މެޑްރިޑް (ނޮވެމްބަރު 22) - ބަދަލު ކުޅުންތެރިއެއްގެ ގޮތުގައި އަރައި ކާލޯސް އެސްޕީ ޖެހި ގޯލުން، ސްޕެނިޝް ލީގުައި ރޭ ރެއާލް މެޑްރިޑުން ފަހަަތުން އަރައި 2-1 އިން ސެލްޓަ ވީގޯ އަތުން މޮޅުވެއްޖެ އެވެ.
ރެއާލް ދަނޑުގައި ކުޅުނު މި މެޗުގެ ހަ ވަނަ މިނިޓްގައި ސެލްޓާ އިން ވަނީ ލީޑުނަގައިފަ އެވެ. މި ލަނޑު ޖެހީ ވިލިއަޓް ސްވެޑްބާގުގެ ހުރަހަކަށް އަރައި ޕަަބްލޯ ޑުރާން އެވެ.
ފުރަތަމަ ހާފު ނިމުމުގެ ކުރިން ނަތީޖާ ހަމަހަމަ ކުރަން ރެއާލަށް ރަނުގެ ފުރުސަތެއް ލިބި ބޭނުމެއް ނުކުރެވުނެވެ. އެ ގޮތުން، މެޗުގެ 39 ވަނަ މިނިޓްގައި ރެއާލަށް ލިބުނު ޕެނަލްޓީ އަކުން ކީލިއަން އެމްބާޕޭ ފޮނުވާލި ބޯޅަ ކާމިޔާބެއްނުވެ، ފުރަތަމަ ހާފު ނިމުނީ ސެލްޓާ ކުރީގައި އޮވެގެންނެވެ.
ރެއާލުން ދެ ވަނަ ހާފުގައި ކުޅެން އަރައި ލަނޑެއް ޖެހޭތޯ ކުރަމުންދިޔަ މަސައްކަތް ކާމިޔާބުވީ 66 ވަނަ މިނިޓްގަ އެވެ. އެ ގޮތުން، އެ ޓީމުގެ ލަނޑު ޖެހީ އެމްބާޕޭ ތަނަވަސްކޮށްދިން ފުރުސަތަކުން ޖޫޑް ބެލިންހަމް އެެވެ. ބެލިންހަމް ޖެހި މި ލަނޑުން މެޗު އެއްވަރުވެގެން ނިމެނޭ ކަމަށް ބެލެވުނެވެ.
އެކަމަކު، މެޗުގެ 79 ވަނަ މިނިޓްގަައި ބަދަލަކަށް އެރި އެސްޕީ ވަނީ އެކަން ބަދަލުކޮށްފަ އެވެ. މެޗުގެ 85 ވަނަ މިނިޓްގައި އެސްޕީ އަށް ލިބުނު ފުރުސަތުގައި އޭނާ ވަނީ ގޯލު ޖަހައިފަ އެވެ. އުމުރުން 21 އަހަރުގެ އެސްޕީ ވަނީ މި ސީޒަނުގައި ބަދަލަކަށް އަރައި ފަހު ވަގުތު ގޯލު ޖަހައި ރެއާލަށް މުހިންމު ނަތީޖާތަކެއް ނެރެދެމުންނެވެ. އެ ގޮތުން، މީގެ ކުރިން އެލްޗޭ އާއި އެސްޕަންޔޯލާ ދެކޮޅަށް ކުޅުނު މެޗުތަކުގައި ވެސް އެސްޕީ ވަނީ މުހިންްމު ލަނޑުތަކެއް ޖަހައިފަ އެވެ.
މި ނަތީޖާއާ އެކު، ރެއާލުން ވަނީ އެއް ވަނައިގައި އޮތް ބާސެލޯނާއާ ޕޮއިންޓުގެ ގޮތުން އެއްވަރުކޮށްފަ އެވެ. ބާސެލޯނާ އަށް 12 މެޗުން 33 ޕޮއިންޓް ލިބިފައިވާއިރު، ރެއާލުން 33 ޕޮއިންޓް ހަަމަަކުރީ 13 މެޗުންނެވެ. ބާސެލޯނާ އިން ލީގުގައި މިރޭ ވިޔަރެއާލް އަތުން މޮޅުވެގެން، ތިން ޕޮއިންޓުގެ ލީޑު ދެމެހެއްޓޭނެ އެވެ.







