ސައިބާ ކްރައިމް އާއި ކަމާގުޅޭ އެ ނޫން ވެސް ކުށްތަކާއި އިލެކްޓްރޯނިކް ހެކި އެކުލެވިގެންވާ ކުށްތައް ހުއްޓުވުމަށް ފިޔަވަޅު އެޅުމަށް ޓަކައި ޒާތީ މައުލޫމާތު އިންޓަސެޕްޓްކޮށް މީހުންނަށް ފާރަލެވޭ ގޮތަށް ގާނޫނުތަކަށް ގެނައި އިސްލާހުތައް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއްޔެ ތަސްދީގު ކުރެއްވި އެވެ.

ރައީސް ތަސްދީގު ކުރެއްވީ ޖިނާއީ އިޖުރާއަތުގެ ގާނޫނަށް އިސްލާހު ގެނައުމުގެ ބިލާއި, ގާނޫނުލްއުގޫބާތަށް އިސްލާހު ގެނައުމުގެ ބިލާއި ޖިނާއި މައްސަލަތަކުގައި ގާނޫނީ އެހީތެރިކަން ބަދަލުކުރުމުގެ ގާނޫނަށް އިސްލާހު ގެނައުމުގެ ބިލެވެ.

އެ ބިލުތައް ތަސްދީގު ކުރުމާއެކު، ސައިބާ ކްރައިމަކީ ކުށެއްގެ ގޮތުގައި ކަނޑައަޅައި އެ ކުށުގެ ބާވަތްތައް ބަޔާންކޮށް އެފަދަ ކުށްތައް ހުއްޓުވުމަށް ގިނަ ކަންކަން ކުރުމުގެ ބާރު ތަހުގީގީ އިދާރާތަކަށް މިއަދުން ފެށިގެން ލިބިގެންދާނެ އެވެ. މައިގަނޑުގެ ގޮތެއްގައި ކުށް ހުއްޓުވުމަށް މީހުންގެ ޒާތީ މައުލޫމާތަށް އެކްސެސްވެވޭނެ މަގުފަހިވެގެންދާނެ އެވެ.

މުހިއްމު ބައެއް ހަބަރު