނެ ކަމަށެވެ. އެކަމަކު، އޭނާ ގަބޫލުކުރާ ސްޓައިލުގެ ފުޓްބޯޅަ ކުޅޭ ގޮތް މިލޯ ކިޔައިދިނެވެ.

"އެޓޭކްކޮށްގެން ނަތީޖާ ނެރެވޭނީ، އަހަރެން ގަބޫލުކުރާ ފުޓްބޯޅައިގައި އެޓޭކްކޮށްގެން އެންމެ ރަނގަޅަށް ޑިފެންސް ކުރެވޭނީ. އަހަރެން ރާއްޖެ އައިއިރު ވިސްނައިގެން މަސައްކަތް ކުރަން ބޭނުންވި އެންމެ ބޮޑު ކަމަކީ ކުޅުންތެރިންނަށް އިތުބާރު ހޯދައިދީގެން މޮޅަށް ކުޅުވުން. އޭއެފްސީ ކަޕްގެ ހަ މެޗު ނިމުނީމަ އެނގޭނެ މި ކުރާ މަސައްކަތުގެ ނަތީޖާ،" މިލޯ ބުންޏެވެ.

މާޒިޔާ އާއި މޯހަން ބަގާން ކުޅޭ މެޗު ފަށާނީ މާދަމާރޭ 19:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox