ބެންގަލޫރުގެ ކުޅުންތެރިންނާއި އޮފިޝަލުންގެ ކޮވިޑް ޓެސްޓް ނެގެޓިވް

May 8, 2021, 12:14 PM
ސުޕަ ލީގުގެ މެޗެއްގެ ތެރެއިން ޗެތުރީ.-- ފޮޓޯ: ބެންގަލޫރު

ސުޕަ ލީގުގެ މެޗެއްގެ ތެރެއިން ޗެތުރީ.-- ފޮޓޯ: ބެންގަލޫރު

އޭއެފްސީ ކަޕްގެ ކޮލިފައިން ޕްލޭއޮފްގައި ކްލަބް އީގަލްސްއާ ދެކޮޅަށް ކުޅޭ މެޗަށް އިންޑިއާގެ ބެންގަލޫރު އެފްސީ ޓީމު އިއްޔެ މާލެ އައިސް ހޮޓަލަށް ވަނުމުގެ ކުރިން ކުރި ހުރިހާ ކޮވިޑް ޓެސްޓްތަކެއް ނެގެޓިވްވެފައިވާ ކަމަަށް އެފްއޭއެމުން ބުނެފި އެވެ.

ކޮވިޑް-19ގެ ހާލަތުގެ ތެރޭގައި އޭއެފްސީން މުބާރާތްތައް ކުރިއަށްގެންދާއިރު، އަމަލުކުރަން ކަނޑައަޅާފައިވާ ގައިޑްލައިންގައިވާ ގޮތުން އެ ޓީމެއް ހުންނަ ގައުމަކުން ފުރުމުގެ ކުރިން ކޮވިޑް-19 އަށް ޕީސީއާރް ޓެސްޓްތަކެއް ހަދަން ޖެހެ އެވެ. އަދި ސެންޓްރަލައިޒްކޮށް މެޗުތައް ކުޅޭ ގައުމަށް ގޮސްފައި ޓީމުގެ އެކޮމަޑޭޝަން ހަމަޖައްސާފައިވާ ހޮޓަލަށް ވަނުމުގެ ކުރިން ޓެސްޓްކުރާނެ އެވެ.

އެ ގޮތުން އިއްޔެ ބެންގަލޫރުގެ ކުޅުންތެރިން ހޮޓެލް ޖެން އަށް ޗެކިންވިއިރު ކުރި ޓެސްޓްގެ ނަތީޖާ ދައްކާގޮތުން ހުރިހާ ކުޅުންތެރިންނާއި އޮފިޝަލުން ވަނީ ނެގެޓިވްވެފަ އެވެ.

Advertisement

މިދިޔަ މަހުގެ ކުރީކޮޅުގައި ބެންގަލޫރުގެ ތަރި ސުނިލް ޗެތުރީ އާއި އެ ޓީމުގެ ބައެއް މެމްބަރުން ކޮވިޑަށް ޕޮޒިޓިވްވި އެވެ. އެކަމަކު މިދިޔަ މަސް ނިމުމުގެ ކުރިން އެ ހުރިހާ ފަރާތެއް ކޮވިޑުން ރަނގަޅުވެގެން އަލުން ޓީމުގެ ފަރިތަކުރުންތަކުގައި ބައިވެރިވާން ފެށި އެވެ. އޭގެ ފަހުން ފަރިތަކުރަމުން އަންނަތާ ދެ ހަފްތާއެއްހާ ދުވަސްވެއްޖެ އެވެ.

ބެންގަލޫރުން މިދިޔަ އަށް މަހެއްހާ ދުވަސް ހޭދަކުރީ ކޮވިޑް-19 އިން ރައްކާތެރިވުމަށްޓަކައި އަމިއްލަ ބަބްލްއެއްގެ ތެރޭގަ އެވެ. ރާއްޖެ އައުމާ ހަމައަށް ބެންގަލޫރު ޓީމުގެ ކުޅުންތެރިން ކޭމްޕްކޮށްގެން ތިބީ އިންޑިއާގެ ގޯއާގަ އެވެ. ގޯއާ އަކީ ދާދި ފަހުން ކާމިޔާބު ކަމާ އެކު އޭއެފްސީ ޗެމްޕިއަންސް ލީގުގެ މެޗުތައް ހޯސްޓްކުރި ސިޓީ އެވެ.

ދެން ބޭރު ގައުމުތަކުން ރާއްޖެ އަންނަން އޮތީ އިންޑިއާގެ އޭޓީކޭ މޯހަން ބަގާން އާއި ބަންގްލަދޭޝްގެ ބަޝުންދުރާ ކިންގްސް އެވެ. މޯހަން ބަގާން މި ވަގުތު ބަބްލްއެއްގެ ތެރޭގައި ޕްރެކްޓިސް ކުރަމުން އަންނައިރު، ކޮންމެ ދުވަހަކު ތިންއިރު ކަހަލަ ގޮތަކަށް ކުޅުންތެރިންގެ ހޫނުމިން ޓެސްޓް ކުރުމަށް ފަހު އަލާމާތެއް ފެންނަ ކުޅުންތެރިއަކު ހުރިނަމަ ކޮވިޑަށް ޓެސްޓް ކުރެ އެވެ. އަދި ބަޝުންދުރާ އިން މި ވަގުތު ބަންގްލަދޭޝް ލީގުގައި ހާއްސަ ބަބްލްއެއްގެ ތެރެއިން ވާދަކުރާތީ އެ ޓީމުން އެ ލީގުގެ މެޗުތަކަށް ތައްޔާރުވާއިރު، އަމަލުކުރަމުން އަންނަނީ އޭއެފްސީން އަންގާފައިވާ ގައިޑްލައިންތަކާ އެއްގޮތަށެވެ.

އޭއެފްސީ ކަޕްގައި ވާދަކުރާ ރާއްޖޭގެ މާޒިޔާ އާއި އީގަލްސް ވެސް ވަނީ އިއްޔެ ކޮވިޑަށް ޓެސްޓްކުރުމަށް ފަހު ކޭމްޕްކޮށްފަ އެވެ. އީގަލްސް ހޮޓެލް ޖެންގައި ކޭމްޕްކުރިިއިރު، މާޒިޔާ ކޭމްޕްކުރީ ދާދި ފަހުން ހުޅުމާލޭގައި އަކާސިއާގެ ނަމުގައި ރީބްރޭންޑް ކުރުމަށް ފަހު ހުޅުވި ހޮޓަލްގަ އެވެ.

ބޭރު ޓީމުތަކެކޭ އެއްގޮތަށް އީގަލްސް އާއި މާޒިޔާ ވެސް ދެން މުބާރާތުގެ މެޗުތައް ނިމުމާ ހަމައަށް ހޮޓަލުން ހަމައެކަނި ނުކުންނާނީ ޓްރެއިނިންނާއި މެޗުތަކަށް އެކަންޏެވެ.

އޭއެފްސީން ކޮވިޑް ތެރޭގައި މުބާރާތްތައް ކުރިއަށް ގެންދިއުމަށްޓަކައި އަމަލުކުރާ ޕްރޮޓޮކޯލަކީ ޔޫރަޕްގައި ވެސް އަމަލުކުރަމުން އަންނަ އުސޫލާ ދާދި އެއްގޮތަކަށް ތައްޔާރުކޮށްފައިވާ ގައިޑްލައިނެކެވެ. އެ ގޮތުން އޭއެފްސީ ކަޕްގެ ކޮންމެ މެޗެއްގެ ކުރިން ކޮވިޑަށް ޓެސްޓް ކުރާނެ އެވެ. ކޮންމެ ދުވަހަކު ހޮޓަލުން ނުކުންނައިރު، ހޫނު މިން ބަލާނެ އެވެ. މެޗު ކުޅެން ދަނޑަށްދާއިރު ހޫނުމިން ބަލާއިރު ކަމެއް ފާހަަގަކުރެއްވިއްޖެނަމަ ޓީމާ އެކު ކުޅުންތެރިޔާ އަށް ނުދެވޭނެ އެވެ. އަދި ބޭނުންވި ކޮންމެ ހިނދެއްގައި ރޭންޑަމް ސާމްޕަލް ނެގޭނެ އިންތިޒާމް ހަމަޖައްސަން ޓީމުތަކަށް ވަނީ އަންގައިފަ އެވެ.

މުބާރާތުގެ ކަންތައްތައް ސިއްހީ ގޮތުން ރައްކާތެރިކުރުމުގެ ގޮތުން އެފްއޭއެމްގެ މުވައްޒަފުންނާއި މީޑިއާ ވެސް ޕީސީއާރް ޓެސްޓް ހަދާނެ އެވެ. އަދި ކޮންމެ ދުވަހަކު ހޫނުމިން ޗެކްކުރާ ގޮތަށް ގައިޑްލައިންތަކުގައި ވަނީ ހިމަނައިފަ އެވެ. މިދިޔަ މަހު އޭއެފްސީ ކަޕްގެ ކޮލިފައިންގައި ރާއްޖޭގެ އީގަލްސް އާއި ބޫޓާންގެ ތިމްޕޫ ސިޓީ ކުޅުނު މެޗުގައި ވެސް އަަމަލުކުރީ އެ ގޮތަށެވެ.

ޕްލޭއޮފްގައި އީގަލްސް އާއި ބެންގަލޫރު ކުޅޭ މެޗު އޮންނާނީ އަންގާރަ ދުވަހުގެރޭ ނުވައެއް ޖަހާއިރު ގަލޮޅު ދަނޑުގަ އެވެ. ޕްލޭއޮފުން މޮޅުވާ ޓީމަކަށް ކޮލިފައިން ގްރޫޕްގެ ފަހު ފުރުސަތު ލިބޭނެ އެވެ. އެ ގްރޫޕްގައި މި ވަގުތު އޮތީ ރާއްޖޭގެ މާޒިޔާ އާއި މޯހަން ބަގާން އަދި ބަޝުންދުރާ ކިންގްސް އެވެ. އެ ގްރޫޕްގެ މެޗުތައް މާލޭގައި ކުޅެން ޝެޑިއުލްކޮށްފައި އޮތީ މި މަހު 14 އިން 20 އަށެވެ. ރާއްޖޭން އެ މެޗުތައް ހޯސްޓްކުރުމުގެ ފުރުުސަތު ހޯދީ އިންޑިއާއާ ވާދަކޮށް ބިޑް ކާމިޔާބު ކޮށްގެންނެވެ.

ކޮވިޑްގެ ކޭސްތައް ރާއްޖޭގައި ގިނަވެ ހާލަތު ގޯސްވާތީ އޭއެފްސީ ކަޕްގެ ޕްލޭއޮފް މެޗާއި ދެކުނު އޭޝިއާގެ ގްރޫޕްގެ މެޗުތައް ފަސްކުރަން އެފްއޭއެމުން އޭއެފްސީއާ އެކު މަޝްވަރާ ކުރި ނަމަވެސް އޭއެފްސީގެ ނިންމުމަކީ މިހާރު އޮތް ޝެޑިއުލާ އެއްގޮތަށް އޭއެފްސީ ކަޕްގެ މެޗުތައް ރާއްޖޭގައި ކުރިއަށް ގެންދިއުމަށެވެ.

އެފްއޭއެމާއި ސަރުކާރުން ރާއްޖޭގައި ކުޅޭ މެޗުތައް ފަސްކުރަން އެދުނު އެދުމާ އެއްގޮތަށް ކަންތައްތައް ކުރިއަށް ނުދިޔައީ ރާއްޖޭގައި ކުޅޭ މުބާރާތުގެ މެޗުތައް ފެށެން މިހާ ކައިރި ވެފައިވަނިކޮށް މުބާރާތް ފަސްކޮށްފިނަމަ އެތައް ގެއްލުންތަކެއް ޓީމުތަކަށް ކުރިމަތިވެދާނެތީ ކަމަށެވެ.

އެ ގޮތުން ރާއްޖެ އަންނަން ނިންމާފައިވާ ޓީމުތަކުން ދަތުރު ފަތުރުކުރުމުގެ ޓިކެޓްތައް ނަގައި ހޮޓަލަށް ފައިސާ ދައްކާފައި ހުރުމުގެ އިތުރުން އޭއެފްސީން މި މުބާރާތަށް އަންނަން ހަމަޖެހިފައިވާ އޮފިޝަލުންގެ ހުރިހާ ކަމެއް ހަމަޖެހިފައި ހުރުމުން މި ވަގުތު މުބާރާތް ކެންސަލްކުރުމަކީ ބޮޑު ގެއްލުންތަކެއްވާނެ ކަމެއް ކަމަށް އޭއެފްސީން ދެކެ އެވެ. އެހެންވެ ފަހު ވަގުތު ހުރިހާ ކަމެއް ބަދަލުކުރަން ޖެހިއްޖެނަމަ އޭގެ ގެއްލުން ބޮޑުވާނެތީ އޭއެފްސީން އެންގީ ޝެޑިއުލާ އެއްގޮތަށް ކުރިއަށް ދިއުމަށެވެ. އަދި އޭއެފްސީން މި ގޮތަށް އެދިފައިވަނިކޮށް ފަހު ވަގުތު ރާއްޖޭން މުބާރާތް ނިންމައިފިނަމަ މުސްތަގުބަލުގައި އޭއެފްސީގެ ފުރުސަތައް ރާއްޖެ އަށް ހަނިވުމުގެ ޖާގަ އެބައޮތެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox