މަޑަގަސްކަރާގައި މިހާރު ކުރިއަށްދާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގެ ޓޭބަލް ޓެނިސް ޓީމު އިވެންޓްގެ ސެމީ ފައިނަލުން ރާއްޖޭގެ ފިރިހެން ޓީމުން ހޯދިއިރު، އެންމެ ފަހުން މި ގޭމްސް އިން ރަން މެޑަލް ހޯދި ރާއްޖޭގެ ޓީޓީ އަންހެން ޓީމުން ފެށުން ވަރުގަދަކޮށްފި އެވެ.
ޓީޓީ ޓީމު އިވެންޓްގެ މެޗުތައް މިއަދު ފެށިއިރު، ފިރިހެން ޓީމު ފުރަތަމަ މެޗުން މަޑަގަސްކަރާ އަތުން 3-0 އިން ބަލިވި ނަމަވެސް ދެން ކުޅުނު ދެ މެޗުގައި ކޮމޮރޮސް އަތުން 3-1 އިން މޮޅވިއިރު، ފަހު މެޗުން ރާއްޖޭގެ ފިރިހެން ޓީމު ވަނީ 3-1 އިން މޮރިޝަސް އަތުން މޮޅުވެފަ އެެވެ.
ޓީޓީ ފިރިހެން ޓީމު ކުޅުނު ފުރަތަމަ މެޗުގައި މަޑަގަސްކަރަ އަތުން ބަލިވީ 3-0 އިންނެވެ. މި މެޗުގެ ފުރަތަމަ ގޭމްގައި ރާއްޖޭގެ މުހައްމަދު ޝައްފާން އިސްމާއިލް ވަބީ މަޑަގަސްކަރާގެ ރަންދްރިއަނާޓޯންޑްރޯ މަހެފް އަތުން 3-2 އިން ބަލިވެފަ އެވެ. ފުރަތަމަ ސެޓު ޝައްފާން ގެންދިޔައީ 11-5 އިންނެވެ. ދެ ވަނަ ސެޓު ރަންދްރިއަނާޓޯންޑްރޯ 11-7 އިން ގެންދިޔަ ނަމަވެސް، ޝައްފާން ތިން ވަނަ ސެޓު، 11-6 އިން ގެންދިޔަ އެވެ. ފަހު ދެ ސެޓު، ޝައްފާން އަތުން ގެއްލުނީ 11-7 އާއި 11-5 އިންނެވެ.
ތިން ވަނަ ގޭމްގައި މޫސާ މުންސިފު އަހުމަދު ނަޓިވެލް ޖޮނަތަން ކައިރިން ބަލިވީ 3-1 ގެ ނަތީޖާއަކުންނެވެ. މެޗުގެ ފުރަތަމަ ދެ ސެޓު ޖޮނަތަން ވަނީ 11-5 އާއި 12-10 އިން ގެންގޮސްފަ އެވެ. ތިން ވަނަ ސެޓު މުންސިފް 12-10 އިން ގެންގޮސް އުންމީދެއް ހޯދާފައިވަނިކޮށް، ފަހު ސެޓު ޖޮނަތަން ގެންދިޔައީ 11-5 އިންނެވެ. ތިން ވަނަ ގޭމްގައި މުހައްމަދު ޒީސްތު ނަސީމް 0-3 ގެ ނަތީޖާއަކުން ރަޒަފިންރަލަމްބޯ ޒޯ ނަދާރް ކައިރިން ބަލިވިއިރު، މި މެޗުގެ ސެޓުތައް ދިޔައީ 11-7، 11-7 އަދި 11-3 އިންނެވެ.
ފިރިހެން ޓީޓީ ޓީމުން ކުޅުނު ދެ ވަނަ މެޗުގައި ކޮމޮރޮސް ކައިރިން ފަސޭހަ ނަތީޖާއަކުން މޮޅުވިއިރު، މެޗުގެ ފުރަތަމަ މެޗުގައި ޝައްފާން ވަނީ 3-1 އިން ޗަން ޔޫކް ފޯ ބްރައިން އަތުން ބަލިވެފަ އެވެ. ޝައްފާން މެޗުގައި ގެންދިޔަ ސެޓު 11-8 އިން ގެންދިޔަ ނަމަވެސް ދެން ޖެހިގެން އައި ތިން ސެޓު ގެންދިޔައީ ޗަން އެވެ.
ދެ ވަނަ އަކަށް މުންސިފް ކުޅުނު މެޗު 3-1 ގެ ނަތީޖާއަކުން ކޮމޮރޯސްގެ ޔޮގަރަޖާ އަހިލެން ބަލިކުރި އިރު، މުންސިފް ސެޓުތައް ގެންދިޔައީ 11-4، 11-9 އަދި 14-12 އިންނެވެ. ޔޮގަރަޖާ ސެޓު ގެންދިޔައީ 11-9 ގެ ނަތީޖާއަކުންނެވެ. ތިން ވަނަ ގޭމްގައި އަހްޔަރް އަހުމަދު ހާލިދު ވަނީ 3-0 ސެޓުން އެސްކޭ ހޮސެން ޒަޔާން ގަޒާލީ ބަލިކޮށްފަ އެވެ. އަހްޔާރު މެޗުގެ ސެޓުތައް ގެންދިޔައީ 11-7، 11-8 އަދި 13-11 އިންނެވެ. މެޗުގެ ހަތަރު ވަނަ ގޭމަށް ނުކުމެ، ޝައްފާން ވަނީ ޔޮގޮރަޖާ ބަލިކޮށްފަ އެވެ. ޝައްފާން ސެޓުތައް ގެންދިޔައީ 11-3، 11-9 އަދި 12-10 އިންނެވެ.
ޓީޓީ އަންހެން އިވެންޓް ލީގު އުސޫލުން ކުރިއަށްދާއިރު، އަންހެން ޓީޓީ ޓީމު ވަނީ ދެ މެޗުން ވެސް މޮޅުވެފަ އެވެ. ފުރަތަަމަ މެޗުގައި ސީޝެލްސް އަތުން 3-0 އިން މޮޅުވިއިރު، ދެ ވަނަ މެޗުގައި ރީޔޫނިއަންގެ މައްޗަށް ކާމިޔާބުހޯދީ ވެސް އެ ވަރުގެ ފަސޭހަ ކުޅުމަކާ އެކު އެވެ.
ޝީޝެލްސްއާ ދެކޮޅަށް އަންހެން ޓީޓީ ޓީމު ކުޅުނު މެޗުގެ ފުރަތަމަ ގޭމްގައި ފާތިމަތު ދީމާ އަލީ ކުޅުނު މެޗުގައި ލައުރާ ސިނޮން ކައިރިން 3-0 ގެ ނަތީޖާއަކުން މޮޅުވިއެވެ. ދީމާ، މި މެޗުގެ ސެޓުތައް ގެންދިޔައީ 11-4، 11-4 އަދި 11-2 އިންނެވެ. އައިޝަތު ރަފާ ނާޒިމް ފުރަތަމަ ކުޅުނު މެޗުގައި 3-1 ގެ ނަތީޖާއަކުން އަނިއެސާ ބެންސްޓްރޯންގް ބަލިކުރިއިރު، އެ މެޗުގައި ރަފާ ސެޓުތައް ގެންދިޔައީ 11-8، 11-9 އަދި 11-7 އިންނެވެ. މި މެޗުގައި ބެންސްޓްރޯންގް ގެންދިޔަ ސެޓު ގެންދިޔައީ 11-5 އިންނެވެ. ގޭމްގެ ފަހު މެޗުގައި ލައިސާ ފަތުހުﷲ އިސްމާއިލް ވަނީ އަނިސާ ލެޕެރޭ ކައިރިން ސީދަ ތިން ސެޓުން މޮޅުވެފަ އެވެ. ލައިސާ ސެޓުތައް ގެންދިޔައީ 11-4، 11-4 އަދި 11-3 އިންނެވެ.
ރީޔޫނިއަންއާ ދެކޮޅަށް ކުޅުނު މެޗުގެ ފުރަތަަމަ ގޭމްގައި ދީމާ ކުޅުނު މެޗުގައި 3-0 އިން ރީޔޫނިއަންހެ މޮފްލެޓް މަރިއޮން ބަލިކުރީ 11-3، 11-7 އަދި 11-5 އިންނެވެ. އަދި ދެ ވަނަ މެޗުގައި ރަފާ ނުކުމެ، ރީޔޫނިއަންގެ މާލެޓް މަޖާ ބަލިކުރީ 11-9، 11-9 އަދި 11-7 ގެ ނަތީޖާއަކުން ސެޓުތައް ގެންގޮސްގެންނެވެ.
ލައިސާ ފަތުހުﷲ ރިޔޫނިއަންގެ އަލްމެރީ ސޮލެނޭ ކައިރިން 3-1 އިން މޮޅުވެ، ރާއްޖޭން ގޭމް ކާމިޔާބުކުރި އިރު، ލައިސާ މެޗުގައި ގެންދިޔަ ސެޓުތައް ގެންދިޔައީ 11-5، 11-5 އަދި 11-5 އިންނެވެ. އަލްމެރީ ގެންދިޔަ ސެޓު ގެންދިޔައީ 11-7 ގެ ނަތީޖާއަކުންނެވެ.
އެންމެ ފަހުން 2019 ވަނަ އަހަރު ބޭއްވި އައިއޯއައިޖީގައި އެންމެ ގިނަ މެޑަލް ހޯދި ޓީމު ކަމަށްވާ ޓީޓީ ޓީމުގެ އަންހެން ޓީމަށް މިހާރު އޮތް ނަތީޖާގައި ވެސް މެޑަލް ވަނީ ޔަގީންވެފަ އެވެ.
