މަޝްރޫއުތައް ހުއްޓި، ސިޔާސީ މީހުންނާއި ކުންފުނިތަކުގެ ބައެއް މުވައްޒަފުންގެ މުސާރައިން 10 ޕަސެންޓު އުނިކުރަން ޖެހޭ ހާލަތަށް މާލީ ހާލަތު ގޯސްވެފައި އޮތަސް، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲގެ އުފަން ރަށް، ލ. ފޮނަދޫގައި ވެމްކޯއިން އިއްޔެ އާއިލީ ހަވީރެއް ބާއްވައިފި އެވެ.

އަބްދުއްރަހީމް ޝަރަފުވެރިކޮށް ދެއްވި އެ އާއިލީ ހަވީރު ބޭއްވުމަށް ވެމްކޯގެ ވެރިން ވެސް މާލެއިން ފޮނަދުއަށް ވަޑައިގަތެވެ. އެކަންކަމަށް ބޮޑު ހަރަދެއް ދާނެ ކަމަށް ބެލެވެ އެވެ.

ފޮނަދޫ ސްކޫލު ސަރަހައްދުގައި "ފައްޓަމާ" ނަމުގައި ވެމްކޯއިން ކުރިއަށް ގެންދާ އާއިލީ ހަވީރަކީ އެ ރަށުގައި އެ ކުންފުނީގެ ހިދުމަތްތައް ފެށުމަށް ބާއްވާ ހަރަކާތެއް ކަމަށް މައުލޫމާތު ލިބިފައިވެ އެވެ.

މި ހަވީރުގައި ވެމްކޯގެ އިތުރުން ފުލުހުންނާއި، ފެނަކަ، އަދި އެމްޓީސީސީގެ އިތުރުން ފުނަދޫ އަދި ލ. އަތޮޅުގެ ސަރުކާރު އޮފީސްތަކާއި އިދާރާތައް ބައިވެރިވާ ކަމަށް ވެމްކޯގެ ސޯޝަލް މީޑިއާގައި ބުނެފައިވެ އެވެ.

މުހިއްމު ބައެއް ހަބަރު