ސާފް 20 އަހަރުން ދަށުގެ މުބާރާތް: ބަންގްލަދޭޝް އަތުން ޕޮއިންޓަކާ އެކު އިންޑިއާ އަށް ގްރޫޕްގެ އެއް ވަަނަ

Mar 28, 2026, 12:54 PM
އިންޑިއާގެ ވިޝާލް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އިންޑިއާގެ ވިޝާލް ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މާލޭގައި މިހާރު ކުރިއަށްދާ 20 އަހަރުން ދަށުގެ ސާފް ޗެމްޕިއަންޝިޕްގައި މިއަދު 1-1 އިން ބަންގްލަދޭޝާ އެއްވަރުކޮށް އިންޑިއާ އިން ގްރޫޕް ބީގެ އެއް ވަނަ ހޯދައިފި އެވެ.

މި މެޗަށް ނުކުތްއިރު ވެސް އެންމެ ފަހުގެ ޗެމްޕިއަން، އިންޑިއާ އާއި ރަނަރަޕް ބަންގްލަދޭޝް އިން މި ވަނީ ސެމީ ފައިނަލުގެ ޖާގަ ހޯދައިފަ އެވެ. ތިން ޓީމު ވާދަކުރާ ގްރޫޕް ބީގެ ފުރަތަމަ މެޗުން 2-0 އިން ބަންގްލަދޭޝް އިން ޕާކިސްތާން ބަލިކުރިއިރު، ދެ ވަނަ މެޗުން އިންޑިއާ އިން ވަނީ 3-0 އިން ބަންގްލަދޭޝް ބަލިކޮށްފަ އެވެ. އެހެންވެ، މިއަދުގެ މެޗު ވެފައި އޮތީ މި ގްރޫޕުން އެއް ވަނަ ކަނޑައެޅުމަށްޓަކައި މުހިންމު މެޗަކަށެވެ.

އިންޑިއާ އިން ގްރޫޕް އެއް ވަނަ ހޯދީ ލަނޑުގެ ތަފާތުންނެވެ. އިންޑިއާ އިން އެއް ވަނަ ހޯދީ ހަތަރު ޕޮއިންޓާއި ފައިދާ ތިން ލަނޑާ އެކު އެވެ. ދެ ވަަނަ އަށް ދިޔަ ބަންގްލަދޭޝަށް ހަތަރު ޕޮއިންޓާ އެކު ލިބުނީ ފައިދާ ދެ ލަނޑެވެ. ތިން ވަނަ އަށް ދިޔަ ޕާކިސްތާނަށް ޕޮއިންޓެއް ނުލިބެ އެވެ.

Advertisement

ސެމީ ފައިނަލުގައި އަންނަ ބުދަ ދުވަހު ހަވީރު، ނޭޕާލުން ކުޅޭނީ ބަންގްލަދޭޝާ އެވެ. އަދި، އެރޭ ކުޅޭ ސެމީ ފައިނަލުގައި ބޫޓާނާއި އިންޑިއާ ބައްދަލުކުރާނެ އެވެ.

ގަލޮޅު ދަނޑުގައި މިއަދު ކުޅުނު މެޗު ފަށައިގެން 17 ވަނަ މިނިޓްގައި އިންޑިއާ އަށް ލީޑުނަގައިދިނީ ވިޝާލް ޔާދަވް އެވެ. ޕާކިސްތާން ކޮޅަށް ވެސް އިންޑިއާ އަށް ލީޑުނަގައިދިން ވިޝާލް، ބަންގްލަދޭޝް ކޮޅަށް އިންޑިއާ އަށް ކުރި ހޯދައިދިނީ ކޯނަރަކުން ތަނަވަސްވި ފުރުސަތެއްގަ އެވެ. ފުރަތަމަ މެޗުގައި ޕާކިސްތާން ކޮޅަށް ބަދަލަކަށް ކުޅެން އަރައި، ދެ ގޯލު ޖެހި، އޮމަންގް ދޫދޯމް ކޯނަރަކުން ނެގި ބޯޅަ ވިޝާލް ވަނީ ބޮލުން ގޯލަށް ވައްދާލައިފަ އެވެ.

އިންޑިއާ އާއި ބަންގްލަދޭޝް އިން މިއަދު ކުޅުނު މެޗުގެ ތެރެެއިން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އިންޑިއާ އިން ފުރަތަމަ ހާފު ކުރީގައި އޮވެގެން ނިންމާލުމަށް ދަނިކޮށް، އިތުރު ވަގުތުގެ ތެރޭގައި ބަންގްލަދޭޝް އިން ވަނީ އެއްވަރުކޮށްފަ އެވެ. އެމެރިކާ އަށް އުފަން، ބަންގްލަދޭޝް ދަރިކޮޅަށް ނިސްބަތްވާ 18 އަހަރުގެ ރޮނަން ބެންޖަމިން ސުލިވަން ނެގި ކޯނަރަކުން ބަންގްލަދޭޝްގެ ލަނޑު ޖެހީ ބަދަލަކަށް ކުޅެން އެރި އަބްދުލް ރިޔާދު ފަހީމް އެެވެ.

ބަންގްލަދޭޝް އިން އެއްވަރުކުރި ގޯލުގެ ކުރިން، އިންޑިއާގެ ބެންޗާއި ބަންގްލަދޭޝްގެ ބެންޗުގެ ދެމެދު ބަހުގެ ހަމަލާތަކެއް ބަދަލުކުރިއިރު، ބަންގްލަދޭޝްގެ ކޯޗު، އިންގްލެންޑްގެ މާކް ކޮކްސް އާއި އިންޑިއާގެ އޮފިޝަަލަކަށް ވަނީ ރަތް ކާޑު ދައްކައި، ބެންޗުން ފޮނުވާލައިފަ އެވެ. މެޗުގެ ރެފްރީ އަކީ ފީފާ ރެފްރީ، ރާއްޖޭގެ ރައީފް ރައޫފް އެވެ.

އިންޑިއާ އިން ވަނީ ދެ ވަނަ ހާފުގައި ކުޅުން ރަނގަޅުކޮށް މެޗުން މޮޅުވާން ރަނގަޅު ފުރުސަތުތަކެއް ހޯދައިފަ އެވެ. އެ ގޮތުން، ދެ ފުރުސަތު ވެސް ލިބިގެންދިޔައީ އެ ޓީމުގެ އޮމަންގް އަށެވެ. އެއް ފުރުސަތުގައި، އޭނާ މަސައްކަތް ކުރީ ބަންގްލަދޭޝްގެ ކީޕަރު، އިސްމާއިލް ހުސެއިން ކައިރިން ނައްޓާފައި ޖެހުމަށެވެ. އެކަމަކު، ކީޕަރު އިސްމާއިލް ވަނީ ހުށިޔާރުކަމާ އެކު އެ ބޯޅަ އަތަށް ނަގައިފަ އެވެ. އޭގެ ފަހުން، އޮމަންގް އަށް ހުސްކޮށް ލިބުނު ބޯޅަ ކޮންޓްރޯލް ނުކުރެވި ފުރުސަތު ގެއްލުނީ އެވެ.

މި މެޗުގައި ބަންގްލަދޭޝްގެ ގިނަ ހަމަލާތަކެއް އިންޑިއާގެ ކީޕަރު ސޫރަޖް ސިންގް މަތަކުރި އެވެ. މެޗުގެ މޮޅު ކުޅުންތެރިއަކީ ވެސް ސޫރަޖް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox