ބަންގްލަދޭޝްގެ އޮތީ ރާއްޖެ ބަލިކޮށްގެން ފައިނަލަށް ދިއުމުގެ ވިސްނުމެއް

Jun 7, 2026, 6:50 AM
ޑައިމަންޑް ޖުބިލީ މުބާރާތުގައި ކުޅޭ ބަންގްލަދޭޝްގެ ޒުވާން ޓީމުގެ ކޯޗު މައުރޫފުލް ހައްގު.--- ފޮޓޯ: އިމޭޖަސް.އެމްވީ

ޑައިމަންޑް ޖުބިލީ މުބާރާތުގައި ކުޅޭ ބަންގްލަދޭޝްގެ ޒުވާން ޓީމުގެ ކޯޗު މައުރޫފުލް ހައްގު.--- ފޮޓޯ: އިމޭޖަސް.އެމްވީ

ރާއްޖޭގެ ފުޓްބޯޅަ އަށް 75 އަހަރު ފުރުމުގެ މުނާސަބަތުގައި މިހާރު ކުރިއަށްދާ ޑައިމަންޑް ޖުބިލީ އިންޓަނޭޝަނަލް މުބާރާތުގައި މިރޭ ކުޅޭ މެޗުގައި އަމާޒަކަށްވާނީ ރާއްޖޭގެ މައްޗަށް ކުރިހޯދައިގެން ފައިނަލަށް ދިއުމަށް ފަހު ޗެމްޕިއަންކަން ހޯދަން މަސައްކަތް ކުރުން ކަމަށް ބަންގްލަދޭޝްގެ ކޯޗު، މައުރޫފުލް ހައްގު ބުނެފި އެވެ. 

ޑައިމަންޑް ޖުބިލީ މުބާރާތުގެ ލީގު ބުރުގެ ފަހު މެޗުތައް މިއަދު ކުރިއަށްދާނެ އެވެ. މިއަދުގެ މެޗުތަކަށް ކުރިމަތިލާއިރު، ރާއްޖެ ފިޔަވައި ދެން އޮތް ތިން ޓީމު ކަމަށްވާ، އަފްގާނިސްތާން، ޕާކިސްތާން އަދި ބަންގްލަދޭޝް އަށް ފަައިނަލުގެ ފުރުސަތު އެބައޮތެވެ. މިއަދު ހަވީރު، އަފްގާނިސްތާން އާއި ޕާކިސްތާން ކުޅޭއިރު، މިރޭ ކުޅޭނީ ބަންގްލަދޭޝް އާއި ރާއްޖެ އެވެ. 

މި ވަގުތުގެ ޕޮއިންޓު ތާވަލަށް ބަލާއިރު، ޕާކިސްތާން އެއް ވަނައިގައި އޮތީ ދެ މެޗުން ހަތަރު ޕޮއިންޓާއި ފައިދާ ތިން ގޯލާ އެކު އެވެ. ދެ ވަނައިގައި އޮތް އަފްގާނިސްތާނަށް ދެ މެޗުން ހަތަރު ޕޮއިންޓާއި ފައިދާ އެއް ގޯލު އޮތްއިރު، ތިން ވަނައިގައި އޮތް ބަންގްލަދޭޝްގެ އޮތީ ދެ މެޗުން ދެ ޕޮއިންޓެވެ. ބަންގްލަދޭޝް އިން ކުޅުނު ދެ މެޗުން ވެސް ލަނޑެއް ނުޖެހި އެއްވަރުވީ އެވެ. ބަންގްލަދޭޝަށް ފައިނަލަށް ދެވެން އޮތީ މިރޭ ރާއްޖެ ބަލިކޮށްގެންނެވެ. 

Advertisement

ފުލުގައި އޮތް ރާއްޖެ ވަނީ ކުޅުނު ދެ މެޗުން ވެސް ބަލިވެފަ އެވެ. 

ބަންގްލަދޭޝްގެ ކޯޗު މައުރޫފުލް ހައްގު މުބާރާތް ފެށުމުގެ ކުރިން ބުނީ، 23 އަހަރުން ދަށުގެ ޓީމު ގޮވައިގެން އައި ކަމުގައި ވިޔަސް އެ ޓީމުގެ އަމާޒަކީ މި މުބާރާތުން ތަޖުރިބާ ހޯދުންނޫން ކަމަށެެވެ. ބަންގްލަދޭޝް މީޑިއާގައި ފެތުރިފައިވާ އެ ވާހަކަ ދޮގުކޮށް އޭނާ ފުރަަތަމަ ދުވަހު ވެސް އަމާޒު ކަނޑައެޅީ ފަައިނަލަށް ދިއުމަށެެވެ. 

އަފްގާނިސްތާނާ އެއްވަރުވި މެޗަށް ފަހު، ނޫސްވެރިންގެ ބައްދަލުވުމުގައި ވާހަކަ ދައްކަމުން މައުރޫފުލް ހައްގު ވަނީ ކުރިން ވެސް ކަނޑައެޅި ޓާގެޓަށް ވާސިލްވުމުގެ އަމާޒުގައި ރާއްޖެއާ ކުރިމަތިލާނެ ކަމަށް ބުނެފަ އެވެ. 

"އަހަރެމެން އައިއިރު ވެސް ވިސްނުން ހުރި ގޮތް ހިއްސާކުރިން. އަހަރެމެން ބުނިން ޓާގެޓަކީ ފައިނަލަށް ދިއުމޭ، އެ އަށް ފަހު ޗެމްޕިއަންކަން ހޯދަން މަސައްކަތް ކުރުމޭ. އަހަރެމެން އަދިވެސް މި އޮތީ ރަނގަޅު ޓްރެކުގައި. އެބަހުރި ގޯސްތަކެއް ހެދިފައި. އެކަމަކު، ދެން އޮތް މެޗުގައި އެކަން ރަނގަޅުކުރެވޭނެ. ދެން އޮތް މެޗު އޮތީ ވަރަށް ރަނގަޅު ލޯކަލް ޓީމަކާ (ރާއްޖެއާ)،" މައުރޫފުލް ހަައްގު ބުންޏެވެ. 

ބަންގްލަދޭޝް އަށް ފައިނަލުގެ ޖާގައެއް ލިބެން އޮތީ ރާއްޖޭގެ މައްޗަށް ކުރިހޯދައިގެންނެވެ. 

މައުރޫފުލް ހައްގު ބުނީ، ފުރަތަަމަ ދެ މެޗަށް ބަލާއިރު، އޭނާ އަށް ބޮޑަށް އުނދަގޫވީ ޕާކިސްތާން މެޗުގައި ކުޅެން ކަމަށެވެ. އެއީ، އެ މެޗު ކުޅުނީ ހަވީރު ގަނޑީގައި ކަމަށްވެފައި އެ ކަމުގެ ސަބަބުން ބޭނުންވާ ލެވަލަށް ކުޅެން އުނދަގޫތަކާ ކުރިމަތިލާން ޖެހުމުން ކަމަށެވެ. 

މީގެ ކުރިން މައުރޫފުލް ހައްގު ވަނީ ބަންގްލަދޭޝްގެ ސީނިއާ ޓީމު ގޮވައިގެން ރާއްޖެއާ ވާދަކޮށްފަ އެވެ. އެ ގޮތުން، 2015 ވަނަ އަހަރުގެ ސާފް ޗެމްޕިއަންޝިޕްގައި މައުރޫފުލް ހައްގު ކޯޗުކޮށްދިން ބަންގްލަދޭޝްގެ ސީނިއާ ޓީމު އަތުން ރާއްޖެ ވަނީ 3-1 އިން މޮޅުވެފަ އެވެ. 

ރާއްޖެ އާއި ބަންގްލަދޭޝް ކުޅޭ މެޗު ފަށާނީ މިރޭ 21:00 ގަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox