އޮޑިޝާ ބަލިވެފައި އޮތަސް މާޒިޔާ އިން މެޗު ފަސޭހަނުކުރާނެ

Oct 23, 2023, 7:39 AM
މާޒިޔާގެ މެޗެއްގެ ތެރެއިން މިލޯ ޓީމަށް އިރުޝާދުދެނީ.--- ފޮޓޯ: އަބްދުﷲ އިޔާން/ އަދަދު

މާޒިޔާގެ މެޗެއްގެ ތެރެއިން މިލޯ ޓީމަށް އިރުޝާދުދެނީ.--- ފޮޓޯ: އަބްދުﷲ އިޔާން/ އަދަދު

އޭއެފްސީ ކަޕްގެ ގްރޫޕް ޑީގައި މާދަމާގެ މެޗަށް ނުކުންނައިރު، މުބާރާތުގައި އޮޑިޝާ އެފްސީ އިން ކުޅުނު ދެ މެޗުން ވެސް ބަލިވެފައި އޮތް ކަމަށް ވިޔަސް، މާޒިޔާ ސްޕޯޓްސް އެންޑް ރެކްރިއޭޝަނުން މި މެޗު ފަސޭހަ ނުކުރާނެ ކަމަށް އެ ޓީމުގެ ކޯޗު ބޮސްނިއާގެ މިލޮމީރް ސެސްލިޖާ (މިލޯ) ބުނެފި އެވެ.

ގްރޫޕް ޑީގެ މި ވަގުތުގެ ތާވަލަށް ބަލާއިރު، ކޮންމެ ޓީމެއް ދެ މެޗު ކުޅުނުއިރު، މޯހަން ބަގާން އެއް ވަނައިގައި އޮތީ ހަ ޕޮއިންޓް ހޯދައިގެންނެވެ. ދެ ވަނައިގައި އޮތް މާޒިޔާ އާއި ތިން ވަނައިގައި އޮތް ބަޝުންދަރާ ކިންގްސް އަށް ތިން ޕޮއިންޓް ލިބިފައިވާއިރު، އޮޑިޝާ އަށް އަދި ޕޮއިންޓެއް ނުލިބެ އެވެ.

މާދަމާގެ މެޗުގެ ކުރިން މިއަދު ބުބަނޭޝްވަރުގައި ބޭއްވި ނޫސްވެރިންގެ ބައްދަލުވުމުގައި މާޒިޔާގެ ކޯޗު މިލޯ ބުނީ ކޮންމެ މެޗަކީ ވެސް ޗެލެންޖެއް ކަމަށާއި އޮޑިޝާ އަކީ އިންޑިއާގެ ވަރުގަދަ ޓީމުތަކުގެ ތެރެއިން ޓީމެއް ކަމަށެވެ.

Advertisement

އޮޑިޝާގައި ރަނގަޅު ކުޅުންތެރިން އެބަތިބި ކަމަށާއި ދެ މެޗުން އެ ޓީމު ބަލިވެފައި އޮތުމަކީ ބަދުނަސީބު ހާލަތެއްގައި ހިނގާފައި ހުރި ކަންތައްތަކެއް ކަމަށް މިލޯ ވަނީ ބުނެފަ އެވެ.

"އެކަމަކު، ފުޓްބޯޅައިގައި ކޮންމެ ގޮތެއް ވެސް ވެދާނެ. އަހަރެެމެން ރަނގަޅު މެޗެއް ކުޅެންޖެހޭނެ، ފަސޭހައެއް ނުވާނެ،" މިލޯ ބުންޏެވެ.

މާޒިޔާ އިން އޭއެފްސީ ކަޕްގައި މި ފަހަރު ކުޅުނު ފުރަތަމަ މެޗުން މާލޭގައި ބަޝުންދަރާ އަތުން ވަނީ 3-1 އިން މޮޅުވެފަ އެވެ. ދެ ވަނަ މެޗުން ކަލްކަތާގައި މޯހަން ބަގާން އިން ވަނީ ފަހު ވަގުތު ގޯލު ޖަހައި، 2-1 އިން މާޒިޔާ ބަލިކޮށްފަ އެވެ.

"އަހަރެން ހިތްހަމަޖެހޭ އަހަރެމެން މޯހަން ބަގާން މެޗުގައި ދެއްކުނު ކުޅުމާ މެދު، އެކަމަކު، އޮޑިޝާ މެޗު މޯހަން ބަގާންއާ ތަފާތުވާނެ. ފަހަރެއްގައި އޮޑިޝާ ވެދާނެ މޯހަން ބަގާން އަށް ވުރެ ކޮލިޓީ ޓީމަކަށް ވެސް. އެ މީހުން (އޮޑިޝާ) ބަދުނަސީބުކޮށް ދިޔައީ، ފުރަތަމަ މެޗުގައި ވެސް ރަތް ކާޑަކާ އެކު ކުޅެން ޖެހުނީމަ، އަހަރެމެންނަށް ގެއްލޭނެ އެއްޗެއް މި މެޗުގައި ވެސް ނެތް. އަހަރެމެންނަށް ހޯދޭނެ އެއްޗެހި ބައިވަރެއް އެބަހުރި،" މިލޯ ބުންޏެވެ.

"އޮޑިޝާ ފަސޭހައެއް ނުވާނެ. އަހަންނަށް ބައެއް ކަންތައްތައް އެބަފެނޭ އޮޑިޝާގެ ފަރާތުން މޯހަން ބަގާން އަށް ވުރެ ކޮލިޓީކޮށް. ތަފާތު ސިސްޓަމްތަކެއް މި ހުންނަނީ،"

އިންޑިއާގެ ފުޓްބޯޅަ އޮތް ލެވަލަށް ބަލާއިރު، އެ ގައުމުގެ ކްލަބްތަކާ ރާއްޖޭގެ ކްލަބެއް، ކުޅޭއިރު ފަރަގުތަކެއް ހުންނާނެ ކަމަށް މިލޯ ވަނީ ބުނެފަ އެވެ. މާޒިޔާ ގޮވައިގެން އޭނާ އަށް ތައްޔާރުވާން ލިބުނު މުއްދަތުގައި ކުރެވުނު ކަންކަމަށް ބަލާއިރު، މެޗަކަށް ފަހު މެޗެއް ކުރިއެރުން ފެންނަކަން ފާހަގަކޮށް މިލޯ ބުނީ ގޮތް ނިންމަނީ ނަތީޖާ ނުކުންނަ ގޮތަކުން ކަމަށްވިޔަސް، އޭނާ އަށް ރަނގަޅު ކުޅުމެއް ފެނުން ވެސް މުހިންމު ކަމަށެވެ.

"މޯހަން ބަގާން އެ އޮތީ އެންމެ ރަނގަޅު ހިސާބުގައި އެ މީހުން ދެ މެޗުން މޮޅުވެފައި. އަހަރެމެންނާއި ބަޝުންދަރާ ދެން އޮޑިޝާ، އެއް ޓީމު އަނެއް ޓީމަކާ ވާދަކޮށް މި ޕޮއިންޓް ހޯދަން މި އޮތީ ކުރިއަށްދާން. އުންމީދަކީ މި މެޗުގެ ނަތީޖާ ރަނގަޅުވުން، މި ވަގުތަށް ބަލާއިރު ހުރިހާ ޓީމަކަށް ފުރުސަތު އެބައޮތް،" މިލޯ ބުންޏެވެ.

"ދެން، މީގެ ދެރަ ކަމަކީ އެއް ޓީމަށް އަނެއް ބުރަށް މި ދެވެނީ. މި ގްރޫޕު މި އޮތީ ވަރަށް ވަރުގަދަކޮށް. ހައްގުގެ ވާހަކަ ދައްކަންޏާ (މި ގްރޫޕުން) ދެ ޓީމަށް ވެސް ރަނގަޅު އަނެއް ބުރުން ފުރުސަތު ލިބެން،"

މާޒިޔާގައި ވެސް ކޮންމެ ވެސް ވަރަކަށް އަނިޔާގެ މައްސަލަތަކެއް އެބަހުރި ކަމަށް މިލޯ ވަނީ ބުނެފަ އެވެ. އެކަމަކު، މާޒިޔާ ޓީމުގައި ރާއްޖޭގެ ގައުމީ ފުޓްބޯޅަ ޓީމުގެ 15 ކުޅުންތެރިންނާއި ބިދޭސީ ރަނގަޅު ކުޅުންތެރިން ތިބުމާ އެކު، އަނިޔާ އަކީ މައްސަލައެއްގެ ގޮތުގައި ނުހަދައި، ކޮންމެ ކުޅުންތެރިއަކަށް ވެސް އިތުބާރު ކުރުމުގެ ވިސްނުން އިސްކުރާ ކަމަށް މިލޯ ބުނެފައިވެ އެވެ.

ބުބަނޭޝްވަރުގެ ކަލިންގާ ސްޓޭޑިއަމްގައި މާދަމާ ހަވީރު މާޒިޔާ އާއި އޮޑިޝާ ކުޅޭ މެޗު ފަށާނީ ރާއްޖެ ގަޑިން 17:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox