މިއުނިކް (ޖުލައި 19) - ނަޕޯލީ އަށް މިިދޔަ ސީޒަންގައި ކުޅުނު ދެކުނު ކޮރެއާގެ ޑިފެންޑަރު ކިމް މިން ޖައޭ ބަޔާން މިއުނިކަށް ސޮއިކޮށްފި އެވެ.
މިދިޔަ ސީޒަންގައި ނަޕޯލީ އަށް ބަދަލުވި ކިމް، 26، ވަނީ މިދިިޔަ ސީޒަންގެ އިޓާލިއަން ލީގު އެ ޓީމަށް ކާމިޔާބުކޮށްދިނުމުގައި މުހިންމު ރޯލެއް އަދާކޮށްފަ އެވެ.
ނަޕޯލީ ދޫކޮށް ކިމް ބަޔާނަށް ބަދަލުވީ ފަސް އަހަރު ދުވަހުގެ އެއްބަސްވުމެއްގެ ދަށުންނެވެ. އެކަމަކު، ކިމްގެ ޓްރާންސްފާ ފީއެއް ދެ ކްލަބުން ވެސް ހާމައެއް ނުކުރެ އެވެ.
"މިއީ އަހަންނަށް އާ ފެށުމެއް،" ކިމް ބުންޏެވެ.
"އަހަރެންގެ އަމާޒަކީ ވީހާވެސް ގިނަ މެޗު ކުޅުނު،. އަދި މި ކްލަބާއެކު ވީހަ ވެސް ގިނަ ކާމިޔާބީތައް ހޯދުން."
ނަޕޯލީ އަށް ގުޅުމުގެ ކުރިން ކިމް ވަނީ ތުރުކީގެ ފެނަބާޗޭ އަށް ކުޅެފަ އެވެ. އަދި އޭގެ ކުރިން ޗައިނާ ލީގުގައި ވެސް ކުޅުނެވެ. ކިމް ގަތުމުގެ ރޭހުގައި އިނގިރޭސި ކްލަބް މެންޗެސްޓާ ޔުނައިޓެޑް ވެސް އޮތެވެ. އެކަމަކު، ޔުނައިޓެޑްގެ ބަދަލުގައި ކިމް އިހުތިޔާރުކުރީ ބަޔާން އަށް ބަދަލުވުމަށެވެ.
ދެކުނު ކޮރެއާގެ ގައުމީ ޓީމަށް ކިމް ވަނީ 49 މެޗު ކުޅެފަ އެވެ.
ބަޔާންގެ ޗީފް އޮޕަރޭޓިން އޮފިސަރު (ސީއީއޯ) ޔާން ކްރިސްޓިއަން ޑްރީސެން ބުނީ ކިމް އަކީ ބަޔާނަށް ވަރަށް ކަމުދާ ކުޅުންތެރިއެއް ކަމަށެެވެ.
