ނިކޮންގެ މުބާރާތުން އެއްވަނަ ލިބުނީ އޭއައި ވީޑިއޯއަކަށް ކަން ފަޅައިއެރުމުން އެ ޝަރަފު އަތުލައިފި

Oct 10, 2026, 8:55 AM
ނިކޮންގެ މުބާރާތުން އެއްވަނަ ލިބުނު ވީޑިއޯއިން ނަގާފައިވާ ފޮޓޯއެއް

ނިކޮންގެ މުބާރާތުން އެއްވަނަ ލިބުނު ވީޑިއޯއިން ނަގާފައިވާ ފޮޓޯއެއް

މަޝްހޫރު ސައިންޓިފިކް ފޮޓޯގްރަފީ މުބާރާތަކުން އެއްވަނަ ހޯދި ފަރާތެއް، އޭނާގެ އުފެއްދުމަކީ ފޭކެއްކަމަށް އެހެން ސައިންޓިސްޓުންތަކެއް ތުހުމަތުކުރުމާ ގުޅިގެން މުބާރާތުން ޑިސްކޮލިފައިކޮށްފި އެވެ.

ނިކޮން ކުންފުނިން ބުނީ، މައިކްރޯސްކޯޕް ބޭނުންކޮށްގެން ނަގާ ފޮޓޯއާއި ވީޑިއޯއަށް ހާއްސަކޮށްގެން ބާއްވާ 'ސްމޯލް ވޯލްޑް އިން މޯޝަން' މުބާރާތަށް ހުށަހެޅި ވީޑިއޯއެއްގައި ޖެނެރޭޓިވް އޭއައި ބޭނުންކޮށްފައިވުމަކީ މުބާރާތުގެ ގަވާއިދާ ހިލާފު ކަމެއް ކަމަށެވެ. ނަމަވެސް މިއީ އެ ފަރާތުގެ ޕްރޮފެޝަނަލް ނުވަތަ ސައިންޓިފިކް މަސައްކަތްތަކާ ގުޅޭ ނިންމުމެއް ނޫން ކަމަށްވެސް އެ ކުންފުނިން ބުންޏެވެ.

ފާއިތުވި 15 އަހަރު ނޮކޮންއިން ބާއްވަމުން އައި މި މުބާރާތުގެ ގަވާއިދުތަކާއި އުސޫލުތައް މުރާޖައާކުރާނެ ކަމަށް އެ ކުންފުނިން ބުނެފައިވެ އެވެ.

Advertisement

މި މުބާރާތުން އެއްވަނަ ހޯދީ ޗައިނާގެ ސިންގްހުއާ ޔުނިވާސިޓީގެ ޑރ. ނިންގް ޒޫ އެވެ. އޭނާ ހުށަހެޅުއްވީ ޕީސީޑީ ނަމަކަށް ކިޔާ ނޭވާލާ ނިޒާމުގެ ބައްޔެއް ހުންނަ ކުއްޖެއްގެ ނޭވާލާ ހޮޅީގައި ހުންނަ ކުދިކުދި އިސްތަށިތަކެއް ފަދަ އެއްޗެއް (ސީލިއާ) ހަރަކާތްތެރިވާ މަންޒަރު ފެންނަ ކުރު ވީޑިއޯއެކެވެ. 

މި ވީޑިއޯއަކީ އަސްލެއް ނޫންކަމަށް ބުނެ، މުބާރާތުގެ ކުރީގެ ފަނޑިޔާރުން ހިމެނޭގޮތަށް ގިނަ ސައިންޓިސްޓުންތަކެއް ވަނީ ނިކޮންގެ ލިންކްޑްއިން ޕޭޖަށް  ޝަކުވާ ހުށަހަޅާއިފަ އެވެ.

ޑރ. ޒޫ ވަނީ ވީޑިއޯ ހެދުމުގައި އޭއައި ބޭނުންކުރިކަމަށް އެއްބަސްވެފައެވެ. ނަމަވެސް އޭނާ ގަބޫލުކުރީ އޭނާ އަމަލުކުރީ ގަވާއިދުގެ ތެރެއިން ކަމަށެވެ. އަދި އޭނާ ވަނީ ނިކޮންގެ ތަހުގީގަށް އެއްބާރުލުން ދީފަ އެވެ.

މިކަމާ އެންމެ ފުރަތަމަ ކަންބޮޑުވުން ފާޅުކުރި އެއް ތަޖުރިބާކާރު ކަމަށްވާ ލެސްޓާ ޔުނިވާސިޓީގެ ސައިންޓިސްޓް ޑރ. ރޮބަޓް ހާސްޓް ވިދާޅުވީ މިއީ އޭނާއަށް "ހައިރާންކަމެއް ލިބުނު ކަމެއް ނޫން" ކަމަށާއި، ފުރަތަމަ ފެނުމާއެކުވެސް އެއީ ފޭކު ވީޑިއޯއެއްކަން އެނގުނު ކަމަށެވެ.

"އަހަރެން ފާއިތުވި 20 އަހަރު ދުވަހު ޕީސީޑީ ބަލި ދެނެގަންނަނީ އެ ސީލިއާތަކުގެ ބައްޓަމާއި ދިގުމިނާއި ސައިޒަށް ބަލައިގެން،" އެ ޔުނިވާސިޓީގައި ޕީސީޑީ ދެނެގަތުމަށް ހާއްސަ މަރުކަޒުގެ ލީޑް ސައިންޓިސްޓް ޑރ. ހާސްޓް ވިދާޅުވި އެވެ.

އޭނާ ވިދާޅުވި ގޮތުގައި އެ ވީޑިއޯއިން ފެންނަ ސެލްތަކާއި ސީލިއާތައް ޕީސީޑީ ބަލިމީހުންގެ ސެލްތަކާ އެއްވެސް ވަރަކަށް ވައްތަރެއް ނޫނެވެ. 

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox