ސާފް 20 އަހަރުން ދަށުގެ މުބާރާތް: ނޭޕާލާ އެއްވަަރުވެ ރާއްޖެ އަށް މުބާރާތް ނިމިއްޖެ

Mar 27, 2026, 12:50 PM
ސާފް 20 އަހަރުން ދަށުގެ މުބާރާތް: ނޭޕާލާ އެއްވަަރުވެ ރާއްޖެ އަށް މުބާރާތް ނިމިއްޖެ

ސާފް 20 އަހަރުން ދަށުގެ މުބާރާތުގައި މިއަދު ހަވީރު ކުޅުނު މެޗުގައި 1-1 އިން ނޭޕާލާ އެއްވަރުވެ، ރާއްޖެ އަށް ގްރޫޕް ސްޓޭޖުން މުބާރާތް ނިމިއްޖެ އެެވެ.

ރާއްޖެއާ ދެކޮޅަށް ކުޅުނު މިއަދުގެ މެޗަށް ނުކުތްއިރު، ނޭޕާލަށް އޮތީ ފުރަތަމަ ދެ މެޗުން މޮޅުވެ، ސެމީ ފައިނަލުގެ ޖާގައެއް ޔަގީންވެފަ އެެވެ. ފަހު މެޗުން ލިބުނު ޕޮއިންޓާ އެކު، ނޭޕާލް ވަނީ ގްރޫޕް އެއް ވަނަ ކަށަވަރުކޮށްފަ އެވެ. ދެ ވަނައިގައި އޮތް ސްރީ ލަންކާ އިން ދެ މެޗުން ތިން ޕޮއިންޓް ހޯދާފައިވާއިރު، ތިން ވަނައިގައި ރާއްޖެ އޮތީ ތިން މެޗުން ދެ ޕޮއިންޓާ އެކު އެވެ. އަދި، ފުލުގައި އޮތް ބޫޓާނަށް ދެ މެޗުން ޕޮއިންޓެއް ލިބިފައިވެ އެވެ.

ރާއްޖެ އަށް ސެމީގެ ކުޑަ ވެސް އުންމީދެއް އޮތީ ނޭޕާލް ބަލިކޮށްގެންނެވެ. ރާއްޖޭން ފުރަަތަމަ މެޗުގައި، ލަންކާ އަތުން 3-2 އިން ބަލިވިއިރު، ދެ ވަނަ މެޗުން ބޫޓާނާ އެއްވަރުވީ 0-0 އިންނެވެ. އަދި، މިއަދުގެ މެޗުން ވެސް މި ވަނީ އެއްވަރުވެފަ އެވެ. މި ގްރޫޕުން ސެމީގެ އަނެއް ޖާގަ ކަނޑައެޅޭނީ މިރޭ ލަންކާ އާއި ބޫޓާން ކުޅޭ މެޗުންނެވެ. ބޫޓާނަށް ފުރުސަތެއް އޮތީ ލަންކާ ބަލިކޮށްގެންނެވެ. އެއްވަރުކޮށްލައިގެން ވެސް ލަންކާ އަށް ސެމީ އަށް ދެވޭނެ އެވެ.

ރާއްޖެއާ ދެކޮޅަށް ނޭޕާލުން ނުކުތީ ފުރަތަމަ އެގާރަ އަށް ތިން ބަދަލެއް ގެނެސްގެންނެވެ. އެންމެ ބޮޑު ބަދަލަކީ ފުރަތަމަ ދެ މެޗުގައި ކުުޅުނު ކީޕަރު، ޕެމްބާ ނުރްބޫގެ ބަދަލުގައި ދެ ވަަނަ ކީޕަރު ބަކްތާ ބަހާދުރު ކުޅެން އެރުމެވެ.

ގަލޮޅު ދަނޑުގައި މިއަދު ހަވީރު ކުޅުނު މެޗު ފަށައިގެން ތިން ވަނަ މިނިޓްގައި ރާއްޖޭން ލީޑުނެގުމާ ގާތަށް ޖެހިލި އެވެ. އެ ގޮތުން، ތިން ވަނަ މިނިޓްގައި، އަހުޒަމް ރަޝީދު (އަހު) ނެގި ކޯނަރަކަށް އަރައި، ނާޝިއު އަހުމަދު ޝިހާމް ބޮލުން ފޮނުވާލި ބޯޅަ އަމާޒުވީ ގޯލުގެ ދަނޑިއަށެވެ.

ރާއްޖެ އަށް ލިބޭ ބޯޅަތައް އަވަހަށް އެޓޭކަށް ކުޅެމުންދިއުމުގެ ނަތީޖާ އަކަށްވީ 15 ވަނަ މިނިޓްގައި ލީޑުނެގުމެވެ. އެ ގޮތުން، އީތަން އިބްރާހިމް ޒަކީ، ހާފުގެ މެދު ރޮނގުކައިރިން މަތިން ފޮނުވާލި ބޯޅައެއް ހިފައިގެން ވަދެ، ރާއްޖޭގެ ކެޕްޓަން، މުހައްމަދު އިލާން އިމްރާން ވަނީ ގޯލުގެ މަތީ ދާގަނޑަށް ބޯޅަ ފޮނުވާލައިފަ އެވެ. އިލާނަށް އޭގެ ފަހުން ވެސް ގޯލު ކުރިމަތިން ރަނގަޅު ފުރުސަތެއް ލިބި ރަނގަޅަށް ފޮނުވާނުލެވުނެވެ. އިލާން ފޮނުވާލި ބޯޅަ ނޭޕާލްގެ ޑިފެންޑަރު، ސިއްދާންތު ކަޑްކާ ވަނީ ބްލޮކްކޮށްފަ އެެވެ.

ނޭޕާލަށް ފުރަތަމަ ދެ މެޗުގައި ތަފާތު ދެއްކި، ސުބާޝް ބަމް އާއި ކެޕްޓަން، ދަރުބެންދަރު ކުންވާރު އަށް ލިބޭ ބޯޅަތަކުގައި ރާއްޖޭގެ ޑިފެންޑަރުން، މުހައްމަަދު ޝަމްހާން އާއި ނާޝިއު ދިޔައީ ޑިފެންސިވް ރަނގަޅު މަސައްކަތްތަކެއް ކުރަމުންނެވެ. ދެ ވަނަ ހާފުގައި ސުބާޝް އަށް ކުޅޭ ބޯޅަތައް ގިނަކޮށް، ނޭޕާލުން އޭރިއާތެރެއަށް ގިނަ ހުރަސްތަކެއް ޖެހި އެވެ. އެކަމަކު، ރާއްޖޭގެ ކީޕަރު، ޒަހުރާން ހަސަން ޒިޔާދު (ޒަހު) ވަނީ އެ ބޯޅަތަކުގައި ރަނގަޅު ތަަނަށް އަރައި، ނުރައްކާ އިން ސަލާމަތްކޮށްދީފަ އެވެ.

ދެ ވަަނަ ހާފުގައި ރާއްޖޭން އިލާން އަށް ބޯޅަދިނުމަށް ފަހު، އެޓޭކް ކުރެވޭތޯ ބަލަމުންދިޔައިރު، އޭރިއާރޮނގުކައިިރިން ވޮލީ އަކުން ފޮނުވާލި ބޯޅަ ދިޔައީ ގޯލާ ސީދާނުވެ އެވެ. ރާއްޖޭން މެޗުގެ 74 ވަނަ މިނިޓްގައި ދެ ވަނަ ލަނޑެއް ޖެހުމާ ގާތަށް ޖެހިލިއެވެ. ކޯނަރެއްގައި ލިބުނު ފުރުސަތުގައި، އަހުމަދު އަފްނާން ފޮނުވާލި ބޯޅަ ގޯލު ރޮނގުމަތިން ސަލާމަތްކުރީ ނޭޕާލްގެ އަލީކް ޝްރެސްތާ އެވެ.

އޭގެ ފަހުން މެޗުގެ 80 ވަނަ މިނިޓްގައި، ރާއްޖޭގެ ޔޫސުފް އަޔާން އާމިރު ނެގި ހުރަހަކުން އޭރިއާތެރެއިން އިލާން ބޮލުން ފޮނުވާލި ބޯޅަ ކީޕަރު، ބަކްތާ ބަހާދުރު ވަނީ މަތަކޮށްފަ އެެވެ.

ނޭޕާލުން އެއްވަރުކުރީ މެޗުގެ 88 ވަނަ މިނިޓްގަ އެވެ. މިއީ، ހިލޭޖެހުމަކުން ސުބާޝް ނަގައިދިން ބޯޅައަކަށް އަރައި އެ ޓީމުގެ ނިޝާން ރާޖު ލާވަތު ޖެހި ލަނޑެކެވެ. އޭނާ ވަނީ ރާއްޖޭގެ ޑިފެންޑަރުންގެ ކުރިމައްޗަށް އަރައި، ބޮލުން ގޯލަށް ބޯޅަ ވައްދާލައިފަ އެވެ.

އިތުރު ވަގުތުގެ ތެރޭގައި ރާއްޖޭގެ އަހު އެރިއާބޭރުން ޖެހި ބޯޅަ ކީޕަރު ބަކްތާ ބަހާދުރު ވަނީ ހުއްޓުވައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox