ހަގީގަތާ ކުރިމަތިނުލައި އުންްމީދުތައް މަތިނުކުރެވޭނެ: އުރްބާނީ

Mar 26, 2026, 6:01 AM
ރޭގެ މެޗަށް ފަހު ބޭއްވި ނޫސްވެރިންގެ ބައްދަލުވުމުގެ ތެރެއިން އުރްބާނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ރޭގެ މެޗަށް ފަހު ބޭއްވި ނޫސްވެރިންގެ ބައްދަލުވުމުގެ ތެރެއިން އުރްބާނީ.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މާލޭގައި މިހާރު ކުރިއަށްދާ ސާފް 20 އަހަރުން ދަށުގެ މުބާރާތުގައި ވާދަކުރާ ރާއްޖޭގެ ޒުވާން ގައުމީ ޓީމުގެ ކުޅުންތެރިންގެ ފަރާތުން ކުއްލިއަކަށް ބޮޑު ކާމިޔާބަކަށް އުންމީދުކުރުމުގެ ކުރިން ރާއްޖޭގެ ފުޓްބޯޅައިގެ ހާލަތު އޮތްގޮތުގެ ހަގީގަތާ ކުރިމަތިލައި ކަންކަން ތަރުތީބުގެ މަގުން ގެންދިއުން މާ މުހިންމު ކަމަށް ގައުމީ ޓީމުގެ ކޯޗު ހަންގޭރީގެ އިސްތަވާން އުރްބާނީ ބުނެފި އެވެ.

ސާފް 20 އަހަރުން ދަށުގެ މުބާރާތުގައި ރާއްޖޭން ކުޅުނު ފުރަތަމަ މެޗުގައި 3-2 އިން ސްރީ ލަންކާ އަތުން ބަލިވިއިރު، ދެ ވަނަ މެޗުގައި ބޫޓާނާ ދެކޮޅަށް ރޭ ވަނީ ލަނޑެއް ނުޖެހި 0-0 އިން އެއްވަރުވެފަ އެވެ. މުބާރާތުގެ ފުރަތަމަ ދެ މެޗުގެ ނަތީޖާ ނުކުތް ގޮތުން، ރާއްޖެ އަށް ސެމީ ފައިނަލަށް ދިއުމުގެ އަމިއްލަ ބާރެއް ނެތެވެ. ރާއްޖޭން ޖެހޭނީ ގްރޫޕްގެ ފަހު މެޗުގައި ނޭޕާލް ބަލިކޮށް، ދެން ކުޅޭ މެޗުން ސްރީ ލަންކާ އާއި ބޫޓާންގެ ކުރިމަތިލުމުން ނަތީޖާ ނުކުންނަ ގޮތެއް ބަލަން ތިބޭށެވެ.

Advertisement

ސެމީ ފައިނަލަށް ދިއުމަށްޓަކައި، މެތަމެޓިކަލް ހަނި ފުރުސަތެއް ރާއްޖެ އަށް އޮތްއިރު، އެ އަށް އުންމީދު ކުރެވިދާނެތޯ ސުވާލުކުރުމުން، ރޭގެ މެޗަށް ފަހު އޮތް ނޫސްވެރިންގެ ބައްދަލުވުމުގައި އުރްބާނީ ބުނީ، ކާމިޔާބު ހޯދުމުގެ އުންމީދުތަކެއްގެ ވާހަކަ ދެއްކުމުގެ ކުރިން، ކުރަން ޖެހޭ އިތުރު ކަންތައްތަކެއް އެބަހުރި ކަމަށެވެ.

"އަހަންނަށް ނުވިސްނުނު ކޮންބަަަޔަކު ކަމެއް ޓީމާ މެދު ބޮޑެތި އެކްސްޕެކްޓޭޝަންތަކެއް މި ގެންނަނީ؟ ސޯޝަލް މީޑީއާއިން ތޯ، ކުރިމަގުގެ ރަން ޖީލޭ މި އިޝާރާތް ކުރަނީ، ޔަގީންކަމެއް، އަހަރެމެންގެ ތިބީ ވަރަށް ހުނަރުވެރި މޮޅު ކުޅުންތެރިން، ޑިވެލޮޕް ކުރަން ޖެހޭ. އަހަރެން ފުރަތަމަ ވެސް ބުނިން ހަމައެކަނި ހުނަރު ހުރެގެން ނުވާނެއޭ، ހުނަރު ޖެހޭނީ ސާބިތުކޮށްދޭށޭ." އުރްބާނީ ބުންޏެވެ.

އެފްއޭއެމްގެ ޓެކްނިކަލް ޑިރެކްޓަރުގެ މަގާމާއި ސީނިއާ ގައުމީ ފުޓްބޯޅަ ޓީމުގެ ކޯޗުގެ ޒިންމާ ވެސް އުފުލަމުން އަންނަ އުރްބާނީ ބުނީ، ސިސްޓަމެޓިކް ގޮތެއްގައި ފުޓްބޯޅަ ރަނގަޅަށް ހިނގައިގަނެ، ޒުވާން ކުޅުންތެރިންނަށް ފުޓްބޯޅަ އާއި ފުޓްބޯޅައިގެ ބޭރުން ވެސް ކަންކަން ބުނެދީގެން ނޫނީ ރޭވިގެން ނޫން ގޮތަކަށް މިހާރު މި އޮތް ފުޓްބޯޅައިގައި ކާމިޔާބުގެ ވާހަކަ ނޫނީ އުންމީދުތަކެއްގެ ވާހަކަ ދައްކަން ރަނގަޅުނުވާނެ ކަމަށެވެ.

"މި ކަންކަން ރަނގަޅަށް ސިސްޓަމެއްގެ ތެރެއިން ހިނގައިގަތުމަށް ފަހު އުންމީދުތަކެއް ކުރަންވީ. އުންމީދެއް ކުރެވޭނީ އެއްޗެއް ދަސްވާ ވަރަށް ފުޓްބޯޅަ އައިކިޔޫ ރަނގަޅުވާނެ މިންވަރަށް މެޗު ކުޅެގެން. ހަމައެކަނި، ސިންގަޕޫރަށް ގޮސް ދެ މެޗެއް ކުޅެލާއިރަށް (ބޮޑެތި ކާމިޔާބީތައް ކުއްލިއަކަށް ހޯދަން) އުންމީދެއް ނުކުރެވޭނެ." އުރްބާނީ ބުންޏެވެ.

ސާފް 20 އަހަރުން ދަށުގެ މުބާރާތަށް ތައްޔާރުވުމުގެ މަސައްކަތްތައް ރޯދަ މަހު ކުރިއަށްގެންދިއުމުގެ ސަބަބުން އެ ކުރިމަތިވާނެ ޗެެލެންޖުތައް ފުރަތަމަ ދެ މެޗަށް ފަހު ފެންނަން ފަށާފައިވާ ކަމަށް އުރްބާނީ ވަނީ ފާހަގަކޮށްފަ އެވެ. އެއްވެސް ވަރަކަށް ވާދަވެރި ގިނަ މެޗުތަކެއް ކުޅެފައި ނެތް ޓީމެއް ކުއްލިއަކަށް ނަތީޖާ ނެރެން ޖެހޭ މެޗުތަކެއް ގާތްގާތުގައި ކުޅެން ޖެހުމުން، ޕްރެޝަރު ހާލަތެއްގައި ކުޅުންތެރިންނަށް އެންމެ ރަނގަޅަށް ނުކުޅެވޭނެކަން ވިސްނޭ ކަމަށް ވެސް އުރްބާނީ ވަނީ ބުނެފަ އެވެ. އަމުދުން، ކުއްލިއަކަށް ފުރަތަމަ ފަހަރަށް އަމިއްލަ ސަޕޯޓަރުން ކުރިމަތީގައި ކުޅެން ޖެހުމުން ނަތީޖާއެއް ހޯދަން އެ އޮތް ޕްރެޝަރަށް ވެސް މި ކުޅުންތެރިން އާ ވާނެ ކަމަށް އުރްބާނީ ވަނީ ބުނެފަ އެވެ.

ރާއްޖޭގެ ކުޅުންތެރިންގެ ފިޓްނަސްއާ މެދު ސުވާލު އުފައްދާ ފަރާތްތަކަށް ވެސް އުރްބާނީ ވަނީ ޖަވާބެއް ދީފަ އެވެ.

"އަހަރެމެންނަށް ބުނެދެވިދާނެތަ ކުޅުންތެރިންގެ ފިޒިކަލް ކަންކަމަށް އޮންނަ އުސޫލާ އެއްގޮތަށް ހޭދަކުރާ ވަގުތު އަހަރެމެންގެ ކުޅުންތެރިންގެ ކެއުމުގެ ކަންކަން ހުންނަ ގޮތުގެ ކަންކަން ހުރި ގޮތާ މެދު ވިސްނާލެވޭނެތަ. އެ ކަންކަމަށް ވިސްނާއިރު ހަގީގަތުގައި އަހަރެން ހައިރާންވޭ ކުޅުންތެރިންނަށް (މި މުބާރާތުގައި އެ ކުޅޭ ޓީމުތަކާ ދެކޮޅަށް) މެޗު ނިމެންދެން ކުޅެވޭތީ ވެސް،" އާ ޖީލެއް އުފައްދާއިރު، ރަނގަޅު ޑައިޓް ޕްލޭނެއް ވެސް މުހިންމުކަން ފާހަގަކޮށް އުރްބާނީ ބުންޏެވެ.

އޭނާ އަކީ ވެސް ހަވާލުވެ ހުންނަ ޓީމެއް މޮޅުވުމަށްޓަކައި، ވަރަށް މަސައްކަތް ކުރާ ކޯޗެއްކަން ފާހަގަކޮށް އުރްބާނީ ބުނީ، ހަގީގަތުގައި، ރާއްޖެ އަށް ރޭ ކުޅުނު ބޫޓާން މެޗު އުނދަގޫ ވެގެންދިޔައީ، ފުރަތަމަ މެޗު ދިޔަ ގޮތުން ކަމަށެވެ. އާންމު އުސޫލުން ބުނާ ކަމަށްވާނަމަ، ފުރަތަމަ ހާފެއް ދެ ގޯލުން ކުރީގައި އޮވެ، ނިންމާލުމަށް ފަހު، އެ މެޗު ގެއްލިގެން ދިއުމަކީ ދެން އޮތް މެޗަށް ޕްރެޝަރުތަކެއް އަންނާނެ ސަަބަބެއް ކަމަށެވެ. އެ ގޮތަށް ވިސްނާއިރު، ސްރީ ލަންކާގެ މެޗުގެ ކަންކަން ދިޔަ ގޮތުގެ އަސަރު ބޫޓާން މެޗަށް ސައިކޮލޮޖިކަލީ ތައްޔާރުވާއިރު ކުރާނެ ކަމަށް އުރްބާނީ ވަނީ ބުނެފަ އެވެ.

ހުކުރު ދުވަހު ހަވީރު ނޭޕާލާ ދެކޮޅަށް ކުޅޭ މެޗަކީ ވެސް ރާއްޖެ އަށް ވަރަށް މުހިންމު މެޗެއް ކަމަށާއި ފުރަތަމަ ދެ މެޗަށް ވުރެން ރަނގަޅަށް އެ މެޗުގައި ރާއްޖޭގެ ކުޅުންތެރިން ކުޅޭނެ ކަމަށް އުންމީދުކުރާ ކަމަށް އުރްބާނީ ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox