ލިވަޕޫލްގެ ހާލަތު ދަށްވާތީ ސަލާހުގެ ކެތްތެރިކަން ކޮޅުންލައިފި

May 17, 2026, 6:20 AM
ލިވަޕޫލްގެ ފޯވާޑް މުހައްމަދު ސަލާހު އާއި ކޯޗު އާނާ ސްލޮޓް.

ލިވަޕޫލްގެ ފޯވާޑް މުހައްމަދު ސަލާހު އާއި ކޯޗު އާނާ ސްލޮޓް.

ލިވަޕޫލް (މެއި 17) - ލިވަޕޫލުން މިހާރު ދަށްކަމުން އަންނަ ކުޅުމަަށް ބަލާއިރު، އޮތީ ގަބޫލުކުރަން ދަށް ހާލަތެއް ކަމަށް ބުނެ، މި ސީޒަނަށް ފަހު އެ ޓީމު ދޫކޮށްލަން ނިންމާފައިވާ މިސްރުގެ ތަރި، މުހައްމަދު ސަލާހު ވަަރަށް ބޮަޑަށް ހިތްހަމަނުޖެހުން ފާޅުކޮށްފި އެވެ. 

ސަލާހު، 33، މި ސީޒަނަށް ފަހު ލިވަޕޫލް ދޫކޮށްލާނީ ނުވަ އަހަރު އެ ކްލަބްގައި ހޭދަކޮށް، ހަ މުބާރާތުގެ ތަށި އެ ޓީމުގައި ހުރެ ހޯދުމަށް ފަހު އެވެ. އޭގެ ތެރޭގައި ޕްރިމިއާ ލީގު ދެ ފަހަރު ކާމިޔާބުކުރުމާއި ޗެމްޕިއަންސް ލީގު ހޯދުން ހިމެނެ އެވެ. ދެން، ލިވަޕޫލުން މި ސީޒަނުގައި ކުޅޭ މެޗަކީ، ސަލާހު، އެ ކްލަބްގެ ޖޯޒީގައި ފެންނާނެ ފަހު މެޗެވެ. އެއީ، އިނގިރޭސި ޕްރިމިއާ ލީގުގައި ބްރެންޓްފޯޑާ ދެކޮޅަށް ކުޅޭ މެޗެވެ. އެ މެޗުން ނަތީޖާއެއް ނެރެގެން، ލިވަޕޫލަށް އަންނަ ސީޒަނުގެ ޗެމްޕިއަންސް ލީގުގެ ޖާގައެއް ޔަގީންވާނެ އެވެ. 

އެހެން ނަމަވެސް އެ މެޗުގެ ކުރިން، ސަލާހު މި ވަނީ، ސޯޝަލް މީޑިއާގައި ބަޔާނެއް ނެރެ، ކްލަބްގެ ހާލަތު ދާ މިސްރާބާ މެދު ކަންބޮޑުވުން ފާޅުކޮށްފަ އެވެ. 

Advertisement

ސަލާހު ވަނީ ލިވަޕޫލް ވާން ޖެހޭނީ އިދިކޮޅު ޓީމުތަކުން ޖެހިލުންވާ ޓީމަކަށް ކަަމަށާއި އެއީ، "ހެވީ މެޓަލް އެޓޭކިން" ފުޓްބޯޅަ ކުޅޭ ޓީމެއްގެ ގޮތުގައި ކަަމަށެވެ. އަދި، ލިވަޕޫލުން މި ކުޅުން ދަށްކަން ޖެހޭ ކަމާ މެދު އިތުރު މަޝްވަރާ އަކަށް ދާން ޖެހޭނެ ސަބަބެއް އޮންނާނެ ކަމަށް ގަބޫލުނުކުރާ ކަމަށް ސަލާހު ވަނީ ބުނެފަ އެވެ. 

މި ސީޒަނުގައި ލިވަޕޫލް 20 މެޗުން ބަލިވެފައިވާއިރު، މިއި، 21 ވަނަ ގަރުނުގައި ލިވަޕޫލްގެ އެންމެ ރެކޯޑް ދަށް ސީޒަނެވެ. އަދި، މިއީ، ލިވަޕޫލްގެ ތާރީހުގައި މި އަދަދަށް މެޗުތަކުން ބަލިވި ދެ ވަނަ ފަހަރެވެ. މީގެ ކުރިން، މި ވަރަށް އެއް ސީޒަނެއްގައި ބަލިވީ މީގެ 34 އަހަރު ކުރިންނެވެ. 

ސަލާހު ބުނީ، ލިވަޕޫލަށް ކާމިޔާބު ހޯދައިދޭން މިދިޔަ އަހަރުތަކުގައި އެ ޓީމަށްޓަކައި ގިނަ ކަަންތައްތަކެއް އޭނާ އަށް ކުރެވުނު މިންވަރަކުން ކުރެވުނު ކަމަށާއި ޓީމުގެ އެހެން ކުޅުންތެރިންނާ ގުޅިގެން، ޗެމްޕިއަނެއްގެ ދަރަޖައާ ހަމައަށް ގެންދެވުނު ކަމަށެވެ. 

"މެޗުތަކުން ބަލިވެގެން މި ގޮތަށް ދާތަން ބަލަން ވަރަށް ހިތްދަތި. އެއީ އަހަރެމެންގެ ސަޕޯޓަރުންނަށް ވެސް ހައްގު މިންވަރެއް ނޫން. އަހަރެން ބޭނުން ލިވަަޕޫލް އެޓޭކިން ގޭމެއް ކުޅެ، އިދިކޮޅު ޓީމުތައް ޖެހިލުންވާ ލެވަލްގައި އޮންނަން، މި ކްލަބް ރަމްޒުކޮށްދޭ ކަންކަން ދަމަހައްޓަން ޖެހޭ،" ސަލާހު ބުންޏެވެ. 

ސަލާހު ވަނީ މިދިޔަ ޑިސެމްބަރު މަހު، ލިވަޕޫލްގެ ކޯޗު އާނާ ސްލޮޓަށް ވަރަށް ބޮޑަށް ފާޑުކިޔައިފަ އެވެ. އެ ގޮތުން، ސަލާހު ބުނީ، ލިވަޕޫލްގެ މައްސަލަތައް އޭނާ ބޮލުގައި އަޅުވާ ކަމަށެވެ. މެނޭޖްމަންޓަށް ފާޑުކިޔުމާ ގުޅިގެން، ސަލާހު އަށް އަދަބެއްގެ ގޮތުގައި އެއް މެޗުން ޓީމުން ބާކީކުރި އެވެ. ޖެނުއަރީ ޓްރާންސްފާގައި ސަލާހު ލިވަޕޫލް ދޫކޮށްލާނެ ކަމަށް ބެލެވުނު ނަމަވެސް އޭނާ މަޑުކުރީ އެވެ. އެކަމަކު، މިދިޔަ މާޗް މަހު  ވަނީ ލިވަޕޫލް ދޫކޮށްލަން ނިންމިކަން އިއުލާނުކޮށްފަ އެވެ. 

އޭގެ ފަހުން، ވެސް ސަލާހު އާއި ސްލޮޓްގެ ނުސީދާ ބަހުގެ ހަމަލާތަކެއް ވަނީ މީޑިއާ މެދުވެރިކޮށް ބަދަލުކޮށްފަ އެވެ. އެ ގޮތުން، ސަލާހު ދިން އިންޓަވިއުއަކާ ގުޅޭގޮތުން، ސްލޮޓް ވަނީ މީޑިއާ އިން ކުރި ސުވާލުތަކަށް ޖަވާބުދީފަ އެވެ. އަދި، އެ އަށް ފަހު، ސަލާހު މި ވަނީ، ލިވަޕޫލަށް ކުޅޭ ފަހު މެޗުގެ ކުރިން ސޯޝަލް މީޑިއާގައި ލިވަޕޫލާ ގުޅޭގޮތުން މުހިންމު ވާހަކަތަކެއް ހިއްސާކޮށް، ބަަޔާނެއް ނެރެފަ އެވެ. 

ކުރިން ޗެލްސީ އަށް ކުޅުނު ސަލާހު، ލިވަޕޫލާ ގުޅުނީ، 2017 ވަނަ އަހަރު އިޓަލީގެ ރޯމާ ދޫކޮށް ޖުމްްލަ އެކު، 45 މިލިއަން ޑޮލަރުގެ ޕެކޭޖެއްގަ އެވެ. އޭގެ ފަހުން، ތިން ފަހަރެއްގެ މަތިން ސަލާހު ލިވަޕޫލާ އެކު، އެއްބަސްވުމެއް ހަދައި، އެ ޓީމު ދޫކޮށްލަން މި ނިންމީ ނުވަ އަހަރު އެ ޓީމަށް ކުޅުމަށް ފަހު އެވެ. ސަލާހު، ވަނީ ފަލަމަސްގަނޑަށް ލިބުނު ފަރުވާ އަށް ފަހު އެންމެ ފަހުން ކުޅުނު މެޗުގައި ބަދަލަކަށް ކުޅެން އަރައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox