އަނެއްކާ ވެސް އެރިކްސަން ހޭނެތިގެން ދަނޑުމައްޗަށް ވެއްޓިއްޖެ

Jun 8, 2026, 12:31 AM
ޑެންމާކުގެ ތަރި އެރިކްސަން

ޑެންމާކުގެ ތަރި އެރިކްސަން

ކޯޕެންހާގެން (ޖޫން 8) - ބައިނަލްއަގުވާމީ އެކުވެރިކަމުގެ މެޗެއްގައި ޔޫކްރެއިނާ ދެކޮޅަށް ކުޅުނު މެޗުގެ ތެެރެއިން ޑެންމާކްގެ ކެޕްޓަން، ކްރިސްޓިއަން އެރިކްސަަން، ހޭނެތިގެން ދަނޑުމައްޗަށް ވެއްޓުމުން ފަރުވާދީފި އެވެ. 

މީގެ ކުރިން، 2021 ވަނަ އަަހަރު ބޭއްވި ޔޫރޯ 2020 މުބާރާތުގެ ތެރެއިން، ފިންލެންޑާ ދެކޮޅަށް ކުޅުނު މެޗުގައި އުމުރުން 34 އަހަރުގެ އެރިކްސަން ވަނީ ހިތްހުއްޓިގެން ދަނޑުމައްޗަށް ހޭނެތިގެން ވެއްޓިފަ އެވެ. އޭގެ ފަހުން، އެރިކްސަން ކުޅުމަށް އެނބުރި އައީ ޕޭސްމޭކަރެއް ލަައްވައިގެންނެވެ. 

ޔޫކްރެއިންއާ ދެކޮޅަށް މިރޭ ޑެންމާކުން ކުޅުނު މެޗުގައި އެ ޓީމުން 2-1 އިން ކުރީގައި އޮއްވައި، އެރިކްސަން ދަނޑުމައްޗަށް ވެއްޓުނީ މެޗުގެ 65 ވަނަ މިނިޓްގަ އެވެ. ވަގުުތުން ރެފްރީ މެޗު ހުއްޓާލައި، އެރިކްސަންގެ ފަރުވާގެ ކަންަކަން އަވަސްކުރި އެވެ. ދެ ޓީމުގެ ކުޅުންތެރިން އެރިކްސަން އަށް ފަރުވާ ދިނުމަށްޓަކައި ވަށްބުރެއް ހަދައި، ޖާގަ ތަނަވަސްކޮށްދިނެވެ. 

Advertisement
ޑެންމާކުގެ ތަރި އެރިކްސަން ހޭނެތިގެން ވެއްޓުން ދަނޑުމަތީގައ ފަރުވާދެނީ.
ޑެންމާކުގެ ތަރި އެރިކްސަން ހޭނެތިގެން ވެއްޓުން ދަނޑުމަތީގައ ފަރުވާދެނީ.

ޑެންމާކުގެ ފުޓޯޅަ އެސޯސިއޭޝަނުން ބުނެފައިވަނީ، އެރިކްސަން އަށް އަވަހަށް ދެވުނު ފަރުވާއާ އެކު މާ ލަސްތަކެއްނުވެ، އަލުން ނޯމަލް ހާލަތަށް ގެނެވިފައިވާ ކަމަށެެވެ. އަދި، މީގެ ފަސް އަހަރު ކުރިން، ދިމާވި ހާދިސާއާ ގުޅިގެން، އެރިކްސަން، ލައްވާފައިވާ ޕޭސްމޭކަރު، އޭގެ ޒިންމާ އެންމެ ފުރިހަމަ އަށް އަދާކުރި ކަމަށް ވެސް ޑެންމާކް ފުޓްބޯޅަ އެސޯސިއޭޝަނުން ބުނެފައިވެ އެވެ. 

އެރިކްސަން އަށް ހިތުގެ މައްސަލަ ދިމާވި ދެ ފަހަރު ވެސް އޭނާ އަށް އެންމެ ގާތުން ފަރުވާ ދީފައިވަނީ ޑެންމާކްގެ ގައުމީ ޓީމުގެ ޑޮކްޓަރު، މޯޓެން ބޯސަން އެވެ.

އޭނާ ބުނީ، އެރިކްސަން އަށް ފަރުވާ ދިނުމާ އެކު، އަމިއްލަ އަށް ތެދުވެގެން، ހުރިހާ ކަމެއް ރަނގަޅަށް ހަރަކާތްކުރަން ފެށުމުން ހިތްހަމަޖެހުން ލިބިގެންދިޔަ ކަމަށެވެ. 

"އެކަމަކު މި ހުރިހާ ކަމެއް ނިމުނީ އެއް ނޫން، މިކަން ދިމާވި ސަބަބު ދެނެގަންނަން އިތުރު ޓެސްޓްތަކެއް ހޮސްޕިޓަލްގައި ހަދާނެ،" ބޯސަން ބުންޏެވެ. 

އެރިކްސަންގެ ހިތަށް ލައްވާފައިވަނީ، އިމްޕްލާންޓަބަލް ކާޑިއޮވާޓާ ޑިފިބްރިލޭޓާ (އައިސީޑީ)، ޕޭސްމޭކަރެކެވެ. އެއީ، އެރިކްސަންގެ ހިތުގެ ވިންދާއި ޕްރެޝަރު ނޯމަލް ރޭޓެއްގައި ކޮންޓްރޯލް ކުރުމާއި ހިތުގެ އިތުރު މައްސަލަ ކުރިމަތިވިޔަ ނުދިނުމަށްޓަކައި ހަރުކުރި ޑިވައިސް އެކެވެ. 

މި ފަހުން، އެރިކްސަން އަށް ގިނަ ބަޔެއްގެ ސަމާލުކަން ހުއްޓުނީ، 2021 ވަނަ އަހަރު ކުޅުނު ޔޫރޯ 2020 ފުޓްބޯޅަ މުބާރާތުގައި ފިންލޭންޑާ ދެކޮޅަށް ޑެންމާކް ކުޅުނު މެޗުގެ ތެރެއިން ހާޓްއެޓޭކެއް ޖެހި، ހިތްހުއްޓިގެން ދަނޑުމައްޗަށް ވެއްޓުނު ހާދިސާއާ ގުޅިގެންނެވެ. އެ ގޮތުން، އެ ފަހަރު ދަނޑުމަތީގައި، ފަރުވާ ދިނުމަށް ފަހު، އެރިކްސަން ދަނޑުން ގެންދިޔައީ ވަގުތުން ހޮސްޕިޓަލަށެވެ.

ހިތުގެ މައްސަލަ ހުރުމުން، އޭރު އެރިކްސަން ކުޅެމުން އައި އިންޓަ މިލާނުގައި އޭނާ އަށް ކެރިއަރު ކުރިއަށް ނުގެންދެވުނެވެ. ޓޮޓެންހަމް ހޮޓްސްޕާސް އަށް ވެސް ކުޅުނު އެރިކްސަން ކުޅުމާ ދުރުގައި ހަ ވަރަކަށް މަސް ދުވަހު ހުރެ، ގިނަ ފަރުވާތަކެއް ކުރުމަށް ފަހު 2022 ވަނަ އަހަރު ޖެނުއަރީ މަހު ބްރެންޓްފޯޑާ ގުޅުނެވެ. މިހާރު ކުޅެމުން އަންނަ ވުލްފްސްބާގާ ގުޅުމުގެ ކުރިން މެންޗެސްޓާ ޔުނައިޓެޑަށް ވެސް ކުޅުނެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox