ޕޯޗުގަލްގެ އާ ކޯޗު ޖީސޫސް ނެގި ފުރަތަމަ ސްކޮޑުގައި ރޮނާލްޑޯ ހިމަނައިފި

Sep 18, 2026, 8:13 PM
މިދިޔަ ސީޒަނުގެ އަލް ނަސްރު މެޗެއްގެ ތެރެއިން، ރޮނާލްޑޯ (ކ) އާއި ޖޯޖް ޖީސޫސް.

މިދިޔަ ސީޒަނުގެ އަލް ނަސްރު މެޗެއްގެ ތެރެއިން، ރޮނާލްޑޯ (ކ) އާއި ޖޯޖް ޖީސޫސް.

ލިޒްބަން، ޕޯޗުގަލް (ސެޕްޓެމްބަރު 18) - ޕޯޗުގަލްގެ އާ ކޯޗު ޖޯޖް ޖީސޫސް އެ ޓީމާ ހަވާލުވެ ނެގި ފުރަތަމަ ސްކޮޑުގައި އުމުރުން 41 އަހަރުގެ ފޯވާޑް ކްރިސްޓިއާނޯ ރޮނާލްޑޯ ހިމަނައިފި އެވެ. 

މި ފަހުން، ވޯގު އަށް ދިން އިންޓަވިއުއެއްގައި، ރޮނާލްޑޯ ވަނީ، މިއީ، ކެރިއަރުގައި އޭނާގެ ފަހު އަހަރަށް ވެދާނެ ކަމަށް ބުނެފަ އެވެ. ސައުދީ ޕްރޮފެޝަނަލް ލީގު (ޕްރޯ ލީގު)ގެ އަލް ނަސްރާ އެކު، ރޮނާލްޑޯ ހަދާފައި އޮތް ކޮންޓްރެކްޓް އަންނަ އަހަރުގެ ޖޫންގެ ނިޔަލަށް ހަމަވާނެ އެވެ.

ރޮނާލްޑޯ މި ސީޒަނަށް ފަހު ޕްރޮފެޝަނަލް ފުޓްބޯޅަ އިން ރިޓަޔާކުރަން ނިންމައިފި

ދުނިޔޭގެ އެންމެ މޮޅު އެއް ފުޓްބޯޅަ ކުޅުންތެރިޔާ ކްރިސްޓިއާނޯ ރޮނާލްޑޯ މި ސީޒަނަށް ފަހު ކުޅުން ހުއްޓާލަން ނިންމައިފިއެވެ. އުމުރުން 41 އަހަރުގެ ރޮނާލްޑޯ މިކަން ހާމަކުރީ ވޯގް އަށް ދިން އިންޓަވިއުއެއްގައި. އޭނާ މިހާރު ކުޅެމުންދާ އަލް ނަސްރާއާއެކު ހަދާފައިވާ ކޮންޓްރެކްޓް އަންނަ އަހަރުގެ ޖޫން މަހަށް ހަމަވާނެ

ރޮނާލްޑޯ އަށް އަލް ނަސްރުގައި ކޯޗުކޮށްދިން ޖީސޫސް ވަނީ، ދާދި ފަހުން ޕޯޗުގަލްގެ ކޯޗުކަމާ ހަވާލުވެފަ އެވެ. އެއީ، މި ފަަހަރު، އެމެރިކާ، މެކްސިކޯ އަދި ކެނަޑާގައި ބޭއްވި ފީފާ ވޯލްޑް ކަޕަށް ފަހު ޕޯޗުގަލް ކޯޗުކަމުން، ރޮބާޓޯ މާޓިނޭޒް ވަކިވުމުންނެވެ. 

ސައުދީ ޕްރޯ ލީގުގެ ޗެމްޕިއަންކަން ހަތް އަހަރަށް ފަހު، މިދިޔަ ސީޒަނުގައި އަލް ނަސްރަށް ހޯދައިދިން ބެންފީކާގެ ކުރީގެ ކޯޗު ޖީސޫސް މި ވަނީ ކުރިއަށް އޮތް އިންޓަނޭޝަނަލް ބްރޭކުގައި، ޕޯޗުގަލް އިން ކުޅޭ ޔުއެފާ ނޭޝަންސް ލީގުގެ ހަތަރު މެޗަށް ނެގި 25 ކުޅުންތެރިންގެ ސްކޮޑުގައި ރޮނާލްޑޯގެ ނަން ހިމަނައިފަ އެވެ. 

ޕޯޗުގަލްގެ ޕްރެކްޓިހެއްގެ ތެރެއިން ކްރިސްޓިއާނޯ ރޮނާލްޑޯ.
ޕޯޗުގަލްގެ ޕްރެކްޓިހެއްގެ ތެރެއިން ކްރިސްޓިއާނޯ ރޮނާލްޑޯ.

ޕޯޗުގަލް ގައުމީ ޓީމާ އެކު، 2016 ވަނަ އަހަރުގެ ޔޫރޯގެ އިތުރުން ޔުއެފާ ނޭޝަންސް ލީގުގެ ދެ ތަށި ހޯދި ރޮނާލްޑޯ އަކީ ބައިނަލްއަގުވާމީ ފުޓްބޯޅައިގައި ގައުމީ ޓީމަށް އެންމެ ގިނަ ގޯލު ޖެހުމުގެ ރެކޯޑް އޮތް ކުޅުންތެރިޔާ އެވެ. ހަ ވޯލްޑް ކަޕެއްގައި ޕޯޗުގަލް އަށް ކުޅެދިން ރޮނާލްޑޯ ވަނީ، ގައުމީ ޓީމަށް ކުޅެދިން، 233 މެޗުން 146 ލަނޑު ޖަހައިފަ އެވެ. 

މި ފަހަރުގެ ވޯލްޑް ކަޕަށް ފަހު، ދެން ގައުމީ ޓީމުގެ މުބާރާތަކުން ފެނިދާނެތޯ ސުވާލުކުރުމުން، ރޮނާލްޑޯ އޭރު ބުނެފައިވަނީ އާއިލާއާ އެކު ވަގުތު ހޭދަކުރުމަށް ފަހު، އެ ކަމަށް ގޮތެއް ނިންމާނެ ކަމަށެވެ. 

ތަފާތު ހަ ވޯލްޑް ކަޕެއްގައި ކުޅެފައިވާ ރޮނާލްޑޯ އަށް އަންނަ އަހަރުގެ ނޭޝަންސް ލީގުގެ ފައިނަލްގެ ކުރިން، 42 އަހަރު ފުރޭނެ އެވެ. އަދި، 2028 ވަނަ އަހަރު ބާއްވާ ޔޫރޯ ފުޓްބޯޅަ މުބާރާތް އަންނައިރު، ރޮނާލްޑޯގެ އުމުރުން 43 އަހަރުވާނެ އެވެ. 

ޔޫރޯއެއްގައި އެންމެ ފަހުން ކުޅުނު އެންމެ ދުވަސްވީ ކުޅުންތެރިއަކީ ޕޯޗުގަލްގެ ޑިފެންޑަރު ޕެޕޭ އެވެ. އެ ގޮތުން، 2024 ވަނަ އަހަރުގެ ޔޫރޯގައި ޕެޕޭ ކުޅުނުއިރު، އޭނާ އުމުރަކީ، 41 އަހަރާއި 130 ދުވަހެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox