ސީރިއާއަށް ޓެރަރިސްޓުން ފޮނުވުމުގައި ބައިވެރިވިކަމުގެ ތުހުމަތުގައި ޓިއުނީޝިއާގެ ކުރީގެ ބޮޑު ވަޒީރު އަލީ ލަރާޔެދް ހައްޔަަރުކޮށްފި އެވެ.

އެމަނިކުފާނު ހައްޔަަރު ކުރީ ޓެރަރިޒަމާ ދެކޮޅަަށް މަސައްކަތް ކުރާ ފުލުހުންނެވެ. ލަރާޔެދްއަކީ އިދިކޮޅު އެނަހްދާ ޕާޓީގެ އިސް ލީޑަރެކެވެ.

ލަރާޔެދްގެ ވަކީލް ވިދާޅުވީ ގިނަ ގަޑިއިރުތަކެއް ވަންދެން އެމަނިކުފާނާ ސުވާލުކޮށްފައިވާ ކަމަށެވެ. އެނަހްދާ ޕާޓީއިން ބުނީ ގިނަ ވަގުތުތަކެއް ވަންދެން އެގޮތަށް ސުވާލުކުރުމަކީ އިންސާނީ ހައްގުތަކާ ހިލާފު އަމަަލެއް ކަމަށެވެ.

އެ ޕާޓީގެ ލީޑަރު ރަޝީދް ގަނޫޗީއާ ވެސް އަންގާރަ ދުވަަހުގެ ވަގުތެއްގައި ސުވާާލު ކުރާނެ ކަމަށް ބެލެވެ އެވެ. ޕާޓީގެ ވެރިންނާ ދެކޮޅަށް ކުރާ ތުހުމަތުތައް ޕާޓީއިން ދޮގުކުރެ އެވެ.

ރައީސް ކަައިސް ސައީދް މިދިޔަ އަހަރު ވަނީ އެނަހްދާާއިން ކޮންޓްރޯލް ކުރި ޕާލިމެންޓް އުވާލައްވައި، ޖުޑިޝަރީގެ މައްޗަށް އަތްގަދަ ކުރަން ފަައްޓަވާފައި ކަމަށް އެނެލިސްޓުން ބުނެ އެވެ.