މެއި 14، 2022: މާލޭގައި ބެހެއްޓި ގައްދޫ ދާއިރާގެ ވޯޓު ފޮއްޓަށް ބޮނޑި ބޮނޑިއަށް ވޯޓު އަޅާފައިވާތީ އެތަނުގައި ހިނގި ހަމަނުޖެހުންތަކުގެ ތެރެއިން. އެ ވޯޓު ފޮށި ގުނީ 14 ވޯޓު ނުލައި --- ފޮޓޯޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އެތެރޭގެ އިންތިހާބުގައި ވޯޓު ގުނުމުގެ ކަންކަން ކުރިއަށް ގެންދަނީ. ޖުމްލަ 282 ވޯޓު ފޮށި ބެހެއްޓިއިރު ފައްޔާޒު ކުރި ހޯއްދެވީ 58 ޕަސެންޓު ވޯޓު ހޯއްދަވައިގެން ---ފޮޓޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އިންތިހާބުގައި ވޯޓުލުމަށް ގޮސް ތިބި ބަޔަކު ވާހަކަ ދައްކަނީ. ޖުމްލަ 94،211 މީހުންނަށް ވޯޓުލުމުގެ ހައްގު މި އޮތް އިންތިހާބުގައި މާލޭގައި 87 ވޯޓު ފޮށި ބެހެއްޓިއިރު, 194 ރަށެއްގައި ވޯޓު ފޮށި ބަހައްޓާފައިވޭ. --- ފޮޓޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އެތެރޭގެ އިންތިހާބުގައި ވޯޓުލުން ކުރިއަށްދަނީ. ކެމްޕެއިންގެ ފޯރި އިންތިހާއަށް ގަދަވެގެންދިޔަ, މި އިންތިހާބުގައި ފައްޔާޒު ނުކުންނެވީ ރައީސް އިބްރާހިމް މުހައްމަދު ސޯލިހުގެ ފަޅިން, އެމަނިކުފާނުގެ ތާއިދާއެކު --- ފޮޓޯ: މުހައްމަދު ޝާބިން/އަދަދު

މެއި 14، 2022: ޗެއާޕާސަންގެ އިންތިހާބުގައި ވާދަކުރެއްވި އިމްތިޔާޒު ފަހުމީ ވޯޓު ދެއްވަން ވަޑައިގަންނަވަނީ. އިންތިހާބުގައި ވޯޓުލި މީހުންގެ ތެރެއިން 42 ޕަސެންޓު މީހުން އޭނާއަށް ވޯޓުލި --- ފޮޓޯ: އަބްދުﷲ އިޔާން/އަދަދު

އެމްޑީޕީގެ އެތެރޭގެ އިންތިހާބުގައި ވޯޓުލަނީ. އެ ޕާޓީއަށް ނިސްބަތްވާ 49،000 އަށްވުރެ ގިނަ މެމްބަރުން މި އިންތިހާބުގައި ވޯޓުލި --- ފޮޓޯ: އަބްދުﷲ އިޔާން/އަދަދު

މެއި 14، 2022: ޗެއާޕާސަން ކަމަށް ވާދަކުރައްވާ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވޯޓުލައްވަނީ. އިމްތިޔާޒު ނުކުންނެވީ ޕާޓީގެ ރައީސް, ރައީސް މުހައްމަދު ނަޝީދުގެ ތާއިދާއެކު --- ފޮޓޯ: އަބްދުﷲ އިޔާން/އަދަދު

މެއި 14، 2022: އިންތިހާބުގައި ވޯޓުލުމަށް މަޖިލީހުގެ ނައިބު ރައީސް އީވާ އަބްދުﷲ އަދި ރައީސް ނަޝީދުގެ ކޮއްކޮ ޑރ. ނާޝިދު ޖަމާލުއްދީން ސްކޫލަށް ވަޑައިގަންނަވަނީ. އެ ދެ ބޭފުޅުން ވެސް ތާއީދު ކުރެއްވީ އިމްތިޔާޒު ފަހުމީއަށް --- ފޮޓޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އެތެރޭގެ އިންތިހާބުގެ ވޯޓުލުމުގެ ތެރެއިން. މި އިންތިހާބުގައި އެ ޕާޓީއަށް ނިސްބަތްވާ 49،000 މެމްބަރުން ވޯޓު ދިން. ޖުމްލަ 94،000 އަށްވުރެ ގިނަ މެމްބަރުންނަށް ވޯޓުލުމުގެ ހައްގު ލިބުނު --- ފޮޓޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އެތެރޭގެ އިންތިހާބުގައި ވޯޓުލުމަށް ބަހައްޓާފައި ހުރި ވޯޓު ފޮއްޓެއް. ޖުމްލަ 282 ވޯޓު ފޮށި ބެހެއްޓިއިރު 49،000 އަށްވުރެ ގިނަ މެމްބަރުން ވޯޓުލުމަށް ނުކުތް --- ފޮޓޯ: މުހައްމަދު ޝާބިން/އަދަދު

މެއި 14، 2022: ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވޯޓުލައްވަނީ. އެމަނިކުފާނު މި އިންތިހާބާ ދިމާކޮށް ފާޅުގައި އެއްވެސް ކެންޑިޑޭޓަކަށް ތާއީދު ނުކުރެއްވި ނަމަވެސް އެމަނިކުފާނުގެ އަރިސް ބޭފުޅުންނާއި އާއިލާ ބޭފުޅުން އިމްތިޔާޒުގެ ކެމްޕޭނުގައި ވަރަށް އިސްކޮށް ހަރަކާތްތެރިވި --- ފޮޓޯ: މުހައްމަދު ޝާބިން/އަދަދު

މެއި 14، 2022: މިއަދު ހެނދުނު އިކޮނޮމިކް މިނިސްޓަރު ފައްޔާޒު އިސްމާއީލް ވޯޓުލައްވަނީ. އިންތިހާބުގެ ވަގުތީ ނަތީޖާ ދައްކާ ގޮތުން، އިމްތިޔާޒުގެ މައްޗަށް ފައްޔާޒު ކުރި ހޯއްދެވީ 7،000 އަށް ވުރެ ގިނަ ވޯޓުން --- ފޮޓޯ: މުހައްމަދު ޝާބިން/އަދަދު

މެއި 14، 2022: އެމްޑީޕީގެ އިންތިހާބުގައި ވޯޓުލުމަށް މަޖިލިސް ރައީސް ނަޝީދު އަދި ނައިބު ރައީސް އީވާ އަބްދުﷲ ޖަމާލުއްދީން ސްކޫލުގައި --- ފޮޓޯ: މުހައްމަދު ޝާބިން/އަދަދު

މެއި 14، 2022: ރައީސް ސޯލިހު މިއަދު ހެނދުނު ވޯޓުލައްވަނީ. ރައީސް ވިދާޅުވީ އިންތިހާބެއްގައި ފެންނާނެ ހުރިހާ ކަމެއް މި އިންތިހާބުގައި ފެނިގެން ހިނގައްޖެ ކަމަށާއި އެހެން ނަމަވެސް, ޕާޓީގެ ތެރޭގައި ހަމަޖެހުން އޮންނާނެ ކަމަށް --- ފޮޓޯ: މުހައްމަދު ޝާބިން/އަދަދު

މެއި 14، 2022: ވޯޓުލާން ގޮސް ހުރި މީހަކާ ރައީސް ސޯލިހު ސަލާން ކުރައްވަނީ. ރައީސް ވިދާޅުވީ "އެމްޑީޕީގެ ކޮންމެ އިންތިހާބަކީ ވެސް މުހިއްމު އިންތިހާބެއް" ކަމަށް. ވޯޓުލެއްވުމަށް ފަހު ދަރުމަވަންތަ ސްކޫލްގެ ބޭރުގައި އެމަނިކުފާނު އިރުކޮޅަކު މަޑުކޮށްލެއްވި --- ފޮޓޯ: މުހައްމަދު ޝާބިން/އަދަދު