ނޭޝަންސް ލީގު: ސްޕެއިން ފަހު ވަގުތު މޮޅު، ކްރޮއޭޝިއާ އާއި ޑެންމާކް ކުއާޓާ އަށް

Nov 19, 2024, 4:27 AM
ސްޕެއިންގެ ޕެޑްރީ (ކ) އާއި ޕީނޯ ލަނޑު ޖެހުމަށް ފަހު އުފާފާޅުކުރަނީ.

ސްޕެއިންގެ ޕެޑްރީ (ކ) އާއި ޕީނޯ ލަނޑު ޖެހުމަށް ފަހު އުފާފާޅުކުރަނީ.

ސްޕްލިޓް، ކްރޮއޭޝިއާ (ނޮވެމްބަރު 19) - ޔުއެފާ ނޭޝަންސް ލީގުގައި ރޭ ސްޕެއިނުން ފަހު ވަގުުތު 3-2 އިން ސްވިޒަލެންޑް އަތުން މޮޅުވިއިރު، މުބާރާތުގެ ކުއާޓާ ފައިނަލުގެ ފަހު ޖާގަތައް ކްރޮއޭޝިއާ އާއި ޑެންމާކް އިން ހޯދައިފި އެވެ.

ނޭޝަންސް ލީގުގެ ލީގު އޭގެ ގްރޫޕް ސްޓޭޖު ފަހު މެޗުތައް ރޭ ކުޅުނުއިރު، ގްރޫޕް އެކެއްގައި، ޕޯޗުގަލް އާއި ކްރޮއޭޝިއާ ވަނީ 1-1 އިން އެއްވަރުވެފަ އެވެ. މި ގްރޫޕްގެ އަނެއް މެޗުން ސްކޮޓްލެންޑް ވަނީ 2-1 އިން ޕޮލެންޑް ބަލިކޮށްފަ އެވެ.

ކްރޮއޭޝިއާ ދަނޑުގައި ކުޅުުނު މެޗުގައި ޕޯޗުގަލްގެ ޖޮއާއޯ ފެލިކްސް އެ ޓީމަށް ފުރަތަމަ ހާފުގައި ލީޑުނަގައިދީފައިވަނިކޮށް، ދެ ވަނަ ހާފުގައި ޖޮސްކޯ ގްވާޑިއޯލް ވަނީ ކްރޮއޭޝިއާ އަށް އެއްވަރުކޮށްދީފަ އެވެ. މި ގްރޫޕްގެ އަނެއް މެޗުގައި ޕޮލެންޑް ދަނޑުގައި ޖޯން މެކްގިން ވަނީ ސްކޮޓްލެންޑަށް ލީޑުނަގައިދީފަ އެވެ. ކަމިލް ޕިއަޓޯސްކީ ޕޮލެންޑަށް އެއްވަރުކޮށްދިން ނަމަވެސް، އިތުރު ވަގުތުގައި އެންޑީ ރޮބަޓްސަން ވަނީ ޕެނަލްޓީއެއް ކާމިޔާބުކޮށް ސްކޮޓްލެންޑް މޮޅުކޮށްދީފަ އެެވެ.

މި ގްރޫޕްގެ އެއް ވަނަ ޕޯޗުގަލް އިން ހޯދީ ހަ މެޗުން 14 ޕޮއިންޓާ އެކު އެވެ. ކްރޮއޭޝިއާ ދެ ވަނަ އަށް ދިޔައީ ހަ މެޗުން އަށް ޕޮއިންޓާ އެކު އެވެ. އަދި ތިން ވަނައިގައި ނިންމި ސްކޮޓްލެންޑަށް ހަ މެޗުން ހަތް ޕޮއިންޓް ލިބުނުއިރު، މި ގްރޫޕްގެ ފުލަށް ދިޔަ ޕޮލެންޑަށް ހަ މެޗުން ހަތަރު ޕޮއިންޓް ލިބުނުއިރު، އެ ޓީމު ވަނީ ލީގު ބީ އަށް ރެލިގޭޓްވެފަ އެވެ.

ކްރޮއޭޝިއާގެ މޮޑްރިޗް އަތުން ބޯޅަ ހޯދަން ޕޯޗުގަލްގެ ފެލިކްސް މަސައްކަތްކުރަނީ.

ސްޕެއިނުން ރޭގެ މެޗުގައި ޔެރެމީ ޕީނޯގެ ގޯލުން ލީޑުނެގިއިރު، މިއީ ޕެޑްރީ ފޮނުވާލި ޕެނަލްޓީ ނާކާމިޔާބުވެ، ރީބައުންސަކުން ޕީނޯ ޖެހި ގޯލެކެވެ. ޖޯލް މޮންޓޭރޯ، ދެ ވަނަ ހާފުގައި ސްވިޒަލެންޑަށް އެއްވަރުކޮށްދިންއިރު، ބްރަޔާން ހިލް ވަނީ އަލުން ސްޕެއިނަށް ލީޑުނަގައިދީފަ އެވެ. ސްވިޒަލެންޑަށް ދެ ވަނަ ފަަހަރަށް އެއްވަރުކޮށްދިނީ ޕެނަލްޓީ އަކުން އެންޑީ ޒެކީރީ އެވެ. ސްޕެއިން މޮޅުވީ، އިތުރު ވަގުތުގައި ޕެނަލްޓީ އަކުން، ބްރަޔާން ޒަރަގޯޒާ ޖެހި ގޯލުންނެވެ.

މި ގްރޫޕްގައި ރޭ ސާބިއާ ދަނޑުގައި ޑެންމާކާ ކުޅުނު މެޗު ނިމުނީ 0-0 އިން އެއްވަރުވެގެންނެވެ.

ސްޕެއިނުން މި ގްރޫޕްގެ އެއް ވަނަ ހޯދީ ހަ މެޗުން 16 ޕޮއިންޓާ އެކު އެވެ. ދެ ވަނައިގައި ނިންމި ޑެންމާކަށް ހަ މެޗުން އަށް ޕޮއިންޓް ލިބުނުއިރު، ތިން ވަނަ ހޯދި ސާބިއާ އަށް ހަ މެޗުން ހަ ޕޮއިންޓް ލިބުނެވެ. ހަ މެޗުން ދެ ޕޮއިންޓް ލިބުނު، ސްވިޒަލެންޑް ގްރޫޕްގެ ފުލުން ނިންމާލިއިރު، އެ ޓީމު ވަނީ ލީގު ބީ އަށް ރެލިގޭޓްވެފަ އެވެ.

ނޭޝަންސް ލީގުގެ ކުއާޓާ ފައިނަލް އޮންނާނީ އަންނަ އަހަރުގެ މާޗް މަހުގެ ފީފާ ބްރޭކުގަ އެވެ. ކުއާޓާ ފައިނަލަށް ދިޔަ ޓީމުތަކަކީ، ޕޯޗުގަލް، ފްރާންސް، ޖަރުމަނު، ސްޕެއިން، އިޓަލީ، ނެދަލެންޑްސް، ޑެންމާކް އަދި ކްރޮއޭޝިއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox