މިއީ ކްރޮއޭޝިއާ އިން ޔޫރޯގައި ކުޅޭ ހަ ވަނަ ފަހަރެވެ. އަދި މި ފަހަރުގެ މުބާރާތަށް ކޮލިފައިވުމާ އެކު އެ ޓީމުން ވަނީ އެންމެ ފަހުން ކުޅުނު ފަސް ޔޫރޯ އަށް ވެސް ކޮލިފައިވެފަ އެވެ. އެ ޓީމުން މިހާތަނަށް ޔޫރޯގައި ނެރުނު އެންމެ ރަނގަޅު ނަތީޖާ އަކީ 1996 އާއި 2008 ވަނަ އަހަރުގެ މުބާރާތުގެ ކުއާޓާ އިން ފުރުސަތު ހޯދުމެވެ. އެންމެ ފަހުން 2016 ވަނަ އަހަރު ބޭއްވި ޔޫރޯގައި ކްރޮއޭޝިއާ ކެޓީ އެ މުބާރާތް ކާމިޔާބުކުރި ޕޯޗުގަލް އަތުން ދެ ވަނަ ބުރުގަ އެވެ.
ރަޝިއާގައި 2018 ވަނަ އަހަރު ބޭއްވި ފީފާ ވޯލްޑް ކަޕްގެ ފައިނަލުގައި ފްރާންސް އަތުން ބަލިވި ކްރޮއޭޝިއާ އިން މި ފަހަރުގެ ޔޫރޯ އަށް ކޮލިފައިވީ ގްރޫޕްގެ އެއް ވަނަ ޓީމުގެ ގޮތުގަ އެވެ. ކޮލިފައިންގައި ކުޅުނު އަށް މެޗުގެ ތެރެއިން ފަސް މެޗުން މޮޅުވިއިރު، ބަލިވީ އެއް މެޗުންނެވެ. އަނެއް ދެ މެޗު ނިމުނީ އެއްވަރުވެގެންނެވެ. އެ ޓީމު ބަލިވީ ރަށުންބޭރުގައި ހަންގޭރީއާ ދެކޮޅަށް ކުޅުނު މެޗުގަ އެވެ.
ކްރޮއޭޝިއާ ޓީމުގައި މި ވަގުތު އޮތް ސްކޮޑަކީ ވޯލްޑް ކަޕްގެ ފައިނަލުގައި ކުޅުނު ޓީމުގައި މުހިއްމު ދައުރެއް އަދާކުރި ކުޅުންތެރިންނެެވެ. އޭގެ ތެރެއިން ފާހަގަކޮށްލެވޭ ކުޅުންތެރިންނަކީ ކެޕްޓަން ލޫކަ މޮޑްރިޗާއި އިވާން ރަކިޓިޗް އަދި ފޯވާޑް އަންދްރޭ ކްރަމަރިޗް އެވެ. ކޮލިފައިން ބުރުގައި ކްރޮއޭޝިއާ އިން ވިދާލީ ކުރިން ލެސްޓާ ސިޓީ އަށް ކުޅުނު ކްރަމަރިޗް އެވެ. މިހާރު ޖަރުމަނު ލީގުަގައި ހޮފެންހައިމް އަށް ކުޅެމުން އަންނަ ކްރަމަރިޗް އަކީ ޑާވޯ ސުކާ އަށް ފަހު އައި އެންމެ ރަނގަޅު އެއް ފޯވާޑް ކަމަށް ކްރޮއޭޝިއާގެ ކުރީގެ ކެޕްޓަން ނިކޯ ކޮވަޗް ވަނީ ބުނެފަ އެވެ.
ކްރޮއޭޝިއާގެ ކޯޗު ޑާލިޗް
ކޯޗު: ޒްލަޓްކޯ ޑާލިޗް
ގައުމީ ޓީމަށް ކުޅުމުގެ ނަސީބު ލިބިފައިނުވި ނަމަވެސް ޑާލިޗް ވަނީ މިހާތަނަށް ކޯޗިން ކެރިއަރުގައި ގައުމީ ޓީމުން ލިބުނު ފުރުސަތުގައި ރަނގަޅު މަސައްކަތެއް ކުރަމުންނެވެ. އޭނާ ކްރޮއޭޝިއާގެ ކޯޗުކަމާ ހަވާލުވީ 2017 ވަނަ އަހަރު އެވެ. އެ ޓީމަށް 2018 ވަނަ އަހަރު ވޯލްޑް ކަޕް ފައިނަލުން ފުރުސަތު ލިބުނީ ޑާލިޗްގެ ރޭވުންތައް ރަނގަޅުވެ، މުހިއްމު މެޗުތަކުގައި އޭނާ ގެނައި އެކި ބަދަލުތައް ވެސް ރަނގަޅުވުމުންނެވެ.
ސްކޮޑު:
ކީޕަރުން: ޑޮމިނިކް ލިވަކޮވިޗް (ޑިނަމޯ ޒަގްރެބް)، ލޮވްރޭ ކަލިނިޗް (ހަޖުކް ސްޕްލިޓް)، ސިމޯން ސްލޫގާ (ލޫޓަން)
ޑިފެންޑަރުން: ސީމް ވިސާލްކޯ (އެތުލެޓިކޯ މެޑްރިޑް)، ބޯރްނާ ބަރިސިޗް (ރޭންޖާސް)، ޑޫޖް ކަލެޓާ-ކާ (މާސޭ)، ޑޭޔާން ލޮވްރެން (ޒެނިޓް)، ޔޯސިފް ޔުރަނޮވިޗް (ލެހިއާ ވޯސޯ)، ޑޮމަގޯއީ ވީޑާ (ބެސިކްޓާސް)، ޔޯސްކޯ ގްވާޑިއޯލް (ލެއިޕްޒިގު)، ޑޮމަގޯއި ބްރަޑާރިޗް (ލިލް)، މައިލް ސްކޯރިޗް (އޯސިޔެކް)
މިޑްފީލްޑަރުން: މަޓެއޯ ކޮވަސިޗް (ޗެލްސީ)، ލޫކަ މޮޑްރިޗް (ރެއާލް މެޑްރިޑް)، މާސެލޯ ބްރޮޒޮވިޗް (އިންޓަ މިލާން)، މިލާން ބަޑެލް (ޖެނޯއާ)، ނިކޯލާ ވްލަސިޗް (ސީއެސްކޭއޭ މޮސްކޯ)، މާރިއޯ ޕަސާލިޗް (އެޓަލަންޓާ)، އިވާން ޕެރިސިޗް (އިންޓަ މިލާން)، ޔޯސިޕް ބްރެކާލޯ (ވުލްފްސްބާގް)، މިސްލާޗް އޯރްސިޗް (ޑިނަމޯ ޒާގްރެބް)، ލޫކަ އިވަނުސެވިޗް (ޑިނަމޯ ޒާގްރެބް)
ފޯވާޑުން: އަންޓޭ ރެބިޗް (އޭސީ މިލާން)، ބްރޫނޯ ޕެޓްކޮވިޗް (ޑިނަމޯ ޒަގްރެބް)، އަންޓޭ ބުޑިމީއޭ (އޮސަސޫނާ)، އަންދްރޭ ކްރަމަރިޗް (ހޮފެންހައިމް)
