ޖީލެއްގެ ނިމުން: ކްރޮއޭޝިއާ އިން އާ ފޯމިއުލާއެއް ހޯދަންޖެހޭ

Jul 4, 2024, 5:45 AM
ޖީލެއްގެ ނިމުން: ކްރޮއޭޝިއާ އިން އާ ފޯމިއުލާއެއް ހޯދަންޖެހޭ

ކްރޮއޭޝިއާ ގައުމީ ފުޓްބޯޅަ ޓީމުގެ ކޯޗަކަށް ޒްލަޓްކޯ ޑާލިޗް، މިދިޔަ ހަތް އަހަރު މަސައްކަތްކުރިއިރު، އެ ޓީމުން ވަނީ ބޮޑެތި ކާމިޔާބީތަކަކާއި ކުރިއެރުންތަކެއް ހޯދައިފަ އެވެ. މި ފަހަރުގެ ޔޫރޯ ފުޓްބޯޅަ މުބާރާތުގެ ގްރޫޕް ސްޓޭޖުން ކްރޮއޭޝިއާ ކެޓިއިރު، އެ ގައުމުގެ ފުޓްބޯޅައިގެ ޖީލެއްގެ ނިމުން މިހާރު ގާތްވެފައިވާ ކަމަށާއި، "އާ ފޯމިއުލާ، އާ ވިސްނުންތަކެއް" ގެނެސްގެން ކުޅުންތެރިން ގައުމީ ޓީމަށް ނެރެންޖެހޭ ކަމަށް އެ ގައުމުގެ ފުޓްބޯޅަ ތަޖުރިބާކާރުން ގަބޫލުކުރެ އެވެ.

ކްރޮއޭޝިއާ ވަނީ 2018 ވަނަ އަހަރުގެ ފީފާ ވޯލްޑް ކަޕްގެ ފައިނަލުގައި ކުޅެ، އެންމެ ފަހުން ބޭއްވި ވޯލްޑް ކަޕްގެ ތިން ވަނަ ހޯދައި، ޔުއެފާ ނޭޝަންސް ލީގުގެ ފައިނަލަށް ދަތުރުކޮށްފަ އެވެ.

މި ކާމިޔާބީ ތަކުގައި، އިސް ރޯލެއް ކުޅެފައިވާ، ހަތް ކުޅުންތެރިއަކު މިހާރު ހުރީ ގައުމީ ޓީމުގެ ކެރިއަރުގެ ފަހު ފޭސްގަ އެވެ. އެ ކުޅުންތެރިންނަކީ، ޑޮމަގޯއި ވީޑާ (35 އަހަރު)، ލޫކަ މޮޑްރިޗް (38 އަހަރު)، މާސެލޯ ބްރޮޒޮވިޗް (31 އަހަރު)، މަޓެއޯ ކޮވަސިޗް (30 އަހަރު)، އިވާން ޕެރިސިޗް (35 އަހަރު)، އަންޑްރޭ ކްރަމަރިޗް (32 އަހަރު) އަދި އަންޓޭ ބުޑިމީރް (32 އަހަރު) އެވެ.

މި ފަހަރުގެ ޔޫރޯގައި ކްރޮއޭޝިއާ ކެޓީ މޮޅެއް ނުލިބި އެވެ. ދެ މެޗެއްގައި، ފަހު ވަގުތު ލީޑުގައި ވެސް އޮތެވެ. އެކަމަކު ދެ މެޗުން ވެސް ވީ އެއްވަރެވެ. އެއީ، އަލްބޭނިއާ އާއި އިޓަލީއާ ދެކޮޅަށް ކުޅުނު މެޗުތަކުގަ އެވެ. ސްޕެއިނާ ދެކޮޅަށް ކުޅެ 3-0 އިން ބަލިވި އެވެ.

ކްރޮއޭޝިއާގެ ކޯޗް، ޑާލިޗް އަށް މި ފަހަރުގެ ޔޫރޯގައި އޭނާގެ އެންމެ ރަނގަޅު ފުރަތަމަ އެގާރަ ނުނެގުނު ސަބަބަކީ، ކުރީގެ ކުޅުންތެރިންނަށް ބަރޯސާވެފައި އޮތްއޮތުން، ސިކުނޑިން ފޮހެލައި، އާ ވިސްނުންތަކެއް ނުގެނެވިގެން ކަމަށް ޔޫރަޕްގެ ފުޓްބޯޅަ ތަޖުރިބާކާރުން ވަނީ ބުނެފަ އެވެ.

މީގެ ކުރިން ވެސް ކްރޮއޭޝިއާ އަށް ވަނީ މި ފަދަ ކަމެއް ތަޖުރިބާކުރަން ޖެހިފަ އެވެ. ނުވަ ދިހައިގެ އަހަރުތައް ފެށިގެން ޑިވެލޮޕްވަމުން އައި ކްރޮއޭޝިއާގެ ގައުމީ ޓީމުގެ ރަނގަޅު ޖީލެއް ވަނީ، 1998 ވަަނަ އަހަރު ގިނަ ބަޔަކު ހައިރާންކޮށްލައި، އެ އަހަރުގެ ފީފާ ވޯލްޑް ކަޕްގެ ތިން ވަނަ ހޯދައިފަ އެެވެ. އެކަމަކު، 2000 ގެ ޔޫރޯ އަށް އެ ޓީމު ކޮލިފައިނުވެ، ދެން، 2002 ވަަނަ އަހަރުގެ ވޯލްޑް ކަޕްގެ ގްރޫޕް ސްޓޭޖުން ވެސް ކެޓީ އެވެ. މިއީ، ޑާވޯ ސުކާ އާއި ރޮބާޓް ޕްރޮސިނޭކީ ފަދަ ތަރިންގެ އޮއްސުން ގައުމީ ޓީމުގައި އައި ގޮތެވެ.

އޭގެ ފަހުން، ކްރޮއޭޝިއާ ޓީމެއް ބިލްޑް ކުރަން ފެށި މަސައްކަތުގައި ނަތީޖާގެ ކުލަވަރު ފެންނަން ފެށީ 2008 ވަނަ އަހަރު އެވެ. އެއީ މިހާރު ތިބި މޮޑްރިޗް އާއި ވީޑާ ފަދަ ކުޅުންތެރިން ގައުމީ ޓީމަށް އައި ހިސާބެވެ. މަޑުމަޑުން ކްރޮއޭޝިއާގެ ލެވަލް މައްޗަށް ގޮސް، އެ ޓީމުގެ އެންމެ ރަނގަޅު ކުޅުންތައް 2016 އިން ފެށިގެން މުބާރާތްތަކުގައި ފެންނަން ފެށި އެވެ. އަދި އެ ފޯމު އެންމެ ފަހުގެ ވޯލްޑް ކަޕްގައި ވެސް އެ ޓީމުން ފެނުނުއިރު، މި ފަހަރުގެ ޔޫރޯގައި ފެނިގެންދިޔަ މަންޒަރަކީ، ކްރޮއޭޝިއާ ފުޓްބޯޅަ މަޑުމަޑުން އާ މިސްރާބަކަށް ދާން ޖެހޭ ކަމުގެ ސަބަބެވެ.

އާ ކުޅުންތެރިންނަށް ގައުމީ ޓީމުން ފުރުސަތު ދީ، ގައުމީ ޓީމުގެ ތެރެއިން ކުޅުންތެރިންނަށް ތަޖުރިބާ ހޯދައިދީ، ޑިވެލޮޕްމަންޓްގެ ކަންކަން ކުރިއަށް ވުރެ ރަނގަޅު ކުރަން ޖެހޭ ސަބަބުތައް މިހާރު މާ ބޮޑަށް ވެސް އަވަސްކުރަން ޖެހޭ ކަމަށް ކްރޮއޭޝިއާގެ ފުޓްބޯޅަ ތަޖުރިބާކާރުން ބުނެ އެވެ.

އެހެންކަމުން، ކުރިއަށް އޮތް ވޯލްޑް ކަޕް ކޮލިފައިން އަކީ ކްރޮއޭޝިއާގެ ގައުމީ ޓީމު އަލުން ބިނާކުރުމުގެ ފެށުމަށްވާން ޖެހޭނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox