ފަހު ސިކުންތުގައި ދަގަނޑޭ ޖެހި ޕެނަލްޓީން ނިއު އިން ޗެމްޕިއަން މާޒިިޔާއާ އެއްވަރު

Jan 29, 2026, 3:17 AM
ޕެނަލްޓީ ކާމިޔާބުކުރުމަށް ފަހު ދަަގަނޑޭ އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ޕެނަލްޓީ ކާމިޔާބުކުރުމަށް ފަހު ދަަގަނޑޭ އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ދިރާގު ދިވެހި ޕްރިމިއާ ލީގުގެ މި ސީޒަނުގެ ވެސް ޗެމްޕިއަންކަން ޔަގީންކޮށްފައިވާ މާޒިޔާ ސްޕޯޓްސް އެންޑް ރެެކްރިއޭޝަން ކޮޅަށް ފަހު ވަގުތު، ނިއު ރޭޑިއަންޓް ސްޕޯޓްސް ކްލަބްގެ ކެޕްޓަން، އަލީ އަޝްފާގު (ދަގަނޑޭ) ޖެހި ގޯލުން ދެ ޓީމު 2-2 އިން އެއްވަރުވެއްޖެ އެވެ.

ރޭގެ މެޗަށް ނިކުތްއިރު ވެސް މާޒިޔާ އަށް ވަނީ ލީގު ޗެމްޕިއަންކަން ޔަގީންވެފަ އެވެ. މާޒިޔާ އަށް ޖެހިޖެހިހެން ފަސް ވަނަ ސީޒަނުގައި ލީގު ޗެމްޕިއަންކަން ކަށަވަރުވީ، ލީގުގެ ދެ ވަނައިގައި އޮތް އޮޑި ސްޕޯޓްސް ކްލަބުން އިއްޔެ ހަވީރު ކުޅުނު މެޗުގައި ބުރު ސްޕޯޓްސް ކްލަބާ 1-1 އިން އެއްވަރުވުމުންނެވެ.

Advertisement

މާޒިޔާ އަށް ރޭގެ މެޗުގެ ކުރިން ނިއު އިން ވަނީ ގާޑް އޮފް އޮނާއެެއް ދީފަ އެވެ.

ގަލޮޅު ދަނޑުގައި ރޭ ކުޅުނު މެޗުގައި މާޒިޔާ އާއި ނިއު އަށް ވެސް ފުރަތަމަ ހާފުގައި ގޯލެއް ޖެހޭގޮތެއްނުވި އެވެ. އެކަަމަކު، ދެ ވަނަ ހާުފުގެ ކުުޅުން ފެށިގެން ދެ މިނިޓް ތެރޭ، މާޒިޔާ އިން ލީޑުނެގި އެވެ. މިއީ، ނިއުގެ ދެ ކުޅުންތެރިން ކައިރިން ނައްޓާފައި އޭރިއާތެރެއަށް ވަދެ، މާޒިޔާގެ ހަސަން ނަޒީމް ގާސިމް (ޗޯޓު) ގޯލުގެ ތިރީ ކަނަށް ބޯޅަ ފޮނުވާލައިގެން ޖެހި ގޯލެކެވެ.

ފުރަތަމަ ގޯލު ޖެހިތާ އަށް މިިނިޓް ފަހުން، މާޒިޔާ އަށް ލީޑުފުޅާކޮށްދިނީ ޓީމުގެ ކެޕްޓަން، ސަމޫހު އަލީ (ސަމުއްޓެ) އެވެ. އެ ގޮތުން، ކޯނަރެއްގައި ހުރަސްވި ބޯޅައެއް ސަމުއްޓެ ވަނީ ބޮލުން ގޯލުގެ ތެރެއަށް ފޮނުވާލައިފަ އެވެ.

މާޒިޔާގެ ސަމުއްޓެ ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ނިއު އިން މެޗުގެ ތެރެއަށް އެނބުރި އައުމަށްޓަކައި ކުރަމުން އައި މަސައްކަތުގައި ފުރަތަމަ ގޯލު ޖެހީ، މާޒިޔާ އިން ލީޑުފުޅާކުރިތާ ތިން މިނިޓް ފަހުންނެވެ. އެ ގޮތުން، މި ލަނޑު ޖެހީ ފަހަކަށް އައިސް ރަނގަޅު ފޯމެއްގައި ކުޅެމުން އަންނަ ނައިޖީރިއާގެ ފޯވާޑް، އަލްހާޖީ ގޭރޯ އެވެ. މިއީ ކޯނަރަކުން ހުރަސްވި ބޯޅައަކުން ގޭރޯ ފުންމައިގެން އަރައި ބޮލުން ޖެހި ގޯލެކެެވެ.

މާޒިޔާ މޮޅުވާން ދަނިކޮށް އިތުރު ވަގުތުގެ ގޮތުގައި ދެއްކި ވަގުތުގެ ތެރެއިން 10 ވަނަ މިނިޓްގައި ނިއު އަށް ޕެނަލްޓީއެއް ލިބުނެވެ. މިއީ، މާޒިޔާގެ ކީޕަރު ހުސެއިން ޝަރީފް (ހުސެން) އޭރިއާތެރެއިން ނިއުގެ ގޭރޯ އަށް ކުރި ފައުލަކަށް ދިން ޕެނަލްޓީ އެކެވެ. މެޗުގެ 82 ވަނަ މިނިޓްގައި ބަދަލަކަށް ކުޅެން އެރި ދަގަނޑޭ ވަނީ މި ޕެނަލްޓީ ވައްދާލައިފަ އެވެ. މިއީ، އެންމެ ފަހުން ދެ މެޗުގައި ބަދަލަކަށް ކުޅެން އަރައި ދަގަނޑޭ ޖެހި ތިން ވަނަ ގޯލެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox