ލޭޒާ ކިއު؛ މާލޭގައި ގޭމިން ގެ ފޯރި ގަދަ މި ކުރަނީ ކޮން ބައެއް؟

ލޭޒާ ކިޔުގައި މީހަކު ގޭމް ކުޅެނީ

ލޭޒާ ކިޔުގައި މީހަކު ގޭމް ކުޅެނީ

ރައްޓެއްސަކު، "މާލޭގައި އަލަށް 'ބެޓްލް ގްރައުންޑް' ކޮންސެޕްޓުގެ ގޭމް ކުޅޭ ތަނެއް ހުޅުވައިގެން އެބަ އުޅެއޭ، ލިޔެލަންވީ ނޫންހޭ،" ބުނުމުން މާފަންނު އިއްޒުއްދީން މަގުގައި ހުރި "ލޭޒާ ކިއޫ" އަށް މީގެ ހަފްތާ އެއް ކުރިން އަހަރެން ވަދެލީމެވެ. ވައިގައި ހިފައިގެން މި އުޅެނީ ކިހާ ވަރެއްގެ ކަމެއްތޯ ބަލާހިތުން، ޕަބްޖީ އަށް ގޮސް ހަފުސް ވެފައިވާ އަހަރެންގެ ހިތަށް ކެތް ކުޅަދާނަވީ އެއް ނޫނެވެ. ދޮގެއް ބުނާ ކަށް ނޫނެވެ - އޮފީހުގެ ތިން ރައްޓެހިންނާ އެކު އެތަނަށް ގޮސް ކުޅުނު ފުރަތަމަ ދިހަ މިނިޓުގެ މެޗުގައި، ފޯރީގައި ލޭ ކައްކުވާލައި ހިތް ތަޅުވައިލި ވަރަށް މިއިން ޒަމާނެއް ގައި ވެސް އަހަރެންގެ ހިތެއް ނުތެޅެ އެވެ.

އަހަރެން މި ހުރީ މާލޭގައި އަލަށް ހުޅުވި "ރިއަލް ބެޓްލް ފީލްޑް" ކޮންސެޕްޓްގެ ހަމަ އެކަނި ގޭމް ހައުސް، "ލޭޒާ ކިއު" ގެ ތެރޭގަ އެވެ. މިއީ ކޮމްބެޓް/ބެޓްލް ގޭމް ކުޅޭ ހިތްވާ މީހަކަށް، އަސްލު ދިރިއުޅުމުގައި ހަމަ އެ ފީލް ގައި ގޭމް ކުޅެން ބޭނުން ނަމަ، މާލެއިން ވަދެވޭނެ އެންމެ ކޫލް ތަނެވެ.

މިތަނަށް ވަންނައިރު ރިސެޕްޝަންގައި ތިބޭ "ރައްޓެހި" ހޮސްޓުންގެ މަރުހަބާ އަށްފަހު އެންމެ ފުރަތަމަ ވެސް ސަމާލުކަން ހުއްޓޭނީ ލޮބީގެ ކަނާތު ކޯނަރުގައި ތަރުތީބުން ހަރުކޮށްފައިވާ ކޮމްބެޓް ހެލްމެޓް ތަކާއި ރައިފަލް ތަކަށެވެ. ދެން ހުރީ ސްކޯ އަރުވާ ސްކްރީނެވެ. އޭގައި އަދިވެސް އެންމެ ފަހު މެޗުގައި ކުޅުނު ހަތަރު މައިންގެ ސްކޯ އަރުވާފައި އެބަ ހުއްޓެވެ. އަހަރެމެން މިތަނަށް ވަތް އިރުވެސް އެ ހަތަރު މައިން މެޗުގެ ފޯރީގައި ސްކޯ އާ ހިފަނީ އެވެ - ނިކުމެގެން ދިޔައީ އަދި އަންނާނެ ކަމަށް ބުނެފަ އެވެ -

Advertisement

ގޭމް ގައި ކުޅުންތެރިން ގެންގުޅޭ ބަޑިތައް: ކޮންމެ ކުޅުންތެރިއެއްގެ އަތުގައި ބަޑި އެއް އޮންނާނެ

ދިހަ މިނިޓްގެ މެޗަކަށް ނަން ރަޖިސްޓްރީ ކުރުމަށްފަހު ހެލްމެޓް އަޅައި އަތަށް ރައިފަލް ހެޔޮވަރު ކޮށްލުމާ އެކު އެ ޖެހުނީ "ހަނގުރާމަ"އިގެ މައިދާނަށް އަހަރެމެން އަރަންވީ ވަގުތެވެ. ފުރަގަހުގައި ހުރި "ދަބަރު" ކުލައިގެ ދޮރުން އެތެރެއަށް ވަދެ އެ ދޮރު ލައްޕައިލުމާ އެކު އާދެވުނީ އެހެން ދުނިޔެ އަކަށެވެ.

މިތަން އަނދިރި އެވެ. އެކަމަކު އަނދިރީގައި ދިއްލޭ ކުލަތަކުން ކުރެހުން އަޅައި ސައިން ހަރުކޮށްފައިވާ އެ ބޮޑު ހޯލު ހީވަނީ ފިލްމެއްގެ ސެޓެއް ހެންނެވެ. ހިތްގައިމެވެ. ސަޅި އެވެ.

މެޗުގެ ވަގުތަކީ 10 މިނުޓެވެ. އަހަރެމެންގެ މިޝަން އަކީ އެ ދިހަ މިނިޓު ތެރޭގައި އޮޕޮނަންޓް ޓީމުގައި ތިބި ދެ ކުޅުންތެރިންގެ ގަޔަށް ވީހާވެސް ގިނައިން ބަޑި ޖަހައި މަރާލުމެވެ.

ގޭމް ފަށާ ވަގުތު ބުނެދިނީ ރައިފަލް ގެ މަތީގައި އިންނަ ކުޑަ ސްކްރީނަށް އަރަން ފެށި ކައުންޓްޑައުން އާ އެކު އަޅައިގެން ހުރި ހެލްމެޓްގެ ސްޕީކަރުން އިރުޝާދު ދިނުމުންނެވެ.

ލޭޒާ ކިއޫގެ ޕްލޭ އަރީނާ
ލޭޒާ ކިއޫގެ ޕްލޭ އަރީނާ

ލޭޒާ ކިއޫގެ ޕްލޭ އަރީނާ

ގޭމްގެ ރޫލް ބުނާ ގޮތުން، މެޗުގެ ވަގުތުގައި އަހަރެމެންނަށް ބަޑިން އަތް ދޫކޮށް ނުލެވޭނެ އެވެ. ބަޑީގެ ގަޔާވީ ކޮޅުގެ މަތީގައި އިން ކުޑަ ސްކްރީނުން ކިލް ރޭޝިއޯ އަބަދުވެސް އެނގެން ހުންނާނެ އެވެ. އަދި އޮޕޮނަންޓް ގެ ގަޔަށް ވަޒަން އަރައިފި ނަމަ އެކަން ވެސް ބުނެދޭނެ އެވެ. އޭގެ އަރިމަތީގައި އިންނަ ބަޓަން އަކަށް ފިއްތާލުމުން ވަގުތުން ސްނައިޕާ ރައިފަލް އަކަށް ބަދަލުވެ އެވެ. ޖެހިގެން އިންނަ ބަޓަން އިން ބަޑި ރީލޯޑް ކޮށްލެވެ އެވެ. ބޭނުމިއްޔާ ޓާގެޓް ކުރަން ފަސޭހަކުރުމަށް ލޭޒާ ވެސް އަޅުވައިލެވެ އެވެ.

މެޗު ފެށުނު އިރު އަހަރެންނަށް ހުރެވުނީ ތަނުގެ ފުރިހަމަކަމަށް ގެއްލި އާސޯހުވެފަ އެވެ. އިދިކޮޅު ޓީމުގެ ކުޅުންތެރިޔާ ޖެހި ވަޒަނުން އަހަރެން މަރުވިކަން އަންގައިދިނީ ބަޑީގެ ސްކްރީނުނަށް އެރި މެސެޖުންނެވެ. އެހެންވީމާ ކުރިއަށް އޮތް ފަސް ސިކުންތަށް އަހަރެން މަރުވީ އެވެ. ފަސް ސިކުންތު ހަމަވުމުން "ރީ-ސްޕޯން" ވާނެ އެވެ. އަހަރެންގެ ބަޑިން ވަޒަން ޖެހޭނީ ވެސް އެ ފަސް ސިކުންތު ހަމަވުމުންނެވެ.

އޭރު އަހަރެންނާއެކު ކުޅެން އެރި ދެވަނަ ކުޅުންތެރިޔާ ޓީމު މޮޅު ކުރުމުގެ މަސައްކަތް ދޫކޮށްލާފައި ސްޓޯރީއަށް "ސްނެޕް" ވީޑިއޯތައް ހަމަ ކުރަނީ އެވެ. އެކަމަކު މިތަނުން ހިތް ފުރޭ ވަރަށް ދުވަހަކު ވީޑިއޯ އެއް ނުނެގޭނެ އެވެ. އެހެންވީމަ، މި މެޗުން މޮޅުވާން ދެން ލައްކަ ހިތްވަރެއް ކުރަން ޖެހެ އެވެ. ހިތްވަރެއް ލާފައި "ސްނައިޕާ މޯޑް" އޮން ކޮށް ބާކީ އޮތް ވަގުތުކޮޅު ވީ ވަރެއް ކުރާނީ އެވެ.

ދިހަ މިނިޓް ހަމަވި އިރު އަހަރެމެން އެންމެން ތިބީ ކަކޫ ހުޅުން ވަރުދޫވެ ހަށިން ނޭވާ ހުސްވާ ވަރު ވެފަ އެވެ. އެންމެ ގިނަ މީހުން މަރާލީ އިދިކޮޅު ޓީމުން ނާޒިމެވެ. މޭން އޮފް ދަ މެޗަކީ ވެސް އެއީ އެވެ. އަހަރެމެންނަށް ވީ އެންމެ ބޮޑު ވަރަކީ 32 "ކިލް" އެވެ. އެއީ ވެސް އަހަރެން ކުރި ހިއްވަރެކެވެ.

ގޭމް އަރީނާއިން ނިކުމެގެން ގޮސް ވެފައި ތިބި ވަރުބައްޔަށް ރިސެޕްޝަންގައި ހުރި ފްރިޖުން ދަޅު ގަނެގެން އައިސް ވަރުބަލި ފިލުވާލަން ލޮބީގެ ބެންޗެއްގައި ޖައްސާލި އިރި އެކަކު ކިޔާތީ އިވެ އެވެ. މިއިން ޒަމާނަކު މިހާ ފޯރީގައި މަޖާކޮށް ނުލެވެ އެވެ. ދެން އަންނަންވާނީ އަށް ކުޅުންތެރިންގެ ޓީމެއް ހަމަކޮށްގެންނެވެ.

'ލޭޒާ ކިއޫ' އަށް ދާން ޕްލޭން ކުރާނަމަ އެނގެންވީ ކަންތައް

  • އެންމެ މަޖާ ވާނީ ވީހާ ވެސް ގްރޫޕް ބޮޑުވި ވަރަކަށް
  • އެންމެ ޕްލޭޔާ އަކާއި އޮޕޮނަންޓް އެއްގެ ކުޑަ ޓީމަކުން ފެށިގެން، ދެ ޕްލޭޔާ ދެ އޮޕޮނަންޓް، ތިން ޕްލޭޔާ ތިން އޮޕޮނަންޓް އަދި ހަތަރު ޕްލޭޔާ ހަތަރު އޮޕޮނަންޓް ގެ ޓީމް ވެސް ހެދޭނެ
  • މެޗެއްގެ ދިގުމިނަކީ 10 މިނިޓް. ބޭނުން ވަރަކަށް މެޗް ގަނެވޭނެ
  • އެއް ފަހަރާ ގަންނަ މެޗް ގިނަވި ވަރަކަށް މެޗަކަށް ބޮލަކަށް ޖެހޭ އަގު ކުޑަ ވާނެ
  • އުމުރުން ހަތަރު އަހަރާއި 60 އަހަރާ ދެމެދުގެ ކޮންމެ މީހަކަށް ކުޅެވޭނެ

އެހެންވީމަ، އާ އަހަރު މާލޭގައި ހުސް ވަގުތު މަޖާ ޕްލޭން އެއް ނެހެދިގެން އުޅޭކަށް ދެން ނުޖެހޭނެ ނޫން ހެއްޔެވެ؟

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox