މުއްތަލިބު ދެއްވި އެންމެ ލަސް ތާރީހު ފަހަނައަޅައި ދިޔައިރުވެސް އައްޑޫ ލިންކް ރޯޑުގެ އަމަލީ މަސައްކަތް ނުފެށުނު

ހައުސިން މިނިސްޓަރު ޑރ. އަބްދުﷲ މުއްތަލިބު: އޭނާ ދެއްވި ތާރީހަށް ލިންކް ރޯޑުގެ މަސައްކަތް ފެށިފައެއް ނުވޭ -- ފޮޓޯ: ހައުސިން މިނިސްޓްރީ

ހައުސިން މިނިސްޓަރު ޑރ. އަބްދުﷲ މުއްތަލިބު: އޭނާ ދެއްވި ތާރީހަށް ލިންކް ރޯޑުގެ މަސައްކަތް ފެށިފައެއް ނުވޭ -- ފޮޓޯ: ހައުސިން މިނިސްޓްރީ

ހައުސިން މިނިސްޓަރު ޑރ. އަބްދުﷲ މުއްތަލިބު ދެއްވި އެންމެ ލަސް ތާރީހު ފަހަނައަޅައި ދިޔައިރުވެސް އައްޑޫ ލިންކް ރޯޑުގެ އަމަލީ މަސައްކަތް ނުފެށުނެވެ. 

މިދިޔަ ސެޕްޓެމްބަރު މަހު މުއްތަލިބު ވިދާޅުވީ އަމާޒަކީ އައްޑޫ މަގުތައް ހެދުމުގެ މަސައްކަތް އޮކްޓޯބަރު ނިމުމުގެ ކުރިން ފެށުން ކަމަށާއި އެންމެ ބޮޑު އިސްކަން ދޭނީ ލިންކްރޯޑުން ހަލާކުވެފައި އޮތްބައި ނިންމުމަށް ކަމަށެވެ.

"އިރާދަކުރެއްވިއްޔާމުން އަންނަ މަސް ނިމުމުގެ ކުރިން އަމަލީ މަސައްކަތް ފެށޭތޯ، އެހެންވީމަ އަޅުގަނޑުމެން ބަލާނީ ލިންކްރޯޑުގެ މަސައްކަތް ކުރުމަށް. މާނައަކީ މިހާރު އޮތްތަން، ހަލާކުވެފައި އޮތްބައި ހަތަރު ލޭނަށް ބަދަލުކޮށްފައި އެތާގައި ތާރު އަޅާފައި ދެން ހުރި ބައިގައިވެސް ތާރު އަޅާފައި ރަނގަޅަށް ހަދާނަން. އޭގެ ފަހުގައި ސައިޑްވޯކްގެ މަސައްކަތް ދާނީ. އެހެންވީމަ އެންމެ މުހިންމު ކަމަކަށްދޭނީ ލިންކް ރޯޑު ހެދުން،" މުއްތަލިބު މިދިޔަ މަހު ވިދާޅުވި އެވެ.

އައްޑޫ ލިންކްރޯޑާއި އެހެނިހެން މަގުތައް ހެދުމުގެ މަޝްރޫއު މިދިޔަ އަހަރު ފެށޭނެ ކަމަށް ފެބްރުއަރީ 5، 2025، ގެ ރިޔާސީ ބަޔާނުގައި މުއއިްޒު ވިދާޅުވި ފަހުން އެ މަޝްރޫއު އާރްޑީސީއާ އެޕްރިލް 8، 2025، ގައި ހަވާލުކުރި އެވެ. ނަމަވެސް އަހަރު ނިމިގެންދިޔައިރުވެސް މަޝްރޫއު ފެށިފައެއް ނުވެ އެވެ. 

"އައްޑޫ ލިންކް ރޯޑާއި، އެހެނިހެން މުހިއްމު މަގުތައް، ރަނގަޅު ފެންވަރަކަށް ހެދުމުގެ މަސައްކަތް، މި އަހަރު ފެށިގެންދާނެ،" މިދިޔަ އަހަރުގެ ރިޔާސީ ބަޔާނުގައި މުއިއްޒު ވިދާޅުވި އެވެ. 

އައްޑޫ މަގުތައް ހެދުން އާރްޑީސީއާ ހަވާލުކުރީ 829 މިލިއަން ރުފިޔާއަށް، 11 މަހުގެ ތެރޭގައި ނިންމާ ގޮތަށެވެ. އެ މަޝްރޫއުގެ ދަށުން ލިންކްރޯޑުގެ  67.58 ކިލޯމީޓަރުގެ ސީޓީބީ އަޅާފައިވާ މަގުތަކުގައި ތާރުއެޅުމާއި ފޭދޫގައި ފެންހިންދާ ނިޒާމު ގާއިމްކުރުމާއި މަގުމަތީގައި ނިޝާންތައް ހަދައި ބޯޑު ހަރުކުރަން އޮތީ ރާވާފަ އެވެ. 

މި މަޝްރޫއު ކޮންޓްރެކްޓާ ފައިނޭންސް އުސޫލުން ހިންގަން މިދިޔަ ސެޕްމްބަރު 24، ގައި ހަވާލުކުރީ ޗައިނާގެ ރޯޓައިމް އިންޖިނިއަރިން އެންޑް ޓެކްނޮލޮޖީ ކޯ ލިމިޓެޑާ އެވެ. އެ މަޝްރޫއު ހަވާލުކުރީ 446.1 މިލިއަން ރުފިޔާާއަށެވެ. 

ކޮންޓްރެކްޓާ ފައިނޭންސް އުސޫލުން ހިންގާ މަޝްރޫއު ޗައިނާ ކުންފުންޏާ ހަވާލުކުރީ އެއް އަހަރު ދުވަހުގެ ތެރޭގައި ނިންމުމަށެވެ. އެހެންކަމުން އަންނަ އަހަރުގެ ސެޕްޓެމްބަރަށް މަސައްކަތް ނިންމަން ޖެހޭނެ އެވެ. 

އައްޑޫ ލިންކް ރޯޑު ވަރަށް ބޮޑަށް ހަލާކުވެ އާންމުންނަށް އެކަން ބޮޑު ތަކުލީފަކަށްވުމާ ގުޅިގެން މަގު ހަދަން ގޮވާލައި "ބެރިކޭޑް" ގެ ނަމުގައި މިދިޔަ ހުކުރު ދުވަހު އައްޑޫގައި ވަނީ މުޒާހަރާވެސް ކޮށްފަ އެވެ.    

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox