ރޮބޯމޭން ޝޯ ދޭން ބޯޑަރު ހުރަސްކޮށް ޗެކް ރިޕަބްލިކަށް!

Jun 4, 2022, 6:34 AM
ރޮބޯމޭން ޝޯ ދޭން ބޯޑަރު ހުރަސްކޮށް ޗެކް ރިޕަބްލިކަށް!

އަށެއްކަ އަހަރު ކުރިން އުފަންވި ދިވެހި 'ނަށާ ރޮބޮޓް' ނުވަތަ 'ރޮބޯ މޭން' އަކީ މިހާރު ކުޑަ ނަމެއް ނޫނެވެ. މުނާސަބު ދުވަސް ތަކާއި އުފާވެރި ހަފްލާތަކާއި ހާއްސަކޮށް ކުޑަކުދިންގެ ހަފްލާތަކާ ގުޅިގެން އަންނަ ދައުވަތުތަކުން އަވަދިނެތި އުޅޭ މި ރޮބޮޓް މިހާރު ތައްޔާރުވަމުން ދަނީ ޔޫރަޕްގެ ގައުމަކުން ޕްރައިވެޓް ހަފްލާއެއްގައި ޝޯ ދިނުމަށް ދައުވަތު ލިބިގެން ޗެކް ރިޕަބްލިކަށް ދިއުމަށެވެ. ދިވެހި ހުނަރެއް ޔޫރަޕްގެ ބަޔަކަށް ފާހަގަކުރެވިގެން ހާއްސަ ދައުވަތެއްގައި ގެންދިއުމަކީ ހާއްސަ ކަމެކެވެ. ރޮބޯ މޭންއަށް އޭނާގެ ޗެކް ދަތުރު އަދި މާ ހާއްސަ އެވެ.

"ރާއްޖެއަށް ޗުއްޓީ ހޭދަކުރަން އައި އާއިލާ އެއް، އެމީހުންގެ ދަރިފުޅަށް ޝޯ ދިނުމުގެ ފުރުސަތު ރާއްޖެއިން ލިބުނު. އެފަހުން ވަރަށް ކަމުގޮސްގެން މިހާރު އެމީހުން ބޭނުންވަނީ އެ ގައުމަށް ގޮސް އެމީހުންގެ ހަފްލާއެއްގައި ޝޯ ދޭން. މައި ހަފްލާގެ އިތުރުން ޗެކްގައި އިތުރު ހަރަކާތްތަކެއް ވެސް އޮތީ ރޭވިފަ، އެހެންވީމަ ވަރަށް ބޮޑު ދަތުރަކަށް ވާނެ ކަމަށް އުންމީދުކުރަނީ،" ރޮބޯމޭން ގެ ޓީމުން ބުނީ މިހެންނެވެ.

Advertisement

ރޮބޯމޭން ކުޑަކުދިންގެ ޝޯއެއްގެ ތެރެއިން --

ރޮބޯ މޭންގެ މި ހާއްސަ ދަތުރަކީ ޕްރައިވެޓް ހަފްލާއެއްގެ ދައުވަތަކަށް ވާތީ މާގިނަ ތަފްސީލެއް ނުލިބުނެވެ.

އެކަމަކު ކުރިއަށް އޮތީ ހިތާނީ މޫސުމާއެކު ބޮޑު އީދު ކަމަށް ވުމުން ދަތުރު ނިންމާފައި ރާއްޖެ އައުމަށްފަހު ވެސް ރޮބޯ މޭން އަށް އޮތީ 'ފުލް ޝެޑިއުލް' އެކެވެ.

"ވަރަށް ބިޒީކޮށް ކުރިއަށް ހުރި ދުވަސްތައް އޮތީ. ދަތުރު ނިންމާފައި ރާއްޖެއަށް އާދެވޭނީ ޖޫން މަހުގެ ފަހުކޮޅަށް. އެކަމަކު ބޫކިން އަންނަ ވަރަކުން ސޯޝަލް މީޑިއާ ޗެޓް މެދުވެރިކޮށް ޖަވާބު ދެމުން ދާނަން."

މާސްކެއްގެ ފުރަގަހުގައި ފޮރުވިފައި ހުންނަ ރޮބޯ މޭން އުފެދިގެން އައީ އާންމުންނާ ހަމައަށް މުޅިން އާ ހުނަރެއް ގެނެސްދިނުމުގެ ބޭނުމުގަ އެވެ. ރާއްޖެއަށް ބަލާއިރު އާންމުން އެހާ ގަޔާ ނުވާ ނެށުމުގެ ދާއިރާއިން ޝައުގުވެރި ތަފާތު ހުނަރެއް އާންމުންނަށް ދައްކާލުމުގެ މަގުސަދުގައި މާލޭގެ ފިހާރައެއްގެ ކަންމަތީގައި ހުއްޓި ހުރެ ރޮބޯމޭން ފެށި ހަރަކާތް ހިޓަކަށްވީ އެވެ. މި ހިޓެއްގައި އާންމުން ޖެހި މާލޭގެ ޓްރެފިކަށްވެސް އަސަރުކޮށްފައި އެބަހުއްޓެވެ.

ރޮބޯމޭން ރަށެއްގައި ހުސަހަޅައިދިން ޝޯ އެއްގެ ތެރެއިން.

މިދިޔަ އަށެއްކަ އަހަރުތެރޭ ރޮބޯމޭން އަށް އާދެވިފައި ހުރި ހިސާބަކީ އެންމެންނަށް އެނގޭ މަޝްހޫރު ނަމަކަށް އޭނާ ވެފައިވުމެވެ. ރޮބޯމޭން ބުނި ގޮތުގައި އޭނާ އެންމެ އުފާވަނީ އޭނާގެ ސްޓައިލް ޒުވާނުންގެ މެދުގައި މަޝްހޫރުވެ، އެ ގޮތަށް ނެށުމުގެ ޝައުގުވެރިކަން އިތުރުވަމުންދާތީ އެވެ.

"ރާއްޖޭގައި ދޭ ކޮންމެ ޝޯ އަކީ ވެސް ވަރަށް ހާއްސަ ޝޯތަކެއް. މި ދަތުރު ހާއްސަވާ ކަމަކީ ރޮބޯމޭން ކަހަލަ ދިވެހި ހުނަރެއް ބޭރު ގައުމެއްގައި ދައްކައިލުމުގެ ފުރުސަތު ލިބޭތީ. އެއީ ރޮބޯ މޭޏް އަށްވެސް ރާޢްޖެއަށް ވެސް ލިބޭ ރީތި ނަމެއް."

ރޮބޯ މޭޏްގެ ޓީމް ޗެކް ރިޕަބްލިކަށް މިއަދު ފުރާނެ އެވެ. ރާއްޖޭގެ ބޯޑަރު ހުރަސްކޮށް ބޭރު ގައުމެއްގައި ހުނަރު ދައްކާލުމުގެ ފުރުސަތަށް ރޮބޯމޭން ތައްޔާރެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox