ފެނަބާޗޭ 18 އަހަރަށް ފަހު ޗެމްޕިއަންސް ލީގަށް

Aug 27, 2026, 10:42 AM
ލިޔޯން މެޗަށް ފަހު ގުއެންޑޫޒީ އުފާފާޅުކުރަނީ.

ލިޔޯން މެޗަށް ފަހު ގުއެންޑޫޒީ އުފާފާޅުކުރަނީ.

ޕެރިސް (އޮގަސްޓް 27) - ޕްލޭއޮފްގެ ދެ ވަނަ ލެގުގައި 2-1 އިން ފްރާންސްގެ ލިޔޯން ބަލިކޮށް، ތުރުކީގެ ގަދަބާރު، ފެނަބާޗޭ އިން 18 އަހަަރަށް ފަހު ޔޫރަޕްގެ އެންމެ ބޮޑު ކްލަބް ފުޓްބޯޅަ މުބާރާތް، ޔުއެފާ ޗެމްޕިއަންސް ލީގުން ޖާގަ ހޯދައިފި އެވެ. 

ތުުރުކީގައި ކުޅުނު ފުރަތަމަ ލެގު އޮތީ 1-1 އިން އެއްވަރުވެފަ އެވެ. އެހެންވެ، ރޭގެ މެޗުން ކޮންމެ ޓީމެއް މޮޅުވި ކަމުގައި ވިޔަސް، ޗެމްޕިއަންސް ލީގުގެ ޖާގަ އޮތީ ލިބޭ ގޮތަށެވެ. ފެނަބާޗޭ އިން މި މެޗުން މޮޅުވެ، 3-2 ގެ އެގްރިގޭޓަކުން ކުރިހޯދައި، 2008/09 ގެ ސީޒަނަށް ފަހު، ޗެމްޕިއަންސް ލީގުން މި ވަނީ ޖާގަ ހޯދައިފަ އެވެ. އެންމެ ފަހުން، ޗެމްޕިއަންސް ލީގުގައި ކުޅުނު ފަހުން، 10 ފަހަރު ޗެމްޕިއަންސް ލީގު ކޮލިފައިންގައި ކުޅެގެން ފެނަބާޗޭ އަށް ކުރި މި ލިބުނީ ފުރަތަމަ ފަހަރަށެވެ. 

މިއީ، ޗެމްޕިއަންސް ލީގު މިހާރު ކުޅޭ ފޯމެޓަށް ބަދަަލުކުރި ފަހުން، ފެނަބާޗޭ އިން މުބާރާތުގައި ކުޅޭ ފުރަތަމަ ފަހަރެވެ. 

Advertisement

ލިޔޯނުން ރަނގަޅަށް ފެށި މި މެޗުގައި އެ ޓީމުގެ މަލިކް ފޮފާނާ ޖެހި ޝޮޓެއް ފެނަބާޗޭ ކީޕަރު އެޑަސަން ވަނީ މަތަކޮށްފަ އެވެ. އަދި، ލިޔޯންގެ ޓެނާ ޓެސްމަން ބޮލުން ޖެހި ބޯޅަ ދިޔައީ އަރިމަތިންނެވެ. މެޗުގެ 25 ވަނަ މިނިޓްގައި ފެނަބާޗޭ އިން ލީޑުނެގީ ވޭދާތު މުރީކީ ޖެހި ގޯލުންނެވެ. އޭގެ ތިން މިނިޓް ފަހުން، ފެނަބާޗޭ އިން ދެ ވަނަ ލަނޑެއް ޖެހި އެވެ. މި ލަނޑު ޖެހީ މޭސަން ގްރީންވުޑް ދިން ބޯޅައަކުން އާޗީ ބްރައުން އެވެ. 

ފުރަތަމަ ހާފު ނިމުމުގެ ކުރިން ވެސް ލިޔޯނުން ލަނޑެއް ޖެހޭތޯ މަސައްކަތްތަކެއް ކުރި ނަމަވެސް ކާމިޔާބެއްނުވި އެވެ. އެ ޓީމުން ލަނޑެއް ޖަހަން ކުރި މަސައްކަތް ކާމިޔާބުވީ މެޗުގެ 61 ވަނަ މިނިޓްގަ އެެވެ. މި ލަނޑު ޖަހައިދިނީ އައިންސްލީ މައިޓްލަންޑް ނައިލްސް ދިން ބޯޅައަކުން ފޮފާނާ އެެވެ. 

މެޗު ނިމުމާ އެކު، ލިޔޯންގެ ސަޕޯޓަރުންނާއި ފެނަބާޗޭގެ މިޑްފީލްޑަރު، މަޓެއޯ ގުއެންޑޫޒީގެ މެދުގައި ބަހުގެ ހަމަލާތަކެއް ބަދަލުކުރި އެވެ. މައްސަލަ ހޫނުވީ މެޗު ނިމުނު ފަހުން، ލިޔޯން ސަޕޯޓަރުންނަށް އަތުން އިޝާރާތްކޮށް ގުއެންޑޫޒީ، ޝުއޫރެއް ފާޅުކުރި ހިސާބުންނެވެ. ކުރިން ލިޔޯންގެ ވާދަވެރި މާސޭ އަށް ތިން އަހަރު ކުޅުނު ގުއެންޑޫޒީ، ޓަނަލް އަށް ވަންނަން ދިޔަ ވަގުތު ދަނޑަށް އެރި ލިޔޯންގެ ކިޓެއް ލައިގެން ހުރި މީހަކާއި ގެންޑޫޒީއާ ދެމެދު މާރާމާރީއެއް ވެސް ވަނީ ހިނގައިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox