ފާޑުކިޔާ މީހުންނަށް ސުމެއް, ދުނިޔެ ވެސް ސުނީ ބަލައިގެންފި!

ސުނީ: އޭނާގެ މަސައްކަތް ފާހަގަކޮށް އޭޝިއާ އެވޯޑްސް އިން ވަނީ 'އައުތްސްޓޭންޑިން ވުމަން އެވޯޑު' ދީފައި

ސުނީ: އޭނާގެ މަސައްކަތް ފާހަގަކޮށް އޭޝިއާ އެވޯޑްސް އިން ވަނީ 'އައުތްސްޓޭންޑިން ވުމަން އެވޯޑު' ދީފައި

ސުނީތާ އަލީގެ ވާހަކަ އަކަށް ވެގެން، މިކަމަށް ވެސް ފާޑެއް ކިޔައި ހޭން ބޭނުންވާ މީހަކު ހުރިނަމަ އަދިވެސް ހޭން ވީ އެވެ. އެކަމަކު ސާދާ މިޒާޖުގައި، ފަހަރަކު ހުނަރެއް، ފަހަރަކު މަސައްކަތެއް ކުރަމުން ހިއްވަރުކުރަމުން ގޮސް ސުނީ ރޭސް ނިންމައި މާ ކުރިއަށް ވެސް ދުއްވައިގެންފި އެވެ. އޭނާ މޮޅީ، ހުނަރުވެރީ، ހަމައެކަނި ނެށުމަކަށް ނޫނެވެ. ބުރަ މަސައްކަތް ކުރުމާއި ކެއްކުމާއި ވިޔަފާރި ހިންގުމުގައި ވެސް އެވަރެއް ހަމަ ނެތެވެ. އެކި ފަހަރު މަތިން ސުނީ އެކަން ސާބިތުކޮށްދީފި އެވެ. މިފަހަރު މުޅި ދުނިޔެ ވެސް އެކަން ބަލައިގެންފި އެވެ. ދިވެހިން ސުނީ އަށް މަލާމާތް ކޮށް ކޮށް ތިއްބާ ބޭރުގެ ބަޔަކު އައިސް ސުނީގެ ކަރުގައި މެޑެލް ވެސް އަޅުވައިދީފި އެވެ.

ސުނީ އަކީ މިހާރު، އޭޝިއާގެ 'އައުޓްސްޓޭންޑިން ވުމަން އެޗީވާ އެވޯޑު' ގެ ވިނާ އެވެ. އޭނާގެ 'ސުނީ ސްޕެޝަލް' ބްރޭންޑަކީ 'އައުޓްސްޓޭންޑިން ބްރޭންޑް' އެވެ.

އުފެއްދުންތެރިކަމުގައި އާދަޔާ ހިލާފު މިސާލު ދައްކާ މީހުންގެ މަސައްކަތާއި ހިއްވަރު، ދުނިޔޭގެ ފެންވަރުގައި ބަލައިގަނެ ސާބަސް ދިނުމަށް، 'ރުލާ އެވޯޑްސް' އިން ދޭ 'އޭޝިއާ އެވޯޑްސް' ގެ އެންމެ މޮޅު ދެ ޝަރަފު ސުނީ އަށް ލިބުނުކަން އިއްޔެ 'ރުލާ' އިން ހާމަކުރުމާ އެކު ސުނީ އަށް ކުރެވުނީ މަސްހުނި އިހުސާސްތަކެކެވެ.

Advertisement

ސައްބީސް އަހަރު، ދިވެހިން ހެއްވައި އުފާކޮށްދިނުމަށް ކޮށްދިން ހިދުމަތުގެ އަގު ވަޒަން ނުކުރި ތަނުގައި، ބޮޑު ބަލިމަޑުކަމެއްގެ ތެރޭގައި ބުރަ މަސައްކަތުން އަމިއްލަ ބްރޭންޑެއް އުފައްދައި، ވިޔަފާރިއެއް ކޮޅަށް ޖެހުމުން އެކަން ވެސް ބަލައި ނުގަނެ އެތައް ފަހަރަކު އުފަން ފަސްގަނޑުގައި 'ފޭލު' ވީ ގޮތް ސުނީ ކިޔައިދިނެވެ.

"ސުނީގެ ފޭނުންނަށްޓަކައި ވެސް މަސައްކަތް ކުރިން ގައުމީ އިނާމެއް ނުވަތަ ގައުމީ ފެންވަރުގައި ދޭ އިނާމެއް ލިބޭތޯ،" ސުނީ ބުންޏެވެ.

"އަސްލުގަ ސައްބީސް އަހަރުވީ އިރު، ރާއްޖޭން ފާހަގަ އެއް ނުކުރި ސުނީ. އެގާރަ ވަރަކަށް އަހަރު މިވަނީ ގައުމީ އިނާމަށް ސުނީ އެޕްލައި ކުރާތާ. ހަމަ މި ސީވީ ފޮނުވަނީ. މި އެވޯޑަށް ވެސް މި ފޮނުވީ ހަމަ އެއް ސީވީ އެއް،"

ސުނީ ބުނަނީ، ދުވަހަކު ހިއްވަރަށް ބަދަލެއް ނަޔަސް، އެކަމުގައި އޭނާގެ ހިތް ބަލިވެ ހިތްވަރު އެލުވައިލި ކަމަށެވެ. އެކަމަކު ދުނިޔެ ބަލައިގަންނަ ވަރުގެ ޝަރަފެއް ލިބުމުން ވަރަށް ބޮޑަށް އުފާވެފައި ހުރި ކަމަށް ވެސް ބުންޏެވެ.

އިންޓަވިއު ކުރި މީހުން ތިބީ ހައިރާންވެފައި! ބުނީ ސުނީ އަކީ އިންސްޕިރޭޝަން އެކޭ!

ސުނީ ސްޕެޝަލް ބްރޭންޑުގެ ކާށި ތެލާ އެކު 2018 ވަނަ އަހަރު ސުނީގެ ސަތޭކަ ޕަސެންޓު ދިވެހި ޕްރޮޑަކްޓް ލައިން އުފެދި، ވިޔަފާރި އިތުރަށް ފުޅާ ކޮށްލީ މިދިޔަ އަހަރުގެ ޕެންޑެމިކްގެ މެދަކާ ހިސާބުން ސުނީ އަމިއްލަ އަށް ހަދާ ލޮނުމިރުހާއި ކުޅިމަހުގެ ބްރޭކްފާސްޓް ޕެކޭޖާއި ތެލުލި ރިހާކުރު ތައާރަފުކޮށް ވިއްކަން ފަށައިގެންނެވެ. އެ ޕްރޮޑަކްޓް ލައިނަށް އެންމެ ފަހުން ވަނީ، ސުނީގެ އުފަން ރަށް އުކުޅަހުގައި ދިރިއުޅޭ އޭނާގެ މަންމަގެ ހާއްސަ ރެސިޕީ އަކަށް ހަދާ "މަދާސް ޗޮއިސް" ދިވެހި ހަވާދެވެ.

ވިޔަފާރި އަށް ތިން އަހަރު ވީ އިރު އަދިވެސް މި ހުރިހާ މަސައްކަތެއް ކުރަނީ ސުނީ އެވެ. މަންމަ ހަދާ ކާށި ތެލާއި ހަވާދު ފިޔަވައި ދެން ހުރި ދެ ބާވަތް ތައްޔާރުކުރަނީ ސުނީ އަމިއްލަ އަށެވެ. ލިބޭ އޯޑަރުތައް ޑެލިވަރީ ކުރަނީ ސުނީ އަމިއްލަ އަށެވެ. ތަކެތި ގަންނަނީ ސުނީ އެވެ. ހަވާދު ހަދަން ރަށަށް ފޮނުވާ ސާމާނު ގަނެފައި ބޯޓަށް ނުވަތަ ލޯންޗަށް އަރުވަނީ ވެސް ސުނީ އެވެ.

ސުނީ އޭނާ ހަދާ ތެލުލި ރިހާކުރު ފުޅިއެއްގެ އިށްތިހާރަށް ނަގާފައިވާ ފޮޓޯއެއް: ސުނީގެ ހުރިހާ އުފެއްދުމެއް ވެސް ހަދަނީ އޭނާ އަމިއްލަ އަށް
ސުނީ އޭނާ ހަދާ ތެލުލި ރިހާކުރު ފުޅިއެއްގެ އިށްތިހާރަށް ނަގާފައިވާ ފޮޓޯއެއް: ސުނީގެ ހުރިހާ އުފެއްދުމެއް ވެސް ހަދަނީ އޭނާ އަމިއްލަ އަށް

ސުނީ އޭނާ ހަދާ ތެލުލި ރިހާކުރު ފުޅިއެއްގެ އިށްތިހާރަށް ނަގާފައިވާ ފޮޓޯއެއް: ސުނީގެ ހުރިހާ އުފެއްދުމަކީ ވެސް އަމިއްލަ އަށް ކައްކާ އެއްޗެހި

"އެމީހުން [އިންޓަވިއު ކުރި މީހުން] އެންމެ އިންސްޕަޔާވީ އެކަމަށް. އެމީހުން ތަކުރާރުކޮށް އެހީ ކިހިނެއް ހެއްޔޭ ވަގުތު ހޯދަނީ އެ ހުރިހާ ކަމެއް ކުރަން،" ސުނީ ޖަހާލީ ހިނިގަނޑެކެވެ.

މި ހަގީގަތެއް އެނގޭ ވަރަށް އޮޅުން ނުފިލުވައި ފާޑު ކިޔާ މީހުންނަށް ފެކްޓެއް ބުނެދެން ހެއްޔެވެ؟

މުނިފޫހިފިލުވުމުގައި އުމުރުގެ ބޮޑުބައި ހޭދަކުރި ސުނީ، ކޮފީއެއް ސިނގިރޭޓެއް ނުބޮއެވެ. ފިޒީ ޑްރިންކެއް ވެސް މިހާރު ނުބޮއެވެ.

"އެހެންވީމަ ހޭންގްއައުޓް ކުރުމާއި ކޮފީތަކަށް ދިއުން ކަހަލަ ކަންކަމުގަ ސުނީ އެއްގޮތަކަށް ވެސް ނޫޅެން. ގޮތަކަށް ބުނާ ނަމަ ބޭކާރު ކަންކަމުގަ ނޫޅެން. އަބަދު ވެސް ކޮންމެވެސް މަސައްކަތެއްގަ އުޅެނީ،" ސުނީ ކިޔައިދިނެވެ.

ސުނީ ބުނީ، ކޮންމެ ދުވަހަކު ފަތިހާ ހޭލައިގެން މަސައްކަތް ކުރަންޖެހެނީ އޭނާގެ އުފެއްދުންތަސކުގެ ކޮލިޓީ ހިފެހެއްޓުމަށް ކަމަށެވެ. ކައްކާ ހުރިހާ ބާވަތެއް ތާޒާކޮށް، މީރުކޮށް ކަސްޓަމަރުންނަށް ފޯރުކޮށްދެވޭނީ ފަރުވާ ކުޑަނުކޮށް ކޮންމެ ދުވަހަކު އެ މަސައްކަތް ކޮށްގެން ކަމަށް ވެސް ބުންޏެވެ.

"ސުނީ ބްރެކްފާސްޓް ޕެކޭޖް ވެސް ހަދަނީ އެ ދުވަހެއްގެ އެއްޗެހި އެދުވަހު ވިކި ހުސްވާ ވަރަށް. ތެތުލި ރިހާކުރު ވެސް ސުނީ އަތުގައި ނުވިކި އެއް ސްޓޮކް ހުންނާނީ ގިނަވެގެން ދޭއް ނުވަތަ އެންމެ ގިނަވެގެން ތިން ދުވަހު. އެހެންވީމަ، އެކަނި އެ ކޮލިޓީއާއި ފްރެޝްނެސް އެގޮތުގައި ހިފަހައްޓާނީ ކިހިނެއް ބޭކާރު ކަންކަމަށް ވަގުތު ދީގެން؟" ސަމާސާ ރާގެއްގައި ހީލަމުން ސުނީގެ ރާގުގައި ފޭނުންނަށް އަނެއްކާވެސް ދިނީ ޔަގީން ކަމަކާއި އުންމީދެކެވެ.

"އިރާދަކުރެއްވިއްޔާ ހުވަފެނަކީ ސުނީގެ އަމިއްލަ އުފެއްދުން ވިއްކާ ކުޑަ ފިހާރައެއް ހުޅުވުން. އެންމެ ބޮޑު ޑްރީމް އަކީ ރެސްޓޯރަންޓެއް ހުޅުވުން. ދެން ވިޔަފާރި ކުރިއަސް، ސުނީ އަކީ އެންޓަޓެއިނާ އެއް. އެގޮތުގައި އަބަދުވެސް ފެންނާނެ. އިރާދަކުރެއްވިއްޔާ ގިވްއަޕް އެއް ނުކުރާނަން."

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox