އީގަލްސް އިން ފުރަތަމަ ބުރު ނިމުމުގެ ކުރިން ގަދަ ހަަތަރެއްގެ ޓާގެޓެއް

Nov 4, 2025, 3:21 AM
އީގަލްސްގެ މެޗެއްގެ ތެރެއިން ބެންޖޯ.-- ފޮޓޯ: ރާއިފް ޔޫސުފް / އަދަދު ސްޕޯޓްސް

އީގަލްސްގެ މެޗެއްގެ ތެރެއިން ބެންޖޯ.-- ފޮޓޯ: ރާއިފް ޔޫސުފް / އަދަދު ސްޕޯޓްސް

ދިރާގު ދިވެހި ޕްރިމިއާ ލީގުގައި ކްލަބް އީގަލްސް އިން ފުރަތަމަ ބުރު ނިމުމުގެ ކުރިން ޓާގެޓަކީ ގަދަ ހަތަރެއްގެ ތެރެއަށް ވަނުން ކަމަށް އެ ޓީމުގެ ކޯޗުގެ ޒިންމާއާ ހަވާލުވެހުރި އަބްދުﷲ ހަނީފް (ބެންޖޯ) ބުނެފި އެވެ.

ލީގުގައި އެންމެ ފަހުން ކުޅުނު މެޗުން އީގަލްސް އިން ވަނީ ޓީސީ ސްޕޯޓްސް ކްލަބް އަަތުން 2-0 އިން މޮޅުވެފަ އެވެ. މިއީ، ޗެރިޓީ ޝީލްޑް މެޗު ހިމެނޭގޮތަށް މި ސީޒަނުގައި އީގަލްސް އިން ކުޅުނު ހަތް މެޗުގެ ތެރެއިން މޮޅުވި ފުރަަތަމަ މެޗެވެ.

Advertisement

ލީގު ފެށިއިރު، އީގަލްސްގެ ކޯޗަކަށް ހުރި އަހުމަދު ނިމާދު (ނިމާ) ޓީމާ ދުރަށް ދިއުމުން، ކޯޗުގެ ޒިންމާއާ ހަވާލުވީ ކުރިން އީގަލްސް އަށް ކުޅުނު އަބްދުﷲ ހަނީފް (ބެންޖޯ) އެވެ.

ބެންޖޯ ހަވާލުވި ފަހުން އީގަލްސް އިން ކުޅުނު ފުރަތަމަ ދެ މެޗުން ވަނީ، އޮޑި ސްޕޯޓްސް ކްލަބާއި ނިއު ރޭޑިއަންޓް ސްޕޯޓްސް ކްލަބާއި އެއްވަރުވެފަ އެވެ. އަދި، އޭގެ ފަހުން ކުޅުނު މެޗުގައި ލީގުގެ ފުލުގައި އޮތް ޓީސީ އަތުން މި ވަނީ މޮޅުވެފަ އެވެ. މި މޮޅާ އެކު، އީގަލްސް ހަ ވަނައިގައި އޮތީ ހަ މެޗުން ހަ ޕޮއިންޓް ހޯދައިގެންނެވެ.

"އީގަލްސް އަކީ ރާއްޖޭގެ ފާއިތުވި ސީޒަންގައި ރާއްޖޭގެ އެންމެ ރަނގަޅު އެއް ޓީމު، މާޒިޔާ ނަގާފައި، އީގަލްސްގެ އަބަދުވެސް ޓާގެޓަކީ އެންމެ ދަށްވެގެން ގަދަ ހަތަރެއްގެ ތެރޭގައި ހިމެނުން އެއީ، ފުރަތަމަ ބުރު ނިމޭއިރު އަޅުގަނޑުގެ ޓާގެޓަކީ،" ޓީސީ މެޗަށް ފަހު، ބެންޖޯ ބުންޏެވެ.

ފުރަތަމަ ބުރުގައި އީގަލްސް އަށް ބާކީ އޮތީ ޔުނައިޓެޑް ވިކްޓަރީ (ޔޫވީ)، ކްލަބް ވެލެންސިއާ އަދި ވިކްޓަރީ ސްޕޯޓްސް ކްލަބާ ކުޅޭ މެޗުތަކެވެ.

ފުރަތަމަ ޑިވިޝަނުގައި ގިނަ އަހަރުތަކެއް ވަންދެން ކުޅުނު ބެންޖޯ ބުނީ، މޮޅެއް ނުލިބި ގިނަ މެޗުތަކެއް ދިއުމުން ކުޅުންތެރިންނަށް މޮޅެއް ހޯދުން ވެގެންދިޔައީ ވަރަށް އުނދަގޫ ކަމެއް ކަމަށެވެ. އެކަމަކު، އެކަން ހާސިލްކުރުމަކީ ކޮންފިޑެންސާ އެކު ކުރިއަށް ދިއުމަށް ކޮށުނު މަގެއް ކަމަށް ބެންޖޯ ވަނީ ފާހަގަކޮށްފަ އެވެ.

"އަނެއްހެން ކޮންފިޑެންސްގެ މައްސަލަތަކެއް މި އުޅެނީ. ލަނޑުތައް ނުޖެހި، މޮޅުނުވެވި، ޓީމު އޮތް ހާލަތުން، މީގެ ބޭނުންވަނީ ކޮންފިޑެންސް، ޕްރެކްޓިސްގައި ކުރަން ޖެހޭ މަސައްކަތް އެބަކުރޭ. ދެން، މި ބުނާ ގޮތަށް ކޮންފިޑެންސް އައީމަ، މަޑުމަޑުން ރަނގަޅުވަމުންދާނީ،" ބެންޖޯ ބުންޏެވެ.

"ވަރަށް ބޮޑަށް މޮޅެއް ބޭނުންވެފައި އިނީ އީގަލްސް ކުރިއަށްދާން، ޓޭބަލް އިން ވެސް (ޓީސީ އަތުން ހޯދި) މި މޮޅާ އެކު ފެންނާނެ މައްޗަށް ޖެހިލާތަން. އޭގެއިން ކުޅުންތެރިން ކޮންފިޑެންސަށް ލިބުނު ވަރަށް ބޮޑު އެއްޗެއް އެއީ،"

ބެންޖޯ ބުނީ، އެެހެން އަހަރުތަކާ ހިލާފަށް މި ފަހަރުގެ ދިވެހި ޕްރިމިއާ ލީގުގައި ހުރިހާ ޓީމެއް ވެސް ވަރަށް ރަނގަޅަށް ތައްޔާރުވެގެން ތިބި ކަމަށެވެ. އެހެންކަމުން ކުޅެން ޖެހެނީ އުނދަގޫ މެޗުތަކެއް ކަމަށާއި، އެއްވެސް ޓީމަކަށް ޔަގީންކަމާ އެކު ކުޅެލަން ފަސޭހަ ޓީމެއް ނެތް ކަމަށް ބެންޖޯ ވަނީ ފާހަގަކޮށްފަ އެވެ.

"ފަސޭހައެއް ނުވާނެ އެއްވެސް ބަޔަކާ އެކީ ކުޅެން، އެހެންވީމަ ކުރިއަށް އޮތް މެޗު ވެސް އުނދަގޫވާނެ، މީގެ އޮންނާނީ މަސައްކަތް ކުރުން، ރަނގަޅު ރޭވުމަކާ އެކީ ނުކުމެ އެކަން ހާސިލްކޮށްފިއްޔާ ކާމިޔާބު ލިބޭނެ،" ބެންޖޯ ބުންޏެވެ.

އީގަލްސްގެ ކަންކަން ރަނގަޅުކުރަން އޭނާ އާ ބައިވެރިވެގެން ކުޅުންތެރިން ކުރާ މަސައްކަތް ބެންޖޯ ވަނީ ފާހަގަކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox