ކަނޑުދަތުރުފަތުރުގެ ސިނާއަތަށް ހާއްސަކޮށްގެން، އިޓަލީގެ މަޝްހޫރު މަތީ ފަންތީގެ ޔޮޓް ޕެއިންޓް އަދި މެރިން ކޯޓިން ބްރޭންޑެއް ކަމަށްވާ "ސްކިޕާސް" ސީ ގިއާ އިން ރާއްޖޭގެ ބާޒާރަށް ތައާރަފްކޮށްފި އެވެ.
މިއީ އޮޑިދޯނިފަހަރުގެ ވެރިންނާއި، ކަނޑުދަތުރުފަތުރުގެ ހިދުމަތްދޭ ފަރާތްތަކާއި، ރިސޯޓުތަކާއި، ބޯޓުޔާޑުތަކުގެ އިތުރުން ވޯކްޝޮޕްތަކާއި މި ދާއިރާގެ ފަންނީ މަސައްކަތްތެރިންނަށް ހާއްސަކޮށްގެން ތައާރަފްކުރި އުފެއްދުމެކެވެ.
ސްކިޕާސް އުފެއްދުންތަކަކީ 1947 ވަނަ އަހަރުން ފެށިގެން ކުލަ އާއި ދަވާދު އުފެއްދުމުގެ ދާއިރާގައި ހަރަކާތްތެރިވާ އިޓަލީގެ "އެމްމޭ ކޮލޯރީ" ކުންފުނީގެ ހާއްސަ ބްރޭންޑެކެވެ.
ސްކިޕާސް އިން ޔޮޓްތަކާއި ކަނޑު އުޅަނދުފަހަރަށް ބޭނުންވާ ހުރިހާ ބާވަތެއްގެ ކޯޓިން ސޮލިއުޝަންތައް ފޯރުކޮށްދެއެވެ. މީގެ ތެރޭގައި ހިމެނެނީ:
- ވާނިޝް، އެޕޮކްސީ ޕްރައިމަރ އަދި އަންޑަކޯޓް
- ފިނިޝިން ޕެއިންޓް، ފިލާ އަދި ފެއަރިން ކޮމްޕައުންޑް
- ތިނަރު، އެޑިޓިވްސް އަދި ޓީކް ލަކުޑި އަށް ހާއްސަ އުފެއްދުންތައް
މި އުފެއްދުންތަކަކީ ފައިބަރު، ދަގަނޑު، އެލުމިނިއަމް އަދި ލަކުޑިން ތައްޔާރުކޮށްފައިވާ އުޅަނދުފަހަރުގައި ބޭނުންކުރުމަށް ފަރުމާކޮށްފައިވާ ތަކެތި ކަމުން، މިއީ ރާއްޖޭގައި ބޭނުންކުރާ ތަފާތު ބާވަތްތަކުގެ އުޅަނދުފަހަރަށް އެކަށީގެންވާ އުފެއްދުންތަކެކެވެ. ރާއްޖެއަކީ ހޫނުގަދަ ލޮނުގެ އަސަރު ބޮޑު ގައުމަކަށް ވުމުން، މިފަދަ މާހައުލަކަށް ސްކިޕާސްގެ ބޭނުންތެރިކަން ބޮޑެވެ.
މި ބްރޭންޑުގެ "އެކްރިގްލާސް" ފަދަ ޓޫ-ކޮމްޕޯނަންޓް ޕޮލިއުރެތިން ސިސްޓަމަކީ، އުޅަނދުގެ ބޭރު ރީތިކޮށް، އޮމާންކޮށް ބެހެއްޓުމަށާއި، ކުލަ ފަނޑުވިޔަނުދީ ހިފެހެއްޓުމަށާއި، ކެމިކަލްތަކުން ލިބޭ ގެއްލުންތަކުން ސަލާމަތްކުރުމަށް ފަންނީ މާހިރުން ބޭނުންކުރާ ސިސްޓަމެއް ކަމަށް ސީ ގިއާއިން ބުންޏެވެ. މީގެ އިތުރުން، އެންޓިފޯލާއި ފެނު އަޑީގެ ހާއްސަ ކޯޓިންތަކަކީ އުޅަނދުގައި ފެހިޖެހުން ކުޑަކޮށްދީ، އުޅަނދުގެ ދުވެލި ހަލުވިކުރުމަށާއި މަރާމާތުގެ ހަރަދު ކުޑަކުރުމަށް އެހީތެރިވެދޭ އުފެއްދުންތަކެކެވެ.
ސީ ގިއާ އިން ބުނި ގޮތުގައި ސްކިޕާސް ބްރޭންޑް ތައާރަފްކުރުމަކީ ރާއްޖޭގެ ކަނޑުގެ މާހައުލާ ގުޅޭ، ފެންވަރު ރަނގަޅު މެރިން އުފެއްދުންތައް ފޯރުކޮށްދިނުމަށް އެ ކުންފުނިން ކުރަމުންދާ މަސައްކަތުގެ ހެއްކެކެވެ. އެ ކުންފުނީގެ އަމާޒަކީ ރާއްޖޭގެ ކަނޑުދަތުރުފަތުރުގެ ސިނާއަތަށް އިތުބާރު ހުރި، ރައްކާތެރިކަމާއި ފުރިހަމަ ނަތީޖާ ލިބޭނެ ކޯޓިން ފޯރުކޮށްދިނުމެވެ.
