ބަޔާނުން 35 ވަނަ ފަަހަރަށް ޖަރުމަނު ލީގު ކާމިޔާބުކޮށްފި

Apr 19, 2026, 11:07 PM
ސްޓުޓްގާޓް ކޮޅަށް ބަޔާންގެ ހަތަރު ވަނަ ލަނޑު ޖެހުމަށް ފަހު ކޭން އުފާފާޅުކުރަނީ.--- ފޮޓޯ: ގެޓީއިމޭޖަސް

ސްޓުޓްގާޓް ކޮޅަށް ބަޔާންގެ ހަތަރު ވަނަ ލަނޑު ޖެހުމަށް ފަހު ކޭން އުފާފާޅުކުރަނީ.--- ފޮޓޯ: ގެޓީއިމޭޖަސް

މިއުނިކް (އޭޕްރީލް 19) - ސްޓުޓްގާޓް އަަތުން 4-2 އިން މޮޅުވެ، ޖަރުމަނު ފުޓްބޯޅައިގެ ވަރުގަދަ ބާރު، ބަޔާން މިއުނިކުން، ޖަރުމަނު ލީގު ޗެމްޕިއަންކަން 35 ވަނަ ފަަހަރަށް ހޯދައިފި އެވެ. 

ބަޔާނުން ވަނީ އެންމެ ފަހުން، ކުޅުނު 14 ސީޒަނުގެ ތެރެއިން 13 ފަހަރު ލީގު ޗެމްޕިއަންކަން ހޯދައިފަ އެވެ. އެ ޓީމަށް ލީގު ގެއްލުނީ މީގެ އެއް އަހަރު ކުރިން، ޒަބީ އަލަޮންސޯގެ ކޯޗުކަމުގައި ބަޔާ ލެވަކޫސަނުން ލީގު ނެގިއިރު އެވެ. ބަޔާނުން މި ފަހަރު ލީގު ޗެމްޕިއަންކަން މި ހޯދީ ބާކީ ހަތަރު މެޗު އޮއްވަ އެވެ. 

މިރޭގެ މެޗަށް ނުކުތްއިރު، ބަޔާނަށް ލީގު ކަށަވަރުކުރަން ބޭނުންވެފައި އޮތީ އެންމެ ޕޮއިންޓެކެވެ. އެއީ، ލީގުގެ ދެ ވަނައިގައި އޮތް ބޮރޫޝިއާ ޑޯޓްމަންޑުން ރޭ ކުޅުނު މެޗުން ހޮފެންހަައިމް އަތުން 2-1 އިން ބަލިވުމުންނެވެ. 

Advertisement

ލީގު ތާވަލުގެ އެއް ވަނައިގައި ބަޔާން އޮތީ 30 މެޗުން 79 ޕޮއިންޓާ އެކު އެވެ. ދެ ވަނައިގައި އޮތް ޑޯޓްމަންޑަށް ވަނީ 30 މެޗުން 64 ޕޮއިންްޓް ލިބިފަ އެެވެ. 

ބަޔާން ދަނޑުގައި މިރޭ ލީޑުނެގީ ސްޓުޓްގާޓުންނެވެ. އެ ގޮތުން، މެޗުގެ 21 ވަނަ މިނިޓްގައި ކްރިސް ފުހްރިޗް ވަނީ ލަނޑެއް ޖަހައި ސްޓުޓްގާޓަށް ކުރިހޯދައިދީފަ އެވެ. އޭގެ 10 މިނިޓް ފަހުން، މެޗުގެ 31 ވަނަ މިނިޓްގައި ރަފައެލް ގަރޭރޯ ވަނީ ލަނޑެއް ޖަހައި، ބަޔާނަށް އެއްވަރުކޮށްދީފަ އެވެ. އޭގެ ދެ މިނިޓް ފަހުން، ނިކޮލަސް ޖެކްސަން ވަނީ ބަޔާނަށް މެޗުގައި ފުރަތަމަ ފަހަރަށް ލީޑުނަގައިދީފަ އެވެ. 

މެޗުގެ 37 ވަނަ މިނިޓްގައި ބަޔާންގެ ތިން ވަނަ ލަނޑު ޖެހީ ލުއިސް ޑިއާޒް ދިން ބޯޅައަކުން އަލްފަންސޯ ޑޭވިސް އެވެ. ޖެކްސަން ވެސް ލަނޑު ޖެހީ ޑިއާޒް ދިން ބޯޅައަކުންނެވެ. ދެ ވަނަ ހާފުގެ ކުޅުން ފެށިގެން ހަތް މިނިޓް ތެރޭ ބަޔާނުން ހަތަރު ވަނަ ލަނޑު ޖެހި އެެވެ. މި ގޯލު ކާމިޔާބުކުރީ ލަނޑު ޖެހުމުގެ ތަފާތު ފޯމެއްގައި ހުރި ހެރީ ކޭން އެވެ.

ބަޔާނުން ތިން ގޯލުގެ ލީޑެއް ނަގައި ހަމަޖެހިލި ފަހުން، މެޗުގެ ފުރިހަމަ ވަގުތު ހަމަވާން ދެ މިނިޓަށް ވެފައި ހުއްޓައި، މެޗުގެ 88 ވަނަ މިނިޓްގައި ސްޓުޓްގާޓުން އެ ޓީމުގެ ދެ ވަނަ ލަނޑު ޖެހި އެވެ. އެ ޓީމަށް މި ލަނޑު ޖަހައިދިނީ  ޗެމާ އަންދްރޭސް އެވެ. 

ލީގު ޗެމްޕިއަންކަން ޔަގީންކުރުމަށް ފަހު ބަޔާނުން ދެން އަމާޒުހިފާނީ ޖަރުމަނު ކަޕާއި ޗެމްޕިއަންސް ލީގަށެވެ. ޖަރުމަނު ކަޕް ސެމީ ފައިނަލުގައި ލެވަކޫސަނާ ކުޅެން ޖެހޭއިރު، ޗެމްޕިއަންސް ލީގުގެ ސެމީ ފައިނަލުގައި ކުޅޭނީ އެންމެ ފަހުގެ ޗެމްޕިއަން، ޕީއެސްޖީއާ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox