ހުރިހާ ގޮތަކުން ވެސް ޕްރެޝަރު އޮތީ އޭޓީކޭ އަށް: އޮސްކާ

މިދިޔަ އަހަރު ސާފް ޗެމްޕިއަންޝިޕްގެ މެޗެއްގެ ތެރެއިން އޮސްކާ: ބަޝުންދަރާ އިން މިއަދު ހަވީރު ކުޅޭ މެޗުގައި ޕްރެޝަރު އޮތީ އޭޓީކޭ އަށް ކަމަށް އޮސްކާ ބުނޭ.- ފޮޓޯ: އަދަދު ފައިލް ފޮޓޯ

މިދިޔަ އަހަރު ސާފް ޗެމްޕިއަންޝިޕްގެ މެޗެއްގެ ތެރެއިން އޮސްކާ: ބަޝުންދަރާ އިން މިއަދު ހަވީރު ކުޅޭ މެޗުގައި ޕްރެޝަރު އޮތީ އޭޓީކޭ އަށް ކަމަށް އޮސްކާ ބުނޭ.- ފޮޓޯ: އަދަދު ފައިލް ފޮޓޯ

އޭއެފްސީ ކަޕްގެ ގްރޫޕް ސްޓޭޖުގައި މިއަދު ހަވީރު ކުޅޭ މެޗުގައި ހުރިހާ ގޮތަކުން ވެސް ޕްރެޝަރު އޮތީ އޭޓީކޭ މޯހަން ބަގާން އަށް ކަމަށް އެ ޓީމާ ދެކޮޅަށް ކުޅޭ ބަންގްލަދޭޝްގެ ޗެމްޕިއަން، ބަޝުންދަރާ ކިންގްސްގެ ކޯޗު އޮސްކާ ބްރުޒޮން ބުނެފި އެވެ.

އޭއެފްސީ ކަޕްގެ ދެކުނު އޭޝިއާގެ ޓީމުތައް ވާދަކުރާ ގްރޫޕް ޑީގެ މެޗުތައް މި ފަހަރު ސެންޓްރަލައިޒްކޮށް ކުޅެނީ އިންޑިއާގެ ކަލްކަތާގަ އެވެ. މިދިޔަ ބުދަ ދުވަހު ވަނީ ފުރަތަމަ ދެ މެޗު ކުޅެފަ އެވެ. ފުރަތަމަ މެޗުން އެ ދުވަހު ހަވީރު އޭޓީކޭ މޯހަން ބަގާން ވަނީ 4-2 އިން އިންޑިއާގެ އައި ލީގުގެ ޗެމްޕިއަން، ގޯކުލަމް ކެރަލާ އަތުން ބަލިވެފަ އެވެ. ދެ ވަނަ މެޗުގައި އެރޭ ބަޝުންދަރާ އިން ވަނީ 1-0 އިން ރާއްޖޭގެ ޗެމްޕިއަން މާޒިޔާ ސްޕޯޓްސް އެންޑް ރެކްރިއޭޝަން ބަލިކޮށްފަ އެވެ.

މިއަދު ހަވީރު އޭޓީކޭއާ ދެކޮޅަށް ކުޅޭ މެޗަށް ނުކުތުމުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި އޮސްކާ ބުނީ މި މެޗުން އޭނާގެ ޓީމަށް ޕޮއިންޓަކުން ވެސް ފުއްދާލެވިދާނެ ކަމަށާއި އެކަމަކު، އޭޓީކޭ އަށް މީގެ ޕްރެޝަރު ތަފާތު ގޮތްގޮތުން އެބައޮތް ކަމަށެވެ.

"އޭޓީކޭ އަށް މޮޅުވުން ނޫން ގޮތެއް ނެތް. ފުރަތަމަ މެޗުން ބަލިވެފައި އޮތީމަ ނަތީޖާ ނެރެން ޖެހޭ ޕްރެޝަރު އޭޓީކޭ އަށް އެބައޮތް. އަހަރެމެންނަށް ހަމަޖެހިލެވެން އެބައޮތް. އޭޓީކޭ އަށް ދެން އޮތް ޕްރެޝަރަކީ ކަލްކަތާގެ ފުޓްބޯޅަ ސަޕޯޓަރުން ވަރަށް ޑިމާންޑް ކުރާނެ އެ ޓީމު މޮޅުވާން. އެ ކަންކަން ނުވެދަންޏާ ސަޕޯޓަރުންގެ ޕްރެޝަރު ވެސް އަންނާނީ ޓީމަށް،" މީގެ ކުރިން އިންޑިއާގެ ގޯއާ އާއި މުމްބާއީ އަށް ކޯޗުކޮށްދިން އޮސްކާ ބުންޏެވެ.

މިދިޔަ އަހަރު މާލޭގައި ކުރިއަށްދިޔަ އޭއެފްސީ ކަޕްގެ ދެކުނު އޭޝިއާގެ ގްރޫޕް ސްޓޭޖު ކާމިޔާބުކުރީ އޭޓީކޭ އިންނެވެ.

އޮސްކާ ބުނީ މިދިޔަ ފަހަރު އޭއެފްސީ ކަޕްގައި ސްޕެއިންގެ ކޯޗު، އެންޓޯނިއޯ ހާބާސްގެ ކޯޗުކަމުގައި ވާދަކުރި އޭޓީކޭ ޓީމު ކުޅޭ ހާއްސަ ސިސްޓަމެއް އެބައޮތް ކަމަށާއި މިހާރު ހުއާން ފެރާންޑޯގެ ކޯޗުކަމުގައި އޭޓީކޭ އިން ކުޅެނީ އެކި މެޗުގައި އެކި ގޮތަށް ކަމަށެވެ.

މިއީ ބަޝުންދަރާ އިން އޭއެފްސީ ކަޕްގައި ކުޅޭ ތިން ވަނަ ފަަހަރު ކަމަށްވާއިރު، މިހާތަނަށް އެ ޓީމު އޭއެފްސީ ކަޕްގައި ކުޅުނު ފަސް މެޗުން ވެސް ބަލިވެފައިނުވެ އެވެ. އޮސްކާ ބުނީ މިއީ ހަގީގަތުގައި މެޗަކަށް ފަހު މެޗެއް ކުރިއަށްދާން ކޮންފިޑެންސް އިތުރުވާ ސަބަބެއް ކަމަށެެވެ.

"އޭޓީކޭއާ ދެކޮޅަށް ކުޅޭ މެޗުގެ ފުރަތަމަ 30 މިނިޓަށް ފަހު އެނގޭނެ އަހަރެމެންނަށް މެޗުން ހާސިލްކުރެވޭނެ ކަމެއް. އަހަރެމެން މެޗުގެ ޓެމްޕޯ އިން ބޭރުނުވެ ކުޅެގެން މިކަން ވާނެ،" އޮސްކާ ބުންޏެވެ.

އޮސްކާ ބުނީ ފުރަތަމަ މެޗުގައި މާޒިޔާއާ ދެކޮޅަށް ބަޝުންދަރާ އިން ދެއްކި ކުޅުމަށް ވުރެ، ރަނގަޅަށް އޭޓީކޭއާ ދެކޮޅަށް މަސައްކަތް ކުރަންޖެހޭނެ ކަމަށެވެ.

ޕްރެޝަރު އޮތަސް ޓީމާ މެދު ކުރެވޭ އިތުބާރު ބޮޑުވުމުން ފެރާންޑޯ އަށް އޮތީ އުންމީދު

ގޯކުލަމް ކެރަލާ އަތުން ބަލިވި މެޗުގައި އޭޓީކޭގެ ސްޕެއިން ޑިފެންޑަރު ޓިރީ އަށް ވަނީ އަނިޔާވެ މުބާރާތް ނިމިފަ އެވެ. ފުރަތަމަ މެޗުގައި ގޯކުލަމް އިން އޭޓީކޭ ކޮޅަށް ގިނަ ގޯލު ޖަހާފައި ހުރީ ޑިފެންސިވް މިސްޓޭކްތަކުންނެވެ. ފުރަތަމަ މެޗުގައި ބަލިވެފައިވާތީ އޭޓީކޭ އަށް ޕްރެޝަރު ބޮޑު ކަމަށް އެ ޓީމުގެ ކޯޗު ފެރާންޑޯ ވެސް އެއްބަސްވެ އެވެ.

"ޕްރެޝަރު އޮންނާނެ ފުޓްބޯޅައިގައި އަބަދުވެސް، ބަލިވުމުން އޮންނަ ޕްރެޝަރު ބޮޑުވާނެ. އެކަމަކު، މި ޓީމުގައި މިތިބި 26 ކުޅުންތެރިންނަށް އަހަރެންގެ އިތުބާރު އެބައޮތް. އެއް ކުޅުންތެރިއަކަށް ނުވެއްޖިއްޔާ، އަނެއް ކުޅުންތެރިއަކު އައިސް ޓީމު ބޭނުންވާ ކުޅުން ދައްކާނެ،" މިިދިޔަ ޑިސެމްބަރު މަހު އޭޓީކޭއާ ހަވާލުވި ފެރާންޑޯ ބުންޏެވެ.

އޭޓީކޭގެ ގިނަ ކުޅުންތެރިންތަކަކަށް އަނިޔާގެ މައްސަަލަ ދިމާވުމުގެ ފަހަތުގައިވާ ސަަބަބަކީ މިއީ އެ ޓީމަށް ޕްރީ ސީޒަން މުއްދަތަކަށް ވާތީތޯ އެހުމުން ފެރާންޑޯ ބުނީ ސީދާ ސަބަބެއް ބުނަން ނޭނގޭ ކަމަށެވެ.

އެކަމަކު، ކުުޅުންތެރިން މިދިޔަ ދޮޅު އަހަރެއްހާ ދުވަހު، އެކި ފަހަރު މަތިން، ކޮވިޑް-19 ގެ ސަބަބުން ބަބްލްއެއްގެ ތެރޭގައި ތިބެފައި، މިދިޔަ މާޗް މަހު ސުޕަ ލީގު ނިމުމުުން އަމިއްލަ އާއިލާއާ އެކު ވަގުތު ހޭދަކޮށް ބޭރުގެ މާހައުލުގައި އުޅެފައި އަނެއްކާ އެއް މަސް ފަހުން މި ގޮތަށް މުބާރާތެއް ފަށައިގެން އުޅެން ޖެހުމުން ފޯކަސް އެންމެ ރަނގަޅަށް ނުކުރެވުމުގެ މައްސަލަ އެބަހުރި ކަމަށް ފެރާންޑޯ ބުނެފައިވެ އެވެ.

"ސައިކޮލޮޖިކަލީ އަހަރެމެންނަށް އެބަހުރި މީގެ ގޯސްކޮށް ހުރި ކަންތައްތަކެއް. އެއީ ގެޕެއް އައިސްފައި އަނެއްކާ ރީފޯކަސް ކުރުން މިއީ ފަސޭހަ ކަމެއް ނޫން. މިދިޔަ މަހެއްހާ ދުވަސް ތެރޭ އަހަރެމެން ގަވާއިދުން މެޗުތަކެއް ކުޅެފައި ނުވާނެ. އެކަމަކު، ދެން އޮތް ތިން ޓީމު ވެސް އެ އައީ މެޗުތަކެއް ކުޅެފައި، އެހެންވީމަ އެ ތަފާތު ފެނުން އެކަށީގެންވޭ،" ފެރާންޑޯ ބުންޏެވެ.

ބަޝުންދަރާ އަތުން މޮޅުވެގެން ނޫން ގޮތަކަށް އޭޓީކޭ އަށް އަނެއް ބުރުގެ ފުރުސަތެއް ނުލިބޭނެ އެވެ. އެހެންކަމުން މިއަދު ހަވީރު އޮތީ އޭޓީކޭ އަށް ނަތީޖާ ނެރުން މަޖުބޫރު މެޗެކެވެ. ފެރާންޑޯ ބުނީ އޭޓީކޭ އަށް ކުރިމަތިވެފައި އޮތް ހާލަތާ މެދު އެއްވެސް ޝަކުވާއެއް ކުރުމުގެ ބޭނުމެއް ނެތް ކަމަށާއި އެންމެ މުހިންމު ކަމަކީ މެޗުން މޮޅުވާން ކުރެވޭނެ މަސައްކަތެއް ކުރުން ކަމަށެވެ.

ކަލްކަތާގެ މަޝްހޫރު ސޯލްޓް ލޭކް ސްޓޭޑިއަމްގައި މިއަދު ހަވީރު 16:00 ގައި ކުޅޭނީ ބަޝުންދަރާ ކިންގްސް އާއި އޭޓީކޭ މޯހަން ބަގާން އެވެ. އަދި މިރޭ 20:00 ގައި މާޒިޔާ އާއި ގޯކުލަމް ކެރަލާ ބައްދަލުކުރާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox