ބާސެލޯނާ (އޮކްޓޫބަރު 25) - ފުޓްބޯޅަ ކެރިއަރުގައި އެންމެ ބޭނުންވާ އެއް ކަމަކީ، ބާސެލޯނާގެ ލެޖެންޑެއްގެ ގޮތުގައި އެ ކްލަބްގެ ތާރީހުން ޖާގަ ހޯދައި ކުޅުންތެރިއަކަށް ވެގެން ކަމަށް ޒުވާން ތަރި، ލަމީން ޔަމާލް ބުނެފި އެވެ.

މީގެ ދެ އަހަރު ކުރިން، ޔަމާލް، 17 އަށް އޭރު ބާސެލޯނާގެ ކޯޗު ޒަވީ ހެނާންޑޭޒް ވަނީ، ސީނިއާ ޓީމާ އެކު ޕްރެކްޓިސްކުރަން ފުރުސަތު ދީފަ އެެވެ. މިދިޔަ އަހަރުގެ އޭޕްރީލް މަހު ފުރަތަަމަ ފަހަރަށް ބާސެލޯނާގެ މެޗެއްގައި ކުޅުނު ޔަމާލް ހަލުވި ދުވެއްޔެއްގައި ކުރިއެރުން ހޯދައި، ބާސެލޯނާ އާއި ސްޕެއިން ގައުމީ ޓީމުގެ މުހިންމު ކުޅުންތެރިއަކަށް ވަނީ ވެފަ އެވެ.

"މިހާރު އަހަރެންގެ ފައިގައި ބޯޅަ ޖެހުމާ އެކު މީހުން އަހަންނަށް ހިތްވަރު ދީ ސަޕޯޓް ދީ ހަދާ، ވަރަށް ބޮޑު މޯޓިވޭޝަނެއް އެއީ،" ލަލީގާވޯލްޑް އަށް ދިން އިންޓަވިއުގައި ޔަމާލް ބުންޏެވެ. "ކުރިން އެ އިތުބާރު އެ ޔަގީންކަން އަހަންނަށް ދެނީ އަހަރެންގެ މަންމަ، އެކަމަކު، މިހާރު ކޮންމެ މީީހަކަށް އަހަންނާ މެދު އިތުބާރު އޮވޭ. މިއީ އާދަޔާހިލާފު އިހުސާސެއް،"

ޔަމާލް ބުނީ އޭނާގެ ކެރިއަރު މިހާ ރަނގަޅަށް މި ދަނީ ބާސެލޯނާގެ ސަބަބުން ކަމަށެވެ. އަދި އެ ކްލަބްގެ ތާރީހުން ޖާގަ ހޯދަން ކުރެވުނު ހުރިހާ މަސައްކަތެއް ކުރަން ތައްޔާރު ކަމަށެވެ.

"މީހުން އަހަރެން ހަނދާން ކުރަން އެދެނީ ބާސެލޯނާގެ ލެޖެންޑެއްގެ ގޮތުގައި، އަހަރެންގެ ދިރިއުޅުމުގައި ފުޓްބޯޅަ އެންމެ މުހިންމީ، ދެން ބާސެލޯނާ، މި ކްލަބްގައި މުޅި ހަޔާތް ހޭދަކުރަން ބޭނުން،" ބާސެލޯނާގެ ގިނަ ރެކޯޑްތަކެއް ހަދަމުން އަންނަ ޔަމާލް ބުންޏެވެ.

ސްޕެއިނުން މި އަަހަރުގެ ޔޫރޯގެ ޗެމްޕިއަންކަން ހޯދިއިރު، އެންމެ މޮޅު ޒުވާން ކުޅުންތެރިއަކީ ޔަމާލް އެވެ.