ސަލާހުގެ ބެސިކްޓާސް ޑީލް މަޑުޖެހިފައި: ރިޕޯޓް

Jul 23, 2026, 9:40 AM
މި ފަހަރުގެ ފީފާ ވޯލްޑް ކަޕްގެ ތެރެއިން މިސްރުގެ ތަރި މުހައްމަދު ސަލާހު.

މި ފަހަރުގެ ފީފާ ވޯލްޑް ކަޕްގެ ތެރެއިން މިސްރުގެ ތަރި މުހައްމަދު ސަލާހު.

އިސްތަންބޫލް، ތުރުކީ (ޖުލައި 23) - ނުވަ އަހަރަށް ފަހު ލިވަޕޫލް ދޫކޮށްލި، މިސްރުގެ ކެޕްޓަން، މުހައްމަދު ސަލާހު، ތުރުކީގެ ސުޕަ ލީގު ކްލަބް، ބެސިކްޓާސް އަށް ބަދަލުވުމަށްޓަކައި މަޝްވަރާ ކުރަމުން އަންނަ ޑީލުގެ ކަންކަން މަޑުޖެހިފައިވާ ކަމަށް މީޑިއާ ރިޕޯޓްތައް ބުނެފި އެވެ. 

އުމުރުން 34 އަހަރުގެ ސަލާހުގެ ސޮއި ހޯދަން ތުރުކީ ސުޕަ ލީގުގެ ކްލަބް ބެސިކްޓާސްގެ މެނޭޖްމަންޓަށް އެ ކްލަބްގެ ސަޕޯޓަރުން އަންނަނީ ޕްރެޝަރު ބޮޑު ކުރަމުންނެވެ. އެ ގޮތުން، ބެސިކްޓާސް އަށް ސޮއިކުރި އާސެނަލަށް ކުޅޭ ބެލްޖިއަމްގެ ފޯވާޑް، ލެއަންޑްރޯ ޓްރޮސާޑް ތައާރަފް ކުރުމަށް ބޭއްވި އިވެންޓްގައި ވެސް ބެސިކްޓާސްގެ ސަޕޯޓަރުން ވަނީ ސަލާހު ގަންނަން ޑިމާންޑްކޮށް އަޑުއުފުލައިފަ އެވެ. 

ރިޕޯޓްތައް ބުނާގޮތުން، ބެސިކްޓާސް އިން ވަނީ ސަލާހަށް އަހަރަކު، 15 މިލިއަން ޑޮލަރުގެ މުސާރައެއް ލިބޭ ޕްރޮޕޯސަލެއް ހުށަހަޅައިފަ އެވެ. އެ ޑީލްގެ ކަންކަން ކުރިއަށްދަނިކޮށް، މަޝްވަރާތައް މަޑުޖެހިފައިވަނީ، ސަލާހު، ފުރަތަމަ ކޮންޓްރެކްޓްގައި ސޮއިކުރާއިރު، ހަމަޖައްސަައިދޭ ބޯނަހުގައި، ސަލާހުގެ އޭޖެންޓް ރަމީ އައްބާސް އަށް 30 ޕަސެންޓްގެ ކޮމިޝަނެއް ހަމަޖައްސައިދޭން ހުށަހެޅުމުން ކަމަށް ރިޕޯޓްތައް ބުނެ އެވެ. 

Advertisement

އެކަމާ ބެހޭގޮތުން، މިސްރު މީޑިއާ އިން ސުވާލުކުރުމުން، އައްބާސް ބުނެފައިވަނީ، ސަލާހު ކުޅޭނެ ކްލަބެއް ވަރަށް އަވަހަށް ފައިނަލް ވެގެންދާނެ ކަމަށެވެ. 

ބެސިކްޓާސްގެ އިތުރުން، ސަލާހުގެ ސޮއި ހޯދުމަށް ރޯމާ އާއި އެތުލެޓިކޯ މެޑްރިޑްގެ އިތުރުން، ސައުދީ ޕްރޯ ލީގާއި އެމްއެލްއެސްގެ ކްލަބްތައް އަންނަނީ ޕްރޮޕޯސަލްތައް ހުށަހަޅަމުންނެވެ. އެކަމަކު، ސަލާހުގެ ވިސްނުމަކީ ޔޫރަޕްގެ ކްލަބަކަށް ބަދަލުވުންކަމަށް ރިޕޯޓްތައް ބުނެ އެވެ. 

ކުރިން ޗެލްސީ އަށް ކުޅުނު ސަލާހު، ލިވަޕޫލާ ގުޅުނީ، 2017 ވަނަ އަހަރު އިޓަލީގެ ރޯމާ ދޫކޮށް ޖުމްްލަ އެކު، 45 މިލިއަން ޑޮލަރުގެ ޕެކޭޖެއްގަ އެވެ. އޭގެ ފަހުން، ތިން ފަހަރެއްގެ މަތިން ސަލާހު ލިވަޕޫލާ އެކު، އެއްބަސްވުމެއް ހަދައި، އެ ޓީމު ދޫކޮށްލަން މި ނިންމީ ނުވަ އަހަރު އެ ޓީމަށް ކުޅެ، ގިނަ ކާމިޔާބީތަކެއް ހޯދުމަށް ފަހު އެވެ.

ލިވަޕޫލަށް ކުޅެދިން، 442 މެޗުން 257 ލަނޑު ޖެހި ސަލާހު ވަނީ، އެ މެޗުތަކުގައި، 123 ލަނޑު ޖަހަން ފުރުސަތު ތަނަވަސްކޮށްދީފަ އެވެ. 

ލިވަޕޫލާ އެކު، ގިނަ ރެކޯޑްތަކެއް ހަދާފައިވާ ސަލާހު ވަނީ އެ ޓީމާ އެކު، ދެ ފަހަރު ޕްރިމިއާ ލީގާއި އެއް ފަހަރު ޗެމްޕިއަންސް ލީގާއި ކްލަބް ވޯލްޑް ކަޕާއި ޔުއެފާ ސުޕަ ކަޕާއި އެފްއޭ ކަޕްގެ އިތުރުން ދެ ފަހަރު ލީގު ކަޕްގެ ޗެމްޕިއަންކަން ހޯދައިފަ އެވެ. ސަލާހަކީ ޕީއެފްއޭ އިން ހޮވާ އެންމެ މޮޅު ކުޅުންތެރިޔާގެ މަގާމު ތިން ފަހަރެއްގެ މަތިން ހޯދި ހަމައެކަނި ކުޅުންތެރިޔާ އެވެ.

ސަލާހުގެ ކެޕްޓަންކަމުގެ ދަށުން ކުޅުނު މިސްރުން ވަނީ މި ފަހަރު އެމެރިކާ، މެކްސިކޯ އަދި ކެނަޑާގައި ބޭއްވި ވޯލްޑް ކަޕްގެ ގަދަ 16 ބުރުގައި ވާދަކޮށްފަ އެވެ. އެ ބުރުގައި އާޖެންޓީނާ އަތުން މިސްރު ކެޓިއިރު، މިއީ، އެ ގައުމުން ވޯލްޑް ކަޕެއްގެ ނޮކައުޓް ބުރުގައި ވާދަކުރި ފުރަތަމަ ފަަހަރެެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox